Við höfum ekki öll sömu tækifæri til þess að hlúa að eigin heilsu, fyrirbyggja sjúkdóma eða aðra kvilla með heilbrigðum lífsstíl. Við höfum heldur ekki sama aðgengi að heilbrigðisþjónustu þegar eitthvað bjátar á. Við ræðum heilsuójöfnuð, orsakir hans og birtingarmyndir á Íslandi. Sigrún Ólafsdóttir, prófessor við félagsvísindadeild Háskóla Íslands, hefur lengi skoðað hvernig samfélög og kerfi móta líf einstaklinga. Hún var meðal fræðimanna sem flutti erindi á málþingi um ójöfnuð í dag . Það er spáð hlýnandi veðri á næstu dögum og gert ráð fyrir að hiti hér í höfuðborginni fari yfir 10 gráður í næstu viku með rigningu. Þannig að það er útlit fyrir hláku næstu daga. Við ætlum að forvitnast um hvernig er brugðist við í höfuðborginni þegar snjórinn og svellbunkarnir bráðna hratt á götum og gangstéttum með tilheyrandi vatnselg. Hjalti Jóhannes Guðmundsson skrifstofustjóri borgarlandsins há Reykjavíkurborg ræðir þau mál við okkur og fleira tengt vetrarþjónustu. Svo lítum við út í geim með Sævari Helga Bragasyni. Hann ætlar að fara yfir geimárið 2024.