{وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدتُّكُمْ فَأَخْلَفْتُكُمْ ۖ وَمَا كَانَ لِيَ عَلَيْكُم مِّن سُلْطَانٍ إِلَّا أَن دَعَوْتُكُمْ فَاسْتَجَبْتُمْ لِي ۖ فَلَا تَلُومُونِي وَلُومُوا أَنفُسَكُم ۖ مَّا أَنَا بِمُصْرِخِكُمْ وَمَا أَنتُم بِمُصْرِخِيَّ ۖ إِنِّي كَفَرْتُ بِمَا أَشْرَكْتُمُونِ مِن قَبْلُ ۗ إِنَّ الظَّالِمِينَ لَهُمْ عَذَابٌ أَلِيمٌ} [ابراهيم:22] مشهد من مشاهد يوم القيامة. مشهد بيخلينا في رؤية استباقية لما سيحدث. ربنا من خلال المشهد ده بيبصرنا بما هو قادم. عشان ناخد بالنا من الوقت الحالي اللي احنا فيه ونستعد استعداد قوي إن احنا ما نكونش جزء من هذا المشهد. المشهد ده مشهد غريب. مشهد القرآن بيوصفه للشيطان . ربنا سبحانه بيقول في سورة ابراهيم الآية ٢٢. الله بيقول (وقال الشيطان لما قضي الأمر). لا لا لا أنا مش هكمل الآيات. تعالى نرجع كده ونعيش مع كلمة كلمة في هذه الآيات. الله بيقول وقال الشيطان مين اللي بيقول؟ ده الشيطان مين الشيطان؟ العدو الأوحد لبني آدم. العدو اللي من أول ما سيدنا آدم الله خلقه وهو أظهر له العداوة. النبي صلى الله عليه وسلم بيقول لما خلق الله آدم عليه السلام فتركه ما شاء الله أن يتركه. فلما نظر إليه الشيطان نظر إليه وظل يطيف به ينظر إليه. فلما رآه خلقا أجوف قال ظفرت به خلق لا يتمالك. ثم قال الشيطان نقطة غريبة جدا قال لإن سلطت علي لأعصينك. ولإن سلطت عليك لأهلكنك. من الأول من أول لحظة الشيطان أظهر العداوة لسيدنا آدم ومن ثم لبني آدم عموما. عشان كده الله بيقول يا بني آدم لا يفتننكم الشيطان. ليه؟عشان هو العدو المبين لكم فمن دلوقتي خد بالك عشان ما بتبقاش جزء من هذا المشهد. وقال الشيطان لما قضي الأمر. (قضي الأمر) خلاص انتهت هذه الحياة الدنيا. انتهت فترة الاختبارات والابتلاءات انتهت المدة الزمنية لإقامة العبودية على هذه الحياة. النبي صلى الله عليه وسلم بيقول إن أعمار أمتي ما بين الستين والسبعين. خلاص ستين سبعين سنة متوسط أعمار الأمة اللي هيبقى قريب فيهم من ربنا وهيحصل رصيد الحسنات وهيطيع الله سبحانه وبحمده له الجنة. ومن عصاه له النار والعياذ بالله. خلاص الفترة دي انتهت و لما قضي الأمر ودخل أهل الجنة الجنة. ودخل أهل النار النار ونادى مناد أن يا أهل الجنة خلود بلا موت. ويا أهل النار خلود بلا موت. خلاص. ما عدش فيه فرصة تانية. ما عدش فيه فرصة إن أنت ترجع تاني تستدرك ما فاتك عشان كده احنا في بداية الحلقة قلنا إيه؟ رؤية استباقية لما سيحدث. ركز أوي في المشهد ده من مشاهد يوم القيامة لما قضي الأمر. وقال الشي