To Deryamî (تۆ دەریامی) Şarox – Rega Podcast تۆ دەریامی بەسەرهات و گۆرانی عەزیز شاڕوخ مامۆستا عەزیز شاڕوخ بەسەرهاتی ژیانی خۆی بە قەڵەمی جوان و پاراوەی، هەڵقوڵاو لە هەستێکی جوان و پاک، بەو پەڕی سەداقەت و ڕاستگۆیی، لە کتێبی تۆ دەریامی کردووتە دیاری بۆ هۆگران و هەروەها بۆ گەلی کورد. شاڕوخ بەو پەڕی خاکەڕایی باس لە بەسەرهاتی پڕ لە مەینەت و کەند و کۆسپی ژیانی دەکات و هاوکات بە نووسینێکی جوان، سەردەمی منداڵی و کاتی هۆگری بۆ مۆسیقا و هونەری کوردی باس دەکات. بەسەرهاتێکی باڵکێش و تاڵ و لە هەمانکاتدا شیرین. تەمەن درێژی و لەش ساغی بۆ مامۆستای ئاواز و گۆرانی و مەقامی کورد، عەزیز شاڕوخ ئاواتی هەموو لایەنگرانی ئەو مرۆڤە شەریف و پاکە بێ خەوشیە. سپاس بۆ ناوەندی کتێبی شنە لە شاری سەقز بۆ هاوکاری و چاپی دووبارەی ئەم کتێبە. تیمی پۆدکاستی ڕێگا ئەم بەرهەمە پێشکەش بە مامۆستا عەزیز شاڕوخ دەکات.