Музычная рубрыка "Такога вы не чулі" прадстаўляе песню "Veahavta (Люби)" — сумесны праект Pinhas і "Ульмо Три". За псеўданімамі і назвамі хаваюцца мінскі рабін і музыкант Пінхас Цынман, які цяпер жыве ў Кіеве, і ўкраінскі гітарыст і лідар "Ульмо Три" Канстанцін Шалудзько. Па словах музыкаў, песня ў выніку творчай калабарацыі атрымалася настолькі цікавай і глыбокай, што было вырашана прапанаваць яе на наступнае "Еўрабачанне" ад Украіны. Яна будзе гучаць на некалькіх мовах.