កាល​ពី​ពេល​ថ្មី​នេះ វិទ្យាស្ថាន​បច្ចេកវិទ្យា​កម្ពុជា​ដែល​គេ​ហៅ​តាម​ទម្លាប់​ថា ​(តិចណូ)បានរៀប​ចំ​ជំនួប​ដ៏​កម្រ​មួយ​រវាង​រដ្ឋមន្ត្រី​ក្រសួងអប់រំ លោក ហង់ ជួនណារ៉ុន និងបណ្ឌិតវិស្វករ​៩០​នាក់ ដែល​បញ្ចប់​ការ​សិក្សា​មក​ពី​ក្រៅ​ប្រទេស ហើយ​កំពុង​បំរើ​ការងារ​នៅ​សា​លា​តិច​ណូ។ តាម​អ្នក​រៀប​ចំ​កម្មវិធី បណ្ឌិត​ទាំង​៩០​នាក់​បាន​ត្រឡប់​មក​ធ្វើការ​នៅប្រទេស​កំណើត​វិញ​ក្រោយ​ពួក​គេ​បាន​បញ្ចប់​ការ​សិក្សា​នៅ​ក្រៅ​ប្រទេស ដើម្បី​រួមចំណែក​អភិវឌ្ឍ​ប្រទេស។​ តាមរយៈ​ក្បាល​មេក្រូ​វិទ្យុ​បារាំង​អន្តរជាតិ បណ្ឌិត​មួយ​ចំនួនបាន​លើក​ទឹក​ចិត្ត​ឲ្យ​យុវជន​ចាប់​យក​មុខ​ជំនាញ​វិស្វករ​នេះ ឲ្យ​បាន​ច្រើន ដើម្បី​ឆ្លើយ​តបនឹង​តម្រូវ​ការ​សង្គម​ជាក់​ស្ដែង​ផ្នែក​រ៉ុករករ៉ែ និង​ការ​សាង​សង​ជាដើម។