23. 百外年个風神記憶－記ㄧ串年(連) (選自八音九歌十番集有聲書，作者劉惠月) ........................................................... 臺灣頭一張商業唱片串起百年个傳承 1914年15個客籍樂師到日本錄音 東京上野公園「大正博覽會」留影个印記 對美國錄音師輕鬆自在个異國合作起勢 灌錄好臺灣頭ㄧ張歷史意義个唱片 客家八音＜一串年＞幼曲旋律名聲揚 仰脣臺灣人唱歌劇做下係男腳事 美國錄音師這句問話實在係好問題 對「日蓄飛鷹」標頭到「東洋駱駝」並「金鳥」 「古倫美亞」、「ＯＫ」、「三榮」、「美樂」 排列付印 客家唱片ㄧ路里來都係熱情參與 這滿留聲機唱盤＜一串年＞還轉無停 ＜一串年＞還留緊百外年个風神記憶 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月   小額贊助支持本節目：...

22-百外年前頭一張唱片－記大開門 (選自八音九歌十番集有聲書，作者劉惠月) …………………………… 1914年編號4001唱片共下𢯭鬧熱 鑼鼓響 滴答歕 鼓樂奏 門大開 打開科儀之門 樂音無斷 打開禮樂之門 禮數無斷    百外年前頭一張唱片再𢯭鬧熱 鼓聲飽 鑼聲響 樂音師 讚斗儕 打開人神之門 溝通毋斷 打開莊嚴之門 祭典毋斷   大開門，大鬧廳，門內門外大通透 大開門，報新春，棚頂棚下大融洽  ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月  小額贊助支持本節目： https://pay.firstory.me/user/ckkkswnnvfq420864rgen5ak3 留言告訴我你對這一集的想法： https://open.firstory.me/user/ckkkswnnvfq420864rgen5ak3/comments...

22-百外年前頭一張唱片－記大開門 (選自八音九歌十番集有聲書，作者劉惠月) …………………………… 1914年編號4001唱片共下𢯭鬧熱 鑼鼓響 滴答歕 鼓樂奏 門大開 打開科儀之門 樂音無斷 打開禮樂之門 禮數無斷    百外年前頭一張唱片再𢯭鬧熱 鼓聲飽 鑼聲響 樂音師 讚斗儕 打開人神之門 溝通毋斷 打開莊嚴之門 祭典毋斷   大開門，大鬧廳，門內門外大通透 大開門，報新春，棚頂棚下大融洽 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/ckkkswnnvfq420864rgen5ak3 留言告訴我你對這一集的想法： https://open.firstory.me/user/ckkkswnnvfq420864rgen5ak3/comments...

21. 四時緊板規律過－記大團圓 (選自八音九歌十番集有聲書，文:劉惠月 圖:劉文祥) …………………………… 打頭陣个鼓吹 歲時祭祀 愛佢幫襯莊嚴 節慶典禮 愛佢幫襯鬧熱聲胲 鑼鼓打滴答吹 喊人遽遽到來 嚴條个曲調 分人黏時肅靜落來 大團圓 再緊大團圓 無論慢板 抑係緊板吹 總係四時緊板規律過 年年月月照步來 循環再循環圓不斷 生生不息大團圓 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/ckkkswnnvfq420864rgen5ak3 留言告訴我你對這一集的想法： https://open.firstory.me/user/ckkkswnnvfq420864rgen5ak3/comments [email protected]...

20-　一家有伸，年年都有伸－記百家春 (選自八音九歌十番集有聲書，文:劉惠月 圖:劉文祥)   …………………………… 正月立春、雨水足 樹椏綻筍 泥肉解凍 微風吹 日頭照 八音打 聽曲樂 生㿸个皮膚！鑪鑪啊泥 洗撇歸身臭油垢 休養个萬物！伸下懶筋 雙手迎接新氣象   二月驚蟄、春分靚 春雷初響 蟲驚鳥嚇 春暖意 花打花 八音吹 樂音響 細啊妹啊！拈起花香 素裝打扮哼唱歌 勞碌个人！放下農事 豐富食料過好年   寒冬過撇春季跈緊到 一家有伸百家春 年年都有伸 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月   小額贊助支持本節目： https://pay.firstory.me/user/ckkkswnnvfq420864rgen5ak3 留言告訴我你對這一集的想法：...

19.十八摸-摎依阿个親子共浴 (選自八音九歌十番集有聲書，文:劉惠月 圖:劉文祥) …………………………… 伸依阿(i+ ia+)手摸依阿著(zhog^) 摸著阿姐(zia^)頭那桂花香 伸依阿手摸依阿著 摸著阿姐頭那烏圓圓 阿姆摎細孲搭肚 輕輕拍厥肚屎 一粒粒个茶箍波 在兩子哀面前浮浮冇冇 兩人緊洗緊好 緊浸緊香     伸依阿手摸依阿著 摸著阿姐目眉兩頭彎 伸依阿手摸依阿著 摸著阿姐鼻公好鼻香 阿姆摎細孲搭背 輕輕拍厥背曩 半燒冷个洗身水 在兩子哀圓身洗洗沖沖 兩人緊浸緊淨 毋肯煞牯 阿姆搭肚又搭背 親子浴堂歡喜份家拉 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ............................................ 小額贊助支持本節目：...

18-手留香味自家賞－記繡香包 (選自八音九歌十番集有聲書，文:劉惠月 圖:劉文祥) …………………………… 一繡香包在閨房，針黹功夫上下繡 ㄧ針一線 絲絲縷縷牽 ㄧ物ㄧ類 隻隻真登對 繡好金雞鳳凰對 ，繡好麒麟來弄獅 送分有情人緣定三生  香包定定飄散香味 也飄散吾心意 二繡香包在閨房，針黹功夫來回繡 一針一線親手繡 費時費工情意濃 ㄧ物一件親手送 人情來往送溫馨 繡好看靚裝飾品，手留香味自家賞 送分有緣人隨身帶核 哪哎喲啊得喲，香包飄香一生人 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/kagga-yeey201 留言告訴我你對這一集的想法：...

17-小姑賢，姑嫂親－記姑嫂看燈 (選自八音九歌十番集有聲書，文:劉惠月 圖:劉文祥) …………………………… 姑嫂打扮靚靚去看花燈 身著八幅素絲个繡裙 腳踏紅繡鞋三寸金蓮 兩人手牽手踏出大門 小姑賢，姑嫂親  小姑不賢，亂了心 滿那鬧洋洋 八音鑼鼓響 兩子姑牽手到路脣 看著各樣花燈放光明 人人喜迎龍 八音響無停 歡喜兩人毋記得轉家庭 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/kagga-yeey201 留言告訴我你對這一集的想法： https://open.firstory.me/story/cl0chg3881glp0832cw6lyi8m?m=comment [email protected]...

16-剪毋斷个肚臍絆－記娘親渡子 (選自八音九歌十番集有聲書，文:劉惠月 圖:劉文祥) …………………………… 降子渡細人 細妹人剪毋斷个宿命 耐緊變腫變笨个圓身變化 挨過行路打倒麥並鬱內傷个無利便 閃過四垤枋釘密密个劫難 閃過鬼門關後食得著雞酒香 送子娘正送來歸身軟怠怠个嬰兒 講係傳宗接代 嗄係用命換來个金團寶 堪得，嬰兒歸日噭無停又食無停 堪得，三歲子打爺爺歡喜个打潑賴 毋盼得，驚燒怕冷顧細人到轉骨 毋盼得，翼胛硬來翼翍翍離巢 娘親渡子係家族無冕王个光榮 該係，犧牲娘親成就子兒个甘願 該係，剪毋斷个肚臍絆 該係，挖毋撇个胞衣跡 .................................... 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/kagga-yeey201...

15. 穀倉年年滿－記天公落水 (選自八音九歌十番集有聲書，文:劉惠月 圖:劉文祥) ……………………………… 天頂落雨 燥絲絲个天時轉涼咧 草帽戴核 來到坑水邊 坑水清又清 細魚在水肚泅來泅去 水靴笐著緊 任在天頂落緊雨毛屑 逐走天大旱 涿雨涿到溚潦也毋驚 水庫承核珍貴个雨水 緊唱天公落水調     天頂落雨 燒呵呵个山風變涼咧 笠嬤戴緊 來到魚塘脣 塘水淨又淨 紙船在水竇肚浮來浮去 毋管發風落雨 歸身涿到潦潦也甘願 埤塘雨涔涔 天轉笠嫲花 緊唱天公落水調     天頂落雨 熱燁燁个日頭變涼咧 擎一隻遮 來到涼亭下寄雨 溼溚溚个路浮起一層油鏡 分日頭熇燥个河壩蔭水咧 就算颳風 就算雨淋雨涿 好得天公伯庇佑風調雨順 穀倉年年滿 吃著毋使愁 天公落水調 繼續唱無停 ................................................. 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php.........

14.蘇萬松調-記勸世奇人(一代歌王)  (選自八音九歌十番集有聲書，文:劉惠月 圖:劉文祥)  ……………………………… 蘇萬松自家編勸世歌詞 自家鋸小提琴 用什唸平板 噥噥哢哢 弄出人情義理 用 ni ni 滾 呢呢喃喃 噭出牽腸掛肚 對日本時代唱勸世 到1961年斷 對日本時代个哥倫比亞這兜唱盤 唱到國際唱片 又唱到貓貍文化工作室 厥人生蓋棺事定 永久停跎在62歲个燦爛   世間能有幾多知音儕 彭文銘先生知得 世間能有幾多留聲機 貓貍文化工作室使得 一代歌王蘇萬松傑作集 放送厥勸世个牽聲 客家說唱蘇萬松 放送厥勸世个噥哢音 乙未光緒唐武台，李鴻章割地日本來。 五月十三兵上陸，武台著驚來走開……   一來勸化兄弟人ni，做人兄弟骨肉親 ni 大家兄弟同協力ni，真真家和無不興ni 二來勸人子嫂ni，做人子嫂愛顧家ni 大家子嫂同協力ni，窮苦家庭變富家ni 再來勸化少年哥ni，錢銀兩字毋怕多ni 士農工商隨身寶ni，人無業藝還奔波ni 又來唱勸孝歌ni，因為孝道世上尊ni 孝義係正來孝自己ni，點點傳來分子孫ni    ...

13-肚屎裝得落嬰兒－記病子歌 (選自八音九歌十番集有聲書，文:劉惠月 圖:劉文祥) ……………………………… 有身項个細妹 頭暈腦疺 如今病子心頭淡 想食豬腸炒薑絲 愛食，𠊎就來去買 薑絲同潤脆个豬腸真合味 病子个細妹食了緊尋尾 愛惜肚挺挺个你 過煮一鍋大風草水 分你洗身 洗浴了後 使得除濕消腫   擐大肚个細妹 頭那暈暈 如今病子心頭淡 想食果子煎鴨春 愛食，𠊎就來去買 果子同鬆軟个鴨卵真鬥搭 病子个細妹食了變好嘴斗 珍惜肚膕膕个你 過烳一鍋牛眼樹葉水 分你洗身 洗浴了後 使得止痛解毒     大肚屎个細妹 頭那昂昂 如今病子心頭淡 想食酸澀虎頭柑 愛食，𠊎就來去買 又酸又澀个酸柑茶胃口好 病子个細妹食了嘴斗好 痛惜行路會倒頭種个你 過炙一鍋楓樹葉水 分你洗身 洗浴了後 使得祛風除濕   阿姆經歷有身項 擐大肚 大肚屎 肚屎裝得落得人惜个嬰兒 裝得落哇哇滾个臭乳臊味 還較裝得落起起落落个人生 .......................................................

12-你蒔粘來 妹蒔糯－記思戀歌 (選自八音九歌十番集有聲書，文:劉惠月 圖:劉文祥) ……………………………… 思戀啊真思戀 思戀到尾仰結煞 思戀佔歸个心 佔歸个魂 梳妝臺前照著無神氣个魂影 同梳拿起來 梳一下頭拿毛 頭拿毛ㄧ撮ㄧ撮梳 心肝頭ㄧ陣ㄧ陣寒 思戀啊真思戀 思戀愛仰脣正好 渟ㄧ杯收藏幾下年个紅露酒 面對鏡肚个人斟酒 杯杯盞盞響無停 面紅濟借个面挾卵散毋撇 思戀啊真思戀 思戀使得做麼个 擎起思戀个心來到花園尞 摘ㄧ蕊花 香味陣陣飄 過再影下滿園花開 手項个花枝微微笑 吾个心也緊笑微微 思戀啊真思戀 思戀該當時 兩人共下蒔ㄧ坵田 你蒔粘來 妹蒔糯　 三斗糯破六升秥 兩人共下挼惜圓 打粄 樣樣都合線 不時都唱山歌 該坵田緊蒔緊肥 該坵田緊蒔緊滋養 思戀啊思戀 一生人思戀 一生人富裕  ................................................... 如蒙訂閱，萬分感激，恁勞瀝。 訂書方式： 台灣e書店...

11-同君共下拈禾串－記洗手巾 (選自八音九歌十番集有聲書，文:劉惠月 圖:劉文祥) ……………………………… 與姐 河邊洗手巾 飄香个手巾 河壩肚洗洗湯湯 一陣浪花打過來 手巾打走咧 該條手巾 麼人使得撿著 潤香个手巾同君共下作伴 在河壩浸玉手 浸溫泉     與姐 河邊洗手帕 亮線个手帕 河壩肚沖沖洗洗 無細意上釣个魚 同手帕唚嘴下 該條手帕 麼人使得撿著 金皙皙个手帕包核香花送分你    與姐 河邊洗手帕 素絲个手帕 河壩肚晃來晃去 手帕跈緊水花飄盪 該條手帕 麼人使得撿著 暗夜同你共下看天河 看星光     毋過 麼人使得看著 使得撿著呢 手帕本本還在 無打走 手帕本本素絲 無跌撇 手帕本本飄香 無爛空 恬恬等天弓 等花開 恬恬等待有緣人 可比有人看著 可比有人撿著 同君共下在田坵拈禾串 共下世界遊方  ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php.........

10-陳仕雲-記迷癡个粉絲 (選自八音九歌十番集有聲書，文:劉惠月 圖:劉文祥) ……………………………… 毋使怪怨該日發風災做大水 天公伯做个戲齣 無人耐得何佢 毋使怪怨圓身忒弱分水打走 天公伯擇个腳事 無人使得推辭 你用若掌聲 鼓勵歸戲班 你用若賞金 牽成做戲儕 掌聲 賞金 笑聲 還在戲棚前放送 戲迷 粉絲 阿𧩣 還在心肝肚掛吊   三更夜半誰叫我 陳仕雲 借問你麼人 日戲夜戲做毋煞 陳仕雲 勞瀝若支持 棚頂棚下若个影 陳仕雲 懷念親人儕   過一擺大聲喊陳仕雲 望若魂影來看戲 再一擺大聲喊陳仕雲 望你化做眾分身 戲棚頂繼續做戲 戲棚下粉絲多 ……………………… 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目： https://pay.firstory.me/user/kagga-yeey201 留言告訴我你對這一集的想法：...

09- 細妹人圓身个三項寶－記桃花開 (選自八音九歌十番集有聲書，作者劉惠月) ……………………………… 桃花開來 菊花黄 菊花黃來寶真多 細妹人身項个三項寶 玉手 毋係鴛鴦枕 圓身 毋係象牙床 吾情 毋係救命方 做下係爺哀送个珍寶 花熟咧自然打花 人熟咧像花恁靚   桃花開來 菊花黄 菊花黃來惜青春 百貨店个鴛鴦枕 留分疲𤸁人 木匠店个象牙床 留分熬夜人 藥店个救命方 留分破病人 細妹人个青春 留分惜妹儕   桃花開來 菊花黄 菊花黃來愛惜身 爺哀送个圓身三項寶 項項真 嫩嫩玉手 做家又相𢯭 彎彎圓身 撐起歸屋人 戀戀真情 針線攣密密 毋使管桃花開 毋使管菊花黃 圓身个三項寶 永久散清香 ........................................... 如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目：...

08-看毋透个循環換氣 (選自八音九歌十番集有聲書，作者劉惠月)  ……………………………… 看毋透 歕啲咑个循環換氣 鼻公吸氣 歕無停 氣毋斷 嘴空透氣 歕無停 脈毋斷 樂聲連續 歕無停 聲毋斷 長長个連續 毋斷个音符   像日頭擎枷樣个暈車 旋律緊迴緊迴 迴當迷 轉化做無身無影个粉絲   像月光帶嵐樣个暈船 樂音迴來迴去 迴無停 轉化做無聲無說个樂迷   吾个心跈緊佢迴 捩捩轉个腳㬹 迷當遽 緊轉緊迴个圓身 緊迷緊迷   盡尾大自家做下迷跳舞 伸一個人歕啲咑忒等 一個人歕孤吹 一個人歕笛 一個人看透透循環換氣 還係一個人暈暈看人生 .................................................  如蒙訂閱，萬分感激，恁勞瀝。 訂書方式： 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目：...

06-七上八落鑼鼓詩 -記龔琳娜「忐忑」 (選自八音九歌十番集有聲書，作者劉惠月) 在壅塵打灰个壁角 恁多樂器睡都變睡仙 鼓必縫 鑼爛空 弦線斷 笛毋響   行過 跳蚤叮 影下 目珠澀 皮膚 恁虐削 透氣 鼻公塞 再透氣就打哈啾   脣項放緊弦線斷撇个二弦 還緊望望主人過ㄧ擺踞弦 缺漏撇真多品相个琵琶 也盼望大珠小珠落玉盤 南蛇皮㪐撇个三弦 乜頭臥臥再彈一曲打花鼓   請你輕輕拿起來 吾這識分你當沙鼻个伴 請你細膩再撥下 吾這識分你當感性个弦 請你幼秀過奏起 吾這識分你添高雅个曲   吾等既經記核幾下萬曲 既經準備連日連夜鬧臺 哪時 使得展風華 哪時 使得再堵班 哪時 使得再拚場呢 哪時啊 哪時… ........................................ 如蒙訂閱，萬分感激，恁勞瀝。 訂書方式： 3. 網購：台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月...

5. 天公伯合个樂音藥方－記風入松 (選自八音九歌十番集有聲書，作者劉惠月) ………………………… 天公伯合个樂音漢藥方 工六五尺上 上五六工五六 聽著鑼鼓聲 紙炮跈緊響 陣頭迎鬧熱 莊項有大事  紙炮煙味衝往上 財神爺笑都牙絲絲 供桌牲儀擺齊全 大人細子歡喜樂暢 天公伯過合个樂音藥方 尺上尺工上 工上尺工 七爺八爺出巡起駕 閒人迴避免詏事 鑼聲鼓樂咚咚滾催 落弄再弄迴毋停 迎神賽會，落地吹來樂音響 鬧廳排場，曲曲奏來人昌旺  尺六工六尺上 尺工上 遠遠風入松再一擺響起 看鬧熱个搞尞心飛緊去 ....................................... 如蒙訂閱，萬分感激，恁勞瀝。 網購：台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 .......................................................... 小額贊助支持本節目：...

06-七上八落鑼鼓詩 -記龔琳娜「忐忑」 (選自八音九歌十番集有聲書，作者劉惠月) 阿細知 阿細多 阿細爹个知得多 阿細知 阿細爹个多 阿細知个 阿姨抑有   帶帶帶帶帶….帶个帶壞帶樣  帶帶帶帶帶….帶个帶路雞 歹歹歹歹歹….歹个呆麼儕  歹歹歹歹歹….歹个大戇呆 戴戴戴戴戴….戴个戴哪位  戴戴戴戴戴….戴个戴田莊   帶个帶 帶个老生䌈背帶 歹个呆 歹个花面面殼戴 戴个戴 戴个老旦戴勼帶 匡齊….匡齊…   阿姨抑異有 帶个帶 帶… 帶个老虎嫲 阿姨抑異愛 歹个呆 歹… 歹个大杓嫲 阿姨抑姨丈 戴个戴 戴… 戴个呱喇嫲   帶帶帶帶帶…帶个一鑼緊戰三不合 呆呆呆呆呆….呆个板撩永久跈毋著 戴戴戴戴戴….戴个七上八落鑼鼓詩 .................................................................... 如蒙訂閱，萬分感激，恁勞瀝。 網購：台灣e書店 http://www.taiouan.com.tw/catalog/index.php.........

04-一板三撩打十番(歡) (選自八音九歌十番集有聲書，作者劉惠月)   一板一撩打八音 鼓聲咚咚滾 鼓段做排場 掄脆仔脆脆(cem+ )滾聲哨亮 曲館軒社 歸大棚出陣頭 綻頭个細人 停下賤手賤腳野蠻性 緊拼拼 走到街路頭看鬧熱 自從了後 客家八音興頭起   一板二撩打十音 月熟品 年精蕭 萬世絃 師傅愛佢先學吹 再弦索 滴答滴答 拚笛響 耳公裸翻 手腳無閒 學曉一曲 鼓吹並孤吹 燒腦燒心 萬事將休   一板三撩打十番(歡) 手揢殼弦个千斤  馬尾分開提弦並琴筒 學曉公線母線毋會打結 正開始品味著客家十歡雅樂趣 琵琶 三弦 弦樂曲腹飽 傳承非物質文化遺產無別人 ..................................................................... 如蒙訂閱，萬分感激，恁勞瀝。 網購：台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月...

03. 排場 (選自八音九歌十番集有聲書，作者劉惠月，110.11.25出版)   這場贏面个齣事   場面闊  樂器多   這擺體面个場合   著派頭  食澎湃   十外支笛無罅場面 歕百支个笛正過願 滴答滴答 歕 輕輕將將 響 鬧都十外里還聽著鬧熱 舞到三光半夜還毋肯煞   達官貴人 一輪一輪到 紅頂顯達 一陣一陣來 茅寮一下變華堂 草介一下成君子   主人越致暢樂 弦樂越致合線 賓客越致歡笑 樂音越致綁高   這齣無人愛煞棚个排場 毋多知緊摟緊空个魂魄 盡尾總下進化空殼 單淨變做有殼無靈 伸著一仙一仙个人工   ...................................... 網購：台灣e書店 http://www.taiouan.com.tw/catalog/index.php?cPath=40_80&sort=1a&filter_id=1769 首頁/商品目錄/本土e冊/客家/顯示:劉惠月 小額贊助支持本節目：...

02- 作場 (選自八音九歌十番集有聲書，作者劉惠月)   佢先學吹 再學弦索 工尺譜背都臘熟 板撩一屑都毋會差錯 這日帶緊食頭路个傢伙 還有分人阿腦个手路 來到領事吩咐个現場   現場排場做來真大 大家相借問好勢 坐落自家个位所 開始隨人展自家个技藝   起鼓咧 頭前坐淰聽樂儕 歕啲咑 笛煞猛牯歕落去 聽到笛歌聲 莊莊有大事 聽到鼓吹聲 無過孤吹響   緊板大吹場 煞牯了後 絃索幼曲 跈緊續落來 先調到正線 分絲絲線線和諧 牽動現場 過調到反線 讓弦弦線線和挼 凝聚人心   合線个音符 串起浮動个人心 亮線个作場 吹響客莊个名聲   ...................................... 網購：台灣e書店 http://www.taiouan.com.tw/catalog/index.php?cPath=40_80&sort=1a&filter_id=1769  首頁/商品目錄/本土e冊/客家/顯示:劉惠月 小額贊助支持本節目：...

01-八音詩 (選自八音九歌十番集有聲書，作者劉惠月) 金玉聲聲莊外尋，微風涼夜聽八音。 金波弦聲響清圓，玉管鏗鏘功夫深。   石穿皆因心專起，毋當投緣話投機。 石灰掞路打白行，幽谷吹笛溜苔清。   絲結千千萬萬縷，自然山山水水裡。 絲竹連奏濛濛夜，弦線穿透日頭絲。   竹笐做个橫笛簫，一聲歕來愁慮消。 竹笪圍作柵欄樣，竹䃗䌈緪主固包。   匏瓜吊緊任佢謝，毋當曬燥做杓嫲。 匏器素絲添雅趣，笙竽美韻匏添花。   土鼓瓦革做框面，咚咚鼓聲鬧三絃 土泥入窯燒做缶，花開入園鼻香緣。   革皮韌性面皮硬，自從毋識起盎零。 革龜水肚任刁蠻，總係嘴硬屎胐冇。   木料做得八音優，彈琴吹唱項項有。 木魚但聞聲像鼓，麼人知木爲魚游。 ................................................... (華語翻譯) 01-八音詩   金玉聲聲莊外尋，微風涼夜聽八音。 金波弦聲響清圓，玉管鏗鏘功夫深。  石穿皆因心專起，不如投緣話投機。 石灰撒路空白走，幽谷吹笛苔蘚清。 ...