Ciao Amici ! مرحبا بيكم معانا في بودكاست سلامة راسك من تقديم الدكتورة ريم ووكالة إيمباور هاوس  للصحة النفسية والرعاية.  مع بودكاست سلامة راسك، حا نتعمقوا فعالم الصحة النفسية ونتعلموا وش معنتها الصحة النفسية ونحاولوا قدر المستطاع نقدمولكم الأجوبة الصحيحة والدقيقة لأسئلتكم اللي بالاك ما تقدروش تلقاوها في أي مكان آخر. فكل حلقة، مذيعتكم الدكتورة ريم حا تتطرق لكل المواضيع المتعلقة بالصحة النفسية واللي نشوفوها غالبا ما عيب وحشومة نهدرو عليها في مجتمعاتنا المغربية، كل هذا باش نكسرو الطابوهات والصور النمطية المرتبطة بالصحة النفسية، ونتمناو اننا نقدرو نردولكم الأمل والبسمة لبيوتكم وعائلاتكم. صح مشاكل الصحة النفسية معقدة شوية، بصح ماشي لازم نتفاداوها ولا نصعبو المعيشة بيهم. حا نحاولو نحكيو على كامل المواضيع الصعبة اللي نتفاداوها على العموم ونخافو ولا نحشموا نهدرو عليها مع صحابنا وجيرانا. لازم تعرفوا بلي ماراكوش وحدكم وبلي كامل الصعاب اللي راكوا تمروا بيهم ممكن تتجاوزوهم. رانا هنا باش نعاونوكم من خلال البودكاست ونتعلموا كيف كيف كيفاه نتطرقوا لهاذ المواضيع بطريقة انسانية تجمعنا كامل. تابعوني على Instagram @dr.redpeppermint لمزيد من المعلومات وأنا مستعدة نجاوبكم على كل أسئلتكم اتهلاو فراسكم Amici !