In hierdie week se episode van Net nog enetjie gesels Connie Mulder, Christel Cornelissen en Nico Strydom oor die regering en Solidariteit wat geskik het oor die Bela-wetgewing. Die burgerlike samelewing het die afgelope maande met die regering onderhandel om Afrikaanse skole te probeer red – nou het die presidensie en die departement basiese onderwys ʼn skikking onderteken wat die bedreiging teen Afrikaanse skole afweer.

In hierdie week se episode van Net nog enetjie gesels Connie Mulder, Christel Cornelissen en Nico Strydom oor die myn-sage wat tans uitspeel in Stilfontein. Daar is honderde (moontlik duisende) onwettige myners wat nou ondergronds vassit. Moet ʼn mens vir hulle jammer voel? Is dit reg dat misdadigers nou vereis dat die polisie kos en medikasie vir hulle moet aanry? Wat is fout met Suid-Afrika se ekonomie dat hulle in die eerste plek só desperaat was om onwettig te myn?

In hierdie week se episode van Net nog enetjie gesels Connie Mulder, Christel Cornelissen en Nico Strydom oor Julius Malema wat deur die vyf fases van rou werk. Iemand moet moontlik vir Malema ʼn “jammer vir jou verlies”-kaartjie stuur, want een vir een loop sy vertrouelinge oor na die MK-party. Malema is nou besig om die les te leer dat daar net plek vir een gegriefde eks-ANC-party in die politiek is, en Jacob Zuma staan daai skoene vol.

Trump is terug en oënskynlik sterker as ooit tevore. Wat gaan Trump se terugkeer na die politiek vir die VSA inhou en hoe lyk die toekoms van die Republikeinse Party na dié oorwinning? Van een oorwinning na ʼn ander. Vandeesweek het sowat 10 000 mense by die Voortrekkermonument deelgeneem aan die massa-protesoptog teen die Bela-wet. Hoekom was dit belangrik vir duisende mense om deel te neem aan dié “onderwandeling” teen die regering, en gaan die ANC enigsins luister nou dat ons hulle taal...

In hierdie week se aflewering van Net nog enetjie gesels Nico Strydom, Christel Cornelissen en Nico Strydom oor die EFF wat AfriForum beskuldig van rassisme omdat hulle net in sekere buurte help gras sny. Gryp die EFF net na rashalmpies of is dit inderdaad (g)rassisties om net gras is jou eie buurt te sny – veral as jy nié die regering is nie!

In hierdie week se aflewering van Net nog enetjie gesels Christel Cornelissen, Connie Mulder en Nico Strydom oor die Amerikaanse verkiesing, die Trump-verskynsel en hoekom dit oukei is om aan jou eie kant te wees.

In hierdie week se aflewering van Net nog enetjie gesels Connie Mulder, Christel Cornelissen en gas-aanbieder Anton Meijer oor Panyaza Lesufi se hede, verlede en al sy toekomstige ambisies. Lesufi is soos ʼn poppemeester wat sy lang vingers oral indruk waar mag dalk te vind is. Agter die skerms sal hy egter nie bly nie, want sy politieke toekoms is veel te blink in die ANC.

In hierdie week se aflewering van Net nog enetjie gesels Connie Mulder, Christel Cornelissen en Nico Strydom oor álles skole. Die tyd raak min vir die regering om met die burgerlike samelewing te gesels oor die Bela-wetgewing. Hoekom hou Solidariteit ook ʼn krisisberaad oor hierdie wetgewing? Want die Bela-wetgewing is ʼn mes teen die keel van Afrikaanse skole – iets waarmee geen taalgemeenskap kan saamleef nie.

Het Her-man-sonder-ʼn-plan Mashaba met hierdie stap die spyker op die kop óf in sy eie politieke doodskis geslaan? Hoe pas hierdie politieke struwelinge in by die ongelukkighede op provinsiale vlak in Gauteng en Panyaza Leë-sufi se kruistogte teen wit mense? Terwyl die Tshwane-koalisie struikel moet die ANC ook nog planmaak met die Bela-wetgewing binne die volgende maande.

ActionSA se mosie van wantroue in burgemeester Brink-stefaans dien vandeesweek in Tshwane. Gaan ActionSA nog gehang word aan die einste galg wat hulle vir die DA reggemaak het? Intussen het president Ramaphosa en Elon Musk ook gesels. Wat gebeur wanneer 'n buffel 'n robot ontmoet?

Hierdie week is 'Net nog enetjie' net betyds terug vir die RNE se eerste groot toets. President Ramaphosa onderteken uiteindelik die Bela-konsepwet, maar nie sonder geweldige teenstand nie. Verskeie laataandoproepe vind plaas tussen die president, lede van die RNE en die burgerlike samelewing.

Kom elke week saam vir 'n bier na werk en nuuspraatjies saam met Christel, Connie en Nico. Aanbieders: Christel Cornelissen, Connie Mulder en Nico Strydom. Net nog enetjie word vervaardig deur Maroela Media.

Afrikaanse skole in Gauteng weet al baie goed – as jy rassisme drie keer sê, verskyn Lesufi uit die niet. Hierdie week se episode handel oor die nuutste “rasse-insident” by Pretoria Girls High.

In hierdie week se episode gesels Connie Mulder, Christel Cornelissen en Nico Strydom oor dié familie-onvriendelike openingseremonie en hoekom die blou man die wêreld rooi in die gesig gelaat het.

Wie het geweet dat Ramaphosa eintlik ’n ywerige voëlkyker is? In sy toespraak het die president gestel dat Suid-Afrika die pad van die sosiale wewer moet volg en saam ’n nes bou eerder as om net te kla soos hadidas of te vreet soos aasvoëls.

In hierdie week se episode van Net nog enetjie gesels Christel Cornelissen, Nico Strydom en Connie Mulder “oor” die sluipmoordpoging op oudpresident Donald Trump van Amerika. Hoekom is Amerikaners só kwaad dat hulle nie net op mekaar skree nie, maar nou ook op mekaar skiet in die politiek?

Terwyl ons ʼn breuk van beurtkrag geniet, sukkel die ANC en DA met beurt-mag. Is dié twee bereid om saam met ander partye te regeer of wens die DA, nes die ANC, eintlik maar net dat hulle al die mag kon kry?

Was John “Deere” Steenhuisen ten minste al by Nampo en sal minister McKenzie ʼn bok vir sport (kuns én kultuur) kan wees? Luister hierdie week se episode om alles van die nuwe kabinet te leer.

Dié nuutste episode kyk na die moeilike dans van politieke onderhandelinge wat die ANC tans moet dans – hoe hou ʼn mens een party op sy tone sonder om op ʼn ander s’n te trap?

In 2019 het mense gepraat van die “new dawn” onder president Ramaphosa – nou sit ons eerder met ʼn “GNU-dawn” van ten minste vyf politieke partye wat saam regeer. Bied hierdie rede tot optimisme, of gaan hierdie GNU sink?

In hierdie week se aflewering van Net nog enetjie gesels Christel, Connie en Nico oor die regering van nasionale eenheid – wie is in, wie is uit en wat beteken dit vir Afrikaners?

Is die apoka-lisie tussen die ANC en EFF op pad of gaan die ANC en die Veelpartyhandves eerder saam in die bed spring?

Wie het dan nou eintlik die verkiesing gewen, of het almal net verloor? Waarom is dit nou meer nodig as ooit dat die Springbok-kaptein, Siya Koalisie, sy verskyning in die politiek moet maak?

Kom kuier in hierdie nuwe weeklikse podsending saam met Christel Cornelissen, Connie Mulder en Nico Strydom vir “Net nog enetjie” en nuuspraatjies na werk.