Хүн ямар нэгэн зүйлийг удаан эрж хайж явсны эцэст олохоороо бусадтайгаа хуваалцах хүсэл төрдөг. Хүн болгон энэ хорвоод ямар нэгэн даалгавартай ирдэг гэж ярьдаг, магадгүй тэр нь л энэ байх гэж би боддог. Тийм биш бол шинжлэх ухааны нээлт, шинэ бүтээл, шинэ арга зам, амьдрах ухаан, дөт зам гээч зүйлс бий болохгүй байх байсан. Тэгвэл таны хувьд ямар зүйлийг даван туулж чадсан бэ? Ямар зүйлд хүрч чадсан бэ? Тэрийгээ хуваалцах нь таны цаашид хийх ёстой зүйл ч байж мэдэх юм. Заавал агуу том байх албагүй, заавал онцгой байх албагүй. Таны хувьд чухал байсан бол бусдад ч хэрэгтэй байх нь гарцаагүй. Өөрийгөө ойлгоход тань, юу хийх ёстойгоо мэдэхэд тань дөхөм байж магадгүй гэж бодоод найзтайгаа ярилцсанаа хуваалцья.