“我記得我係由2022年失去咗最愛嘅人開始聽,
一聽就停唔到,因為帶咗好多啟發性比我,
我係主持人嘅交談中搵到共鳴,
間接好似識咗班朋友咁,
每日都會期待第二日係咪出咗新單集可以聽收聽,
陪住我返工收工搭車嘅碎片時間,
同時我都推介咗比好多朋友聽。
麥麥廣播亦令我反思同思考咗好多,
係我失魂落魄嘅狀態下,慢慢企返起身,
重新建構自己嘅價值觀同自信。
我會追返2021年嘅舊單集聽返,
我諗我已經聽晒麥麥廣播開台到依家95%嘅集數。
特別係2023年嘅「由零開始學習愛」,
由零開始學起唔少拍拖/戀愛/愛嘅觀念,
帶到好嘅影響俾我。
講返正題,由2024年開始嘅節目我都會開倍速聽,
因為真係好無聊好無營養同無內容。
特別係由零開始學習愛,2選1真係好Q無聊....
有時聽聽下都唔知自己聽緊乜。
當初會聽麥麥廣播係因為覺得內容有營養同有價值,
男女主持有自己嘅睇法,大家用唔同嘅價值觀互相交流,真係好有趣㗎。
最近睇住節目質素下降,真係有啲失望,
希望你哋可以搵返初心,保持返個水準。
上次我比五星評分,冇諗過而家嘅要俾一星評分。”
pater li via Apple Podcasts ·
Hong Kong ·
03/10/24