ziita änderen sich. ziita änderen mii.

… und i schwör dia meista wo mi uf dr autobahn überholen, stönd denn ar ampla vor miar. i han das früaner au so gmacht. Drum weissi das i eba meistens glich nid schneller bin und z einziga wo hilft isch würkli dia 5 min früener ussem huus zgoh. 🤷🏼‍♀️ i wünscha diar a gmüatlich gmögigi ziit, uf dass du di vu sanfta wella durch din alltag kasch loh trieba loh, und wenns numa für as paar wenigi moment so isch, denn isch das au scho viel viel wert. 🙏🏼

orgasmus und gebära hend meh gmeinsam als was du denksch. wasi no vergessa han zum sega: es ghit au fraua wo tatsächlich en orgasmus während da geburt hend. isch alles möglich. uuuuund ir beschriebig zu dem podcast findsch neu a emailadressa wo du miar dini froga, wünsch, feedbacks etc kasch schrieba. :) enjoooooy!

yesss du hesch richtig glesa. hüt redi übers nackt tanza und was für schöni sacha dass mit miar astellt. i reda am schluss au no biz übers singa vu mantras. una verlinki diar no verschiedenes zum drilosa ;) una sind 3 vu mina absoluta liablingsmantras. alli sind vo Mojo zur verfüagig stellt, aber es geit hunderti verschiedeni versiona jewils. machs guat du schöni seel. z liad push an shove vu no doubt 3 https://www.youtube.com/watch?v=hunha8UtqCk mini dance...

sorry für mis dütsch, es wird immer schlechter je älter i werda xD aber i bin zfuul zum all dia versprecher z korrigiara. Machi im echta leba au nid und de podcast söll jo schlieslich so authentisch wia möglich si ;)

titel seit glaub schu alles. aber vlt anderst als du denksch.

i luaga hüt kritischer uf d entstehig vu da 12. folg vu minem podcast. buachempfehlig: das ende der ehe - emilia roig. website empfehlig: diefeministen.ch

eifach a kli news was mi 2023 no erwartet.

dasmol luagi zrugg uf mini ca 3.5 jöhrig bezüchig, wobi öppa 2.5 joor davo eba polygam also offa usglebt worda sind. random as always :)

nomol dr heuschnupfa, eifach imana neua joor. a spannendi reis in dia abstrakta ecka vu üserem sii

das isch min volli ernst. i freua mi uf jedes joor woni älter werda. i verzella vu dem ort wo mr kraft ghit, warum d menstruation an erliachterig isch für mi und uf was i will zrugg luaga wenni ufem sterbebett ligga. so ungefähr zumindest ;)

mit dera folg wogi mi definitv us minra komfortzona usa. vlt a kli sehr fest, i weiss es nid. es ghot umd legalisierig vu gras ir schwiiz, en klina usflug in mini erlebnis, hoffniga für d jugend und d entwicklig vu minra usgangskultur.

dia guata und wichtiga sacha im leba sind nid gross und kompliziert. si sind kli und eifach, so unschienbar dass mi si oft übersiet. ma nimmt si kum wohr. aber wemma sich langsam dafür öffnet, bini mir zimlich sicher, dass jedes wesa uf dem planet das glück in sich selber findet vu dem alli immer reden. es brucht nu kli geduld. viel spass 3

i han gfunda das isch en easy iistig noch anra längera pausa. woni d folg nocher aglost han, hani mössa schmunzla wells für einigi worschindli zu da eher harta kost ghört und ohni bewusstsiinveränderndi substanza viel zu abstrakt isch. vlt aber au nid. anyway, dia folg als klina exkurs in dia grossi seelawelt vo üs allna und en klina usblick uf dia verschiedena bewusstsiinzuaständ wo glichzitig uf dera erda vorhanda sind. enjooy. Referenzvideo:...

dia folg liit mr sehr am herza und i hoffa dass sie vieli menscha erreicht 3 ganz unerwartet han i min heuschnupfa gheilt. und das ohni sprütza wia bir desensibilisiarig (oder no schlimmer kortison sprütza), ohne kinesiologie und ohni  tabletta. es isch en wilda mix us allem woni bis jetzt i minem leba glernt und erfahra han. was das genau isch, khörsch in dena wunderbare 25 min, i hoffa du gönsch si diar. i verstohns wenn du noch dera folg denksch, dass das doch nid möglich isch. aber i...

live us mexico! i wett diar hüt verzella wia i sit langem wieder richtig und bewusst selbstliabi erfahra han. i han gseh dass sie eis fu da stützana isch wo z fundament zu (selbst)heilig isch. und well i glauba dass es wichtig isch und a wunderschöni message für üsi welt, wetti si gern mit diar teila. vlt witsch au du si gern mit öppertem teila. i wür mi ufjedafall wahnsinnig freua :D mit viel liabi und viel tacos im buch - dini simona

do es paar gschichta zum thema grenza überschriita, warum i verhext  gsi bin (brennendi computer etc.) und wo i de nögsti monat verbringa. (das isch den au de grund warums erst im mai wieder neus vu miar ghit. 

alsooo du bisch feminisch... NAI MAN(N)! bin i nid. zumindest nid im derziit praktiziarta stil.  wennd wetsch wüssa warum mi feminismus ufregt, denn gönn diar gern dia folg.  #freerealfeminismandmasculinism 

um dera folg ghoz um hamsterräder und warum du das vilicht gar nid loswerda muasch, sondern numa wüssa söllsch wia di döt dina bewegsch damit du eines tages flüga wirsch und ds gitter ganz vu selber zerspringt. i reda nomol a kli übers metaversum, allerdings kli anderscht als in da ältera folg. und vor allem traui mi z erst mol kli über geld z reda. und natürli visiona vu liabi ;) wasi nid erwähnt han isch wia realistisch de neu film vom ryan reynolds "free guy" isch. obadruf no witzig und...

das isch d fortsetzig vur "schländera" folg vum januar. i verzella do über mini erkenntnis und was das bewussta laufa mit mir gmacht het. i lerna immer meh drüber, was in üsra schnell lebiga welt wertvoll isch. es sind dia langsama, klina sacha. i weiss, hesch sicher au scho 1000 mol ghört. aber dia alta segend das wo sie segend amel nid uma suscht ;)  miar isch wichtig dass ma nid inra bubble lebt. i finda bubbles doof. sie hend nüd mit da reala welt ztua. i weiss dass so bloosana eim...

hesch gwüsst, du kasch dini nasa für viel meh isetza als numa in ihra z grübla. i han nid dia best und es ghit viel lüüt i minem umfeld wo viel besser schmöcken als ih. glich wett i hüt genau über das tolla organ reda - d nasa, üsa zinka ;) . i verzella unter anderem was i mit dem organ so macha und was miar innerhalb kürzester ziit a volli dosis lebensenergie ghit ;)  

*ganz stolz präsentier i eu hüt, endli inra bessera tonqualität*  et voilà: as paar minuta simvolls gschwätz warum miar alli zum opfer werden. immer und immer wieder. an asatz wia miar üs us dem dunkla und höchst unbewussta zuastand in as liachtvolls und v.a. bewussts Sein könnt shifta. und das anhand vu minra eigena "mobbing" gschicht als biispiel haha. kai angst, wenni würkli en schada davo treit hätti, würsch du dia folg nid losa ;) es isch nid schlimm gsi, und glich hets mi immer wieder...

do redi über zuckerbergs metaversum (facebook etc) und was er mit dem astella kann. was bedütet MR (mixed reality) und wia kömmer üsa zeigefinger no kli effizienter nutza? en denkastoss findsch in dera folg, viel spass :* una sind no dia 2 links, wia versprocha. film : Ready Player One (trailer https://www.youtube.com/watch?v=CrTRDAcR_JA ) video "metaverse: the most evil business in the world" : https://www.youtube.com/watch?v=NvJ2uYN8qtg

in dera folg ghoz um entschleunigung und wia i das i minem schnell drehenda simiversum erleba. i decka uf, dass i scho als kind es proplem mit leistigsdruck kah han. ( im sport bini immer dia letscht gsi, sus eher so de streber typ. und das au numa welli kai schlechti schüalerin han wella si und mis umfeld nid han wella enttüscha und nid well mr d schual spass gmacht hetti ). ah io und hesch scho mol öppis vunra barfuass-jogging bewegig khört?  do no de link vum freiläufer podcast:...