مراجعة شاملة للبودكاست
☆
☆
☆
☆
☆
“حبدأ اول شي كيف عرفت مستدفر، ايش اول حلقة سمعتها، ومتى اول مرة خلصت كل حلقات مستدفر.
بعدها حتكلم عن انطباعي الكامل عن الحلقات بعد ما رجعت سمعت جميع الحلقات للمرة الثانية.
وحختم بحلقاتي المفضلة.
اتمنى تستمتعوا وانتوا تقرؤوا المراجعة
بدايتي مع مستدفر:
كانت البداية عن طريق بودكاست فنجان في مارس ٢٠١٧، مع بداية أول حلقة سمعتها (كانت ٦٢) وعرفت انه هذا البودكاست هو النوع اللي احب اسمعه. وقررت اسمع كل الحلقات القديمة، من اخر حلقة لاول حلقة (٦٢، ٦١، ...، ١) وخلصت كل الحلقات خلال شهرين في مايو ٢٠١٥
وابدًا ما ندمت على الوقت اللي كنت اسمع فيه الحلقات خصوصًا اني كنت اسمعها في طريقي من والى الجامعة يوميًا (ساعة تقريبا)
تجربة الاستماع مرة ثانية:
في ١٠ نوفمبر ٢٠١٩ قررت اني ارجع اسمع كل حلقات مستدفر، لاني افتقدت اجواءهم بعد ما خلصت كل الحلقات.
خلصت اول ٥٠ حلقة يوم ٢ ديسمبر، الكيمستري اللي كانت بين المقدمين مرة كان رهيب، فقرة “فاكت تشيك” مرة جيدة، وفي ذا الحلقات تسمع وتعرف جو مستدفر الاساسي (فيصل وخيرة افتقدتهم بعد ذي الفترة).
أحلى حلقة كانت ٢٦ : Chapéau to the Italian
كلام مهندس نواف النصر مرة كان ممتاز وحلو، بين فترة وفترة احب اسمعها، خصوصًا كلمته الحلوة “London is a male, Paris is a female” وشرحه لها مرة كان مقنع، ويحببك في تخصص العمارة ( Architecture )
وصلت حلقة ١٠٠ في ١٩ ديسمبر، وفيها حلقتين انصح الكل يسمعها:
حلقة ٥٩ “B is for Bucket List”: حكاوي علي الزين مرة رهيبة واسلوبه لمن كان يقول تجاربه جميلة مرة
حلقة ٦٠ “Vagabonding in Japan”: البراء العوهلي ضيف فريد من نوعه، تجربته في اليابان وكيف قرر يلاقي نفسه وليش اختار اليابان اصلًا كانت شي جميل ويخليك تفكر كيف ممكن تلاقي شغفك بطريقة مختلفة.
وصلت حلقة ١٥٠ يوم ١٦ يناير: وفيها احلى شي صار، اكثر من حلقة كانت مع مقدمين بودكاست ثانيين. وهذا الشي وصل مستدفر لمستوى جديد.
وذا القسم فيه اكثر حلقات حبيتها.
بدايتها مع حلقة ١٠٧ “ليش انتوا مو اغنياء”: اسامة نتو قدم تعريف حلو وكيف ممكن نوصل لمستوى افضل ماليًا ونحسن صرفنا.
حلقة ١١٧ “العب حوت ازرق ولا اقتل نفسك”: كانت اول حلقة مع مع مقدمي البودكاست الثانيين، تحديدًا مع سعيد الشامسي من بودكاست روت كويست. وكانت التجربة مرة حلوة لمن تسمع اثنين يقدروا يديروا الحوار ويفتحوا مواضيع كثيرة.
حلقة ١١٨ “ليش اولادكم ما يبغوا يتزوجوا”: هذه الحلقة مرة حلوة وعدتها ممكن ٤ مرات، الكيمستري بين فاطمة، نفلة، عبدالله وعمار مرة كان جيد وتعاطيهم مع الموضوع كان ممتاز في وجهة نظري.
حلقة ١٣٦ “حكاوي علاقات ومع الزوجات”: الحلقة لها طابع مختلف وكانت اول مرة نعرف عمار ورامي جانب مختلف مع شركاء حياتهم.
حلقة ١٣٩ “اي فصيلة من الحبيبة انت”: سعيد الشامسي بدا الحلقة بسؤال حلو، وكانت مقدمة لكتاب مفيد جدًا على المستوى اليومي وعلاقاتك مع اللي حولك (سواء اذا كنت متزوج/ة او لا) لانك ممكن تستفيد منها حتى في علاقتك مع اهلك
حلقة ١٤٤ “لحظة! طعنت اخوك بايش؟”: حلقة ضحك في المواقف الغريبة اللي صارت لهم 👏🏻👏🏻
انتهيت من اخر حلقة نزلت (١٦٨) يوم ١٠ فبراير
من ١٥١ ل١٦٨ سمعت الحلقات مرة واحدة بس
وهذه الحلقات اللي لفتت انتباهي وحسيت انها حلوة
حلقة ١٥٨، ١٥٩، ١٦٣ و ١٦٤
————————
بالمناسبة
هذا كان تعليقي قبل سنتين
شي خرافي للغاية
اختصر وقت المشاوير ووقت الروحة والرجعة من الجامعة
انت جالس مع اصحابك وتتناقش معاهم فالوقت يمر بسرعة
هذا شعوري كل حلقة
يعني اوصل المكان اللي ابغاه وانتظر في السيارة عشان ابغى اكمل الحلقة
اتعب وانا اقول رهيب
ننتظر منكم الجديد دايمًا
Good Luck”
Alhaifi14 via Apple Podcasts ·
Saudi Arabia ·
02/10/20
More reviews of Mstdfr | مستدفر
☆
☆
☆
☆
☆
“I cant express how much i enjoy and appreciate this show. I love the natural way the mstdfr team discuss their topics. They looked at traditional media and went to the opposite direction.
P.s. I am coming from episode 41, plz guest Ali again and talk more about oil”
Juventus lover via Apple Podcasts ·
United States of America ·
06/26/16
☆
☆
☆
☆
☆
“قريت واجد ان قللوا من الانقليزي لكن انا اقول كثروا انقليزي تلهموني اتكلم انقليزي♥️”
fahadalsahli via Apple Podcasts ·
Saudi Arabia ·
02/17/20
☆
☆
☆
☆
☆
“One of my favorite local podcast”
Ahmed Sulami via Apple Podcasts ·
United States of America ·
10/02/16
Do you host a podcast?
Track your ranks and reviews from Spotify, Apple Podcasts and more.
See hourly chart positions and more than 30 days of history.
Get Chartable Analytics »
See hourly chart positions and more than 30 days of history.
Listen now
Links
Genres
Artwork or description wrong?
Request an update »
Updates may take a few minutes.
Do you host a podcast?
Track your ranks and reviews from Spotify, Apple Podcasts and more.
See hourly chart positions and more than 30 days of history.
Get Chartable Analytics »
See hourly chart positions and more than 30 days of history.
