រូប​សំណាក​របស់​លោក​វេជ្ជ​បណ្ឌិត Beat Richner ស្ថាបនិក​មន្ទីរ​ពេទ្យ​គន្ធ​បុប្ឆា ដែល​ធ្វើ​អំពី​ស្ពាន់​ទំងន់​១៥០​គីឡូ​ក្រាម ត្រូវ​បាន​យុវ​និស្សិត​មហា​វិទ្យា​ល័យ​សិល្បៈ​សូន​រូប​នៃ​សាកល​វិទ្យាល័យ​ភូមិន្ទ​វិចិត្រ​សិល្បៈ ពីរ​នាក់​កសាង​ឡើង ដើម្បី​ទុក​ជា​ស្នាដៃ​បញ្ចប់​ថ្នាក់​បរិញ្ញា​ប័ត្រ​របស់​ខ្លួន​ផង និង​ដើម្បី​បង្ហាញ​ការ​ដឹង​គុណ និង​ការ​ចង​ចាំ​ចំពោះ​ការ​លះ​បង់​របស់​លោក​ចំពោះ​កុមារ​និង​ប្រជាជន​កម្ពុជា​ផង​។ រូប​សំណាក​នេះ ត្រូវ​បាន​និស្សិត​ទាំង​ពីរ​ឲ្យ​ឈ្មោះ​ថា «វីរៈ​បុរស​មនុស្ស​ធម៌​»។