一講起紅白二事當中嘅白事，你就會諗起破地獄；一諗起破地獄，你就會諗起喃嘸道士嘅身影飛舞；一諗起喃嘸道士嘅身影，你就會諗起佢嘅背景係殯儀館。將殯儀館、白事、喃嘸道士扣連，就成為我哋習以為常嘅常識。 但明明喃嘸道士所做嘅功德法事，可以分為白事同紅事兩種，換言之，喃嘸道士唔係只做白事。紅事當中，最大規模就莫過於大家聽熟能詳嘅太平清醮，通常都係請新界本地正一派嘅喃嘸道士去主持儀式。但呢啲大型紅事往往都係一年一度，甚至幾年一度，所以大家對於喃嘸道士嘅印象，未必係源自大型紅事，而係源自殯儀館嘅白事，甚至有一個印象：喃嘸道士以白事為主業。 而我近排見破地獄咁hit，就去搵下香港嘅破地獄傳統係點嚟，...

「道可道，非常道，名可名，非常名」……當你二十三歲聽到以上嘅呢段說話，可能仲係一頭霧水，大叫：「師父唔好念喇」。但係喺中國歷史上，有一個二十三歲嘅青年，英年早逝，憑住驚人嘅洞察力同深厚嘅思辨能力，留低為《老子》作注嘅注本，而佢嘅注本更成為後嚟所有研究老子嘅人，不能不讀嘅經典。 呢個青年，就係魏晉玄學嘅代表人物，王弼。佢生於226年，時值三國，死於249年，年僅23歲。但係人間歲月之短，唔阻礙佢成為中國哲學史上其中一個最重要嘅哲學家。 今集，我哋嚟聽下楊立華先生喺《中國哲學十五講》對王弼嘅介紹，以及講少少魏晉時代對士人心靈嘅摧殘。 Music: thread-of-cloud...