寫歌可以「打橫寫」或者「打直寫」各有所好，你會點做？做開歌既我地，聽歌會唔會「滑曬牙」，只針對技術層面分析，反而感受唔到歌曲本身既感動？仲會解構我地 Home Studio 既interface / monitor 設定，貴嘢未必好，舊嘢都未必老土！「本週JER住 Tech Talk」同大家講解下「Compressor / Limiter 基本原理，如何調教；原來這個簡單既 Plugin 大有學問，識用的話你既 Demo 成功機會將會倍增！仲有本週JER住推介： 「野佬 - 喜歡上一個人」...

今集Q and A 有朋友問到廣東歌詞押韻既問題，其實歌詞是否一定要押韻呢？唔壓又得唔得呢？「押韻」同「意思」之間兩者取其一又應該點揀呢？新環節 ： 「本週JER住 Tech Talk」同大家講解下「Vocal Tuning」係乜嘢一回事，仲會即場示範，用唔同既tuning 軟件 tune 同一句旋律會有什麼不同，有興趣既朋友記得留意！仲有本週JER住推介： 「未能接通 - 郵差叔叔送信純熟迅速送出」

“Minor Key 係哀怨， Major Key 係快樂” 小學音樂教科書曾經講過；流行音樂又是否一樣？ “魚蛋歌” 係咪一定要用嗰啲“魚蛋 chord progression”? 可以如何跳脫一貫流行曲創作或編曲時既一貫框架呢？今集同大家傾吓。Melchior Sarreal專訪 :  Melchoir 係本地音樂界無人不曉既大師級鼓手，你從小到大聽過的廣東流行歌，看過既紅館演唱會，總有聽過，或者睇過阿Mel...

只不過過左一個月，廣東歌樂壇好似好百花綻放，不同單位出新歌，又有唔同既project推廣本地流行歌曲製作；其中一個project「音樂永續」究竟係乜東東？幫助音樂人有工開，同作品質素可唔可以同時並存呢？ Jerald又會分享一啲佢砌groovy節奏嘅小貼士，大家記得留意！Masta Mic專訪 Part 3:  Masta Mic 教大家點樣聽trap，講吓trap嘅歷史，對於香港嘅Hip Hop音樂佢又會點睇呢？有咩辦法可以令到Hip Hop音樂更上一層樓呢？各位Hip...

近排 Carl叔叔，小克，吳林峰，連同一班年輕音樂人，係兩個禮拜時間內完成並發表左一首新歌 「樂壇已死」，樂壇是否如歌名所講「已死」？呢首歌既出現帶比作為業界既我地又有什麼反思呢？Masta Mic專訪 Part 2:  Masta Mic既第一張買既CD竟然係 Ricky Martin!!!???? 邊首歌正式令到Masta Mic染上 hiphop癮？ 識押韻就識寫rap詞？ rhyme 都有 rhyme scheme，Flow，大把學問; Masta Mic 今集同我地一一拆解！Masta...

假如你好鍾意食蛋糕， 你可能會去買唔同既蛋糕來試；再鐘意d的話可能會研究佢既材料食譜；再上癮d的話甚至會自己整比自己同大家食；但原來有人會瘋狂愛上到，研究麵粉的來源歷史，甚至自己種小麥磨粉來整蛋糕！如果蛋糕係Hip Hop的話，呢個癲佬就係 Masta Mic！！！佢會一連三集同大家講 Hip Hop；從歷史，來源，文化影響，音樂結構，往後發展.......（下刪300字），如果你都係一個Hip Hop愛好者，就記得坐定定上堂喇！Masta Mic...

Harry 係過去一年一共開了60 場   Facebook Live Show 與近100位歌手合作Jam歌，平均每場都有近5000人次收看，累計人次多達300000人次！！ 成為過去一年最忙碌既音樂人沒有之一！究竟呢位「鋼琴神之手」如何做到呢？ 係咪彈琴勁就得？背後準備功夫如何？有無蝦碌嘢或尷尬事呢？之後又如何乘勝追擊呢？等Harry慢慢話你知。

一年一度叱咤頒獎典禮完滿結束，依然成為全城熱話，大家一路睇一路鬧一路繼續睇一路繼續鬧，其實未嘗不是一件好事！你會唔會經過頒獎典禮後重新審視一d過去你無留意過既單位呢？ 又想唔想知道我地點睇叱吒呢？ 入嚟我地慢慢同你講！

大中華地區數一數二既結他手 Tommy Chan 做我地嘉賓同我地慢慢傾， 神級如佢都會 反問自己一個問題：究竟我係玩「音樂」定只係玩「音符」，技巧厲害不代表彈得好，音樂當中既「靈魂」其實最重要；佢仲會同我地分享下如何練習到今天既境界，出show既甩碌嘢，職業樂手應有既態度，分享一下音樂路上影響佢最深既音樂人和樂隊等等；彈唔彈結他都好，聽聽佢既分享都會吸收到無窮養份！

很多人都將現今樂壇同80年代輝煌盛世既樂壇作比較，是否一面倒覺得現在歌手已經沒有當年的實力？ 音樂上製作上反而越見精彩？我地各人都有唔同睇法，睇睇你地同我地既睇法是否一致。Johnny Yim訪問 part 2: 「盛樂」演唱會結束，作為音樂總監，有什麼難處？又有什麼有趣事？為何編曲可以咁快？點樣為之好既編曲？ 點樣係音樂質素與歌手要求之間作出平衡？對於樂壇既發展又有什麼睇法？呢啲問題今集都能從Johnny口中知道答案，而且字字珠璣，笑料百出！唔睇走寶！

如果樂壇等於武林，Johnny可以稱得上係樂壇「張三豐」！太極以柔制剛，可以制衡各種力量，Johnny 係音樂上收放自如，各種崗位都如取如攜，箇中深厚既功力雖隱藏係沈穩既氣場之內，但略懂音樂者無不為之震攝⋯⋯（下刪100字）今集Johnny 會同我哋分享好多編曲同音樂製作上面嘅小帖士，回答網友嘅問題，仲會「Jer住推介 ：鐘楚翹 - Midsommar」 ，呢本「武林祕笈」大家記得袋落袋！

「做人如果無夢想，同條鹹魚有乜嘢分別？！」但原來有人進入左音樂圈達成夢想，反而被現實的樂壇折磨成為一條更鹹既鹹魚！你估下我地有無經歷過？仲有我地駐兩個禮拜香港記者謝國維，以唱片公司老闆/樂迷/搞show投資者等等第一人身份，同我地分享一下香港演唱會行業，係疫情底下既所見所聞；佢仲會為我地「Jer住推介： 陳奕迅 - 是但求其愛」嘉賓專訪： Mister兩位結他手： Ronny 同 MJ...

係網路既世界，只要你有電腦有network，你就可以化身樂評人，對你喜歡/不喜歡既音樂發表意見，咁事實上又是否如此？作為一個專業樂評人需要具備什麼條件？樂評人/音樂人又有無責任去教育大眾點樣去欣賞一首歌呢？呢集話你知；仲有「Jer住推介 -：Rubberband - 每道微小」記得留意。 嘉賓專訪： Yoyo/岑寧兒 訪問大結局，係台灣生活既日子係如何？ 點樣係台灣音樂圈生活？能被提名金曲獎對佢又有何感受？想知道記得留意！ This week by doing the Q&A, we...

Q&A 大家或多或少都有寫過一些demo但係賣黎賣去都賣唔出，我地就有好多喇！究竟你d就demo我地會點處理？改改佢？放床下底？出碟，定係得閒攞黎J一J？今集話你知，仲有「Jer住推介 -：許廷鏗 - 慌」記得留意。嘉賓專訪： 繼續yoyo訪問，講講佢去北京生活的點滴，點樣由一個純演唱歌手，慢慢學習音樂創作，落手落腳製作，變成一個詞曲唱作人既過程；唔好錯過！

Q&A問到年齡係咪音樂創作既一個限制？ 呢個亦係我地經常反思既問題，究竟我地會幾時「被收皮」？又有無方法可以「賴死唔走」？入來一齊探討。嘉賓專訪： 同Jerald有多重關係既Yoyo，終於上黎閑話家常！佢被Jerald啟蒙音樂之路既過程，一齊做show既有趣事，仲有「彩蛋」先生既第三身描述！千祈唔好錯過！

Watch until the end... #超級彩蛋 黎緊「本週Jer住你」將會增設「本週Jer住推介」環節，仲會有一個 YouTube Live 同大家現場慢慢傾，再會係Facebook有一個 「本週Jer住社團」！ 一輪嘴講咁多梗係要慢慢消化啦，入黎等我地慢慢解釋過你聽。 嘉賓專訪： Alan & 阿榮 @Mister，佢地一個係樂隊主音，一個係樂隊背後的統籌軍師，一個企前線一個打後衛，從佢地既角度講解吓樂隊過去10年的高低起跌，同埋展望未來既新發展，就最適合不過！記得留意喇。

現今有很多人「包括「噢」地自己」，講說話不知不覺都帶左多少懶音，但係發覺有很多歌手連錄音都有很多懶音問題，究竟「懶音」係唱歌上係唔係仲算係一個「問題」？又有無需要咁執著一定要撇除懶音既出現？無懶音係咪反而「娘」左？我地搵埋903 DJ 麻利，同我地傾下呢個議題。「大家記dut唔好錯個喇」！

每次解答Q and A時，除左越來越多高汁問題之外，很多網友也反應可否集中一個音樂主題深入探討，就算幾難既樂理都唔怕，越難越愛！好！黎緊我地將會加入不同環節，希望大家能夠睇得開心聽得過癮！Feat. Interview 林二汶 part 2: 如何由一個在哥哥音樂護蔭底下既小妹妹，變成詞曲編監唱配俱佳既既全能音樂人，當中既成長故事，同埋影響佢至深的人又係邊個，今集話你知！

蜘蛛俠都講過：能力越大，責任越大！所以我哋 Jerald今年要肩負起第31屆金曲獎評審委員嘅責任，實在係責無旁貸！佢會同我地分享吓評審嘅過程，困難之處同其他所見所聞；仲有高汁問答環節，同埋絕密「撞樣」合照大公開！Feat. Interview 林二汶 part 1: 呢集我地會傾吓 二汶同 Jerald既相識經過，合作經驗；究竟 Jerald既節奏，同二汶既聲線，互相衝擊之下對大家的音樂頻譜，產生了什麼影響？記得留意今集啦I can finally tell someone!  This week,...

電腦AI會否取代作曲人？編曲既先後次序該如何？Program編曲時會否考慮現場演奏的可行性？ 這一切一切既問題，可見我地呢個 Channel 既 Subscriber 係多麼的「高汁」！如果你都想知道答案，記得留意本集 Q&A！Dash & Tom @ Mr 專訪： Mr 樂隊裡面既 Bass & Drum， 作為一隊樂隊裡面音樂上最緊要既樂器，佢地會同我地分享一下夾band既有趣事，同Jerald合作有幾咁「麻煩」！仲有佢地除左樂隊以外各自有乜嘢搞作，今集同我地慢慢傾！

「本週Jer住你」大革新！ 感謝每個支持者既意見，我地集思廣益，精益求精；每週集中火力討論音樂題目，解答留言，外加一個嘉賓專訪，務求令大家睇得開心，聽得爽快！鄧麗欣 專訪： Stephy同各音樂人之前既合作佢都記得一清二楚，除左回顧過去之外，黎緊仲會同殿堂級搖滾教父有新搞作！展望未來既音樂動向究竟如何？呢集為你一一拆解！

「低音結他 - Bass guitar」係一隊樂隊當中聲音往往被人忽略，但其實佢係整首歌曲既結構中所扮演既角色最為重要！今集請到著名香港bass guitarist 陳兆基 - 基仔，同我地傾吓，究竟 bass guitarist既角色有幾咁重要，同埋分享一下彈bass既經驗同選購既心得。鄧麗欣 專訪： 你無睇錯！ Stephy 同我地傾音樂！仲傾得好開心添！從Cookies 入行開始到發展個人專輯及電影，我哋一路見證住Stephy的成長，對於音樂充滿想法,...

大家有無發覺依家新歌好多時都係「睇」返黎唔係「聽」返黎！一個MV拍得如何好影響你對一首新歌既觀感；今集請來 張傑邦 同我地傾吓MV制作，阿Bong除左係 Duo Band成員，作曲人之外，仲係新一代炙手可熱既MV導演，當中佢帶出不少讀到見解，對於如何欣賞一個MV甚至一首歌，你地一定會有得著。陳詠謙 專訪 part 2:  填詞事業屢創高峰，換來既除左名與利之外，就係無數既網路批評，人身攻擊甚至惡言相向！呢段日子對阿謙既影響有幾大？佢如何走出呢段影響佢至深既時間呢，呢集同我地一一剖白。

第一次入錄音室錄音，對住敏感既咪高峰，密閉既環境，西面既監製⋯難免會令人無所適從；側田會同我地傾吓入錄音室錄音既小貼士，心態上如何準備，身體如何放鬆，器材如何調整，如何在咪前用聲等等，咁你下次有機會錄音就可以事半功倍喇。陳詠謙 專訪 part 1:  唔講唔知，第一個人帶阿謙入填詞屆既人就係 Jerald！ 我地一齊傾下當時如何入行，初入行填詞時係咪一開始就一帆風順？定係碰釘無數？仲有阿謙如何由歌唱組合搖身一變，成為當紅填詞人再變身唱作人，呢集一一同你講。

點樣sell歌俾版權公司？創作人同版權公司之間的合作模式係點？我地最多一年寫幾首歌？有無試過你寫歌但要求落其他人既名？點解Jerald 一頭白髮都咁靚仔有型⋯一切既問題，都會係今集Q & A為你一一解答！蕭潤邦 江若琳 專訪 part2:  呢對閃盲無數對眼睛既夫妻？如何由普通朋友變成戀人？究竟經歷過幾多事業上高低起伏，係乜嘢機遇之下走在一起？呢個專訪為大家娓娓道來。In episode 18, we catch up on some Q & A and found that...