របាយការណ៍របស់ក្រសួងសាធារណការ និងដឹកជញ្ជូនបានឱ្យដឹងថា គិតត្រឹមខែតុលា ឆ្នាំ២០២៤ មានយានយន្ដអគ្គិសនីប្រមាណជាង ៤ពាន់គ្រឿងកំពុងប្រើប្រាស់នៅក្នុងប្រទេសកម្ពុជា ក្នុងនោះក៏មានទាំងប្រភេទរថយន្ត ត្រីចក្រយានយន្ដ និងទោចក្រយានយន្ដ ។ ទន្ទឹមនឹងកំណើននៃការប្រើប្រាស់យានយន្ដអគ្គិសនីនេះ ក្រសួងសាធារណការថា រដ្ឋាភិបាលបានជជែកពីគោលនយោបាយបន្ថែមទៀតដើម្បីជំរុញ និងជួយពលរដ្ឋឲ្យប្រើប្រាស់យានយន្ដអគ្គិសនីឱ្យបានប្រមាណ ៣ម៉ឺនគ្រឿងនៅឆ្នាំ២០៣០។