នៅ​មុន​មួយ​ថ្ងៃ​នៃ​ពិធី​បុណ្យ​អុំទូក ដែល​នឹង​ចូល​មក​ដល់​នៅ​ថ្ងៃទី១០​វិច្ឆិកា កីឡាករ​អុំទូក​កំពុង​ហាត់​សម​នៅ​ទន្លេ​បួន​មុខ និង​ជ្រោយ​ចង្វា​ត្រើយ​ខាង​កើត សម្រាប់​តៀម​ប្រកួត​នៅ​ថ្ងៃ​អាទិត្យ​។ ភាគ​ច្រើន​នៃ​កីឡាករ​អុំទូក ដែល​អ្នក​កាសែត​វិទ្យុ​បារាំង​បាន​ជួប​សម្ភាស​នៅ​ថ្ងៃ​នេះ សុទ្ធ​សឹង​តែ​អ្នក​អាជីព កាន់​ចង្វារ​ទូក​មិន​តិច​ជាង​១០​ឡើយ​។ ប៉ុន្តែ​អ្វី​ជា​ការ​កត់​សម្គាល់ នៅ​ក្នុង​ចំណាប់​អារម្មណ៍​ចុង​ក្រោយ ​កីឡាករ​អុំទូក​ស្នើ​ឲ្យ​ពលរដ្ឋ​ចូល​រួម​ទស្សនា​ពិធី​បុណ្យ​អុំទូក​ឲ្យ​បាន​ច្រើន​កុះ​ករ ព្រោះ​វត្ត​មាន​ពលរដ្ឋ​ជា​កម្លាំង​ចិត្ត​សម្រាប់​ពួក​គេ​។