All episodes of 少年報導者‧誰來讀新聞｜臺灣台語

伊斯蘭教(i-su-lân-kàu)的「齋戒月」（Ramadan）是穆斯林(bo̍k-su-lîm)一年內底上特別嘛是上重要的月份，雖然佇日時的封齋期間毋食毋啉，但是一到暗時，穆斯林厝內底攏會攢一桌腥臊的好料，邀請親情朋友做伙食開齋飯。所以齋戒月的飯桌毋但是家族朋友之間的「年度團圓」，嘛是生理夥伴彼此拜訪、交流跋感情的好時機。

Published 03/29/24

【泰緬孤軍後代篇】戰亂致國籍予人剝削(pak-siah)，無法度成做臺灣人的「中華民國國民」

2024年初，臺灣選出第16任總統佮第11屆立法委員，1,900外萬選民用選票共全世界展現臺灣的民主成果，就算講是一場公開透明順利的選舉，但是並無代表實踐百分之百的公平佮正義。臺灣是多元族群的社會，佇咱的土地有濟濟無仝款文化背景的人，佇這馬的政治制度之下，欲用選票來表達𪜶的心聲真困難，甚至𪜶根本是選舉的局外人(kio̍k-guā-lâng)。

Published 03/15/24

1千人合力完成的動畫電影──台灣「阿祖級」尪仔冊英雄諸葛四郎的重生故事

2022年1月24，徛佇台北國賓戲院影廳內底，葉佳龍看著銀幕的「諸葛四郎」，目屎含目墘。1點鐘閣28分鐘的電影頭一改放影煞鼓，片尾字幕出現──「獻予我的老爸佮老母」，煞落來是長長的片尾名單，有出名的電影人，有參與募資的一般民眾。超過一千个名一一走過眼前，彼是成就這齣電影的每一个希望，想著遮，葉佳龍目屎滴落來。電影製作的這段時間，伊總是按呢，目屎含目墘、忍咧、攑頭，閣微微仔笑。

Published 02/20/24

植物敢會當預警空氣汙染佮地動？

植物可以預警空汙和地震？

Published 02/05/24

2024全球大選年──20億張選票創新懸、5大選戰關鍵考驗

今年（2024）是全球大選年，1月除了台灣第16任總統副總統佮第11屆立法委員選舉、孟加拉（Bīng-ka-la）大選嘛佇1月進行，一直到12月烏茲別克(Ú-tsì-pi̍k)，至少有48个國家欲舉辦各類選舉。而且根據國際選舉制度基金會（International Foundation for Electoral Systems，簡稱IFES）統計（資料到2024年1月3日），全球會選出至少20位國家領導人。

Published 01/23/24

【圖解新聞】4張圖解析「明天過後」的世界──台灣的寒人敢會消失？地球佗位無法度蹛人？

熱人愈來愈熱，是逐家普遍的感受。事實上，溫室氣體致使全球暖化佮氣候變遷，早就開始影響咱的生活。但是熱人敢真正會愈來愈熱？氣溫衝懸的背後閣有啥物原因？另外，除了氣溫變懸，氣候變遷閣會帶來啥物衝擊？咱做伙透過關鍵數據，看覓氣候變遷的現象佮影響。

Published 01/05/24

對心理健康假、語言保存到國防安全──兒少代表「政績」多元、成熟，嘛成做中國交結對象

臺灣推動「兒少代表」參與政策已經有10冬，兒少代表提案關注的議題愈來愈多元，部份提案已經得著政府採用成做政策。有兒少代表參與發聲，國家政策決策過程沓沓仔咧改變。累積「參政」經歷的兒少代表，毋但成做未來臺灣參與公共事務的人才庫，甚至也成做中國今年（2023）定調兩岸「大交流年」重點鎖定佮經營的青年交流團對象。

Published 12/22/23

迒過世界上遙遠的距離──7个以巴少年短暫的《美麗天堂》

1948年，猶太人佇巴勒斯坦地區復國、建立以色列，予世代蹛佇巴勒斯坦的阿拉伯人因為猶太人的遷徙，失去原本生活的土地。致使超過一世紀以來，以巴佇緊張的關係之下，衝突事件不斷。毋過1990年代期間，美國捌協調主導，予以巴進入和平談判，最後佇雙方激進勢力反對之下，和平推動猶是不幸來失敗。

Published 11/30/23

6大關鍵字了解以巴是按怎會變做冤仇人？百年來有啥物衝突？國際社會又閣扮演啥物角色？

10月初7透早，巴勒斯坦激進組織哈瑪斯（Hamas）空襲以色列，𪜶派出超過一千名的武裝戰士迒過以色列軍隊防守的邊境隔離牆，攻擊以色列南部邊境的22个城鎮，共軍警、民眾刣著傷，嘛綁票平民做人質。這波「阿克薩大水行動」（Operation Al-Aqsa Flood），予人認定是以色列版本的「911事件」、建國以來上大災厄。抑若以色列報復的「鐵劍行動」（Operation Iron Sword）轟炸加薩走廊，連平民嘛無法度閃避。無到一個月，兩方死傷已經超過7,000人，是以巴衝突50年來上嚴重的衝突。

Published 11/17/23

圖解新型薰品的陷阱，電子薰、加熱薰敢真正佮紙薰無仝？

「你若無咧食薰就莫開始、你若有咧食薰就改、若袂當改就『改變』！」這是全球上大薰商之一菲利普莫里斯（Philip Morris International Inc.，簡稱PMI）2019年拍出的口號，就是希望引導逐家「改變」食薰的習慣──對紙薰改做新型薰品。

Published 11/03/23