【#半夜場】Ep.258｜多謝古生！民間支援業界根基 港產編劇學徒做起｜直播｜半夜微醺 Drunkirk 影片連結：https://youtube.com/live/3GLMrPbGnlA #香港電影 #古天樂 #新晉編劇學徒計劃 以前上台要多謝Paco多謝Mani多謝志雲多謝樂小姐，今次要多謝古生了，撐起演藝界嘅係古天樂了，唔單止出錢投資電影，更投資電影的未來。你只要大專畢業至少5年，有香港身份證，無做過相關工作，就可以成為編劇門徒，你可以大叫「唔知呀我唔想知呀，做生意係講供求㗎。」因為個門徒學額唔係講供求，「新晉編劇學徒計劃」可津貼最多5間電影公司同時請兩名編劇學徒，一間兩個，唔好畀啲鬼佬睇唔起。咁立志想做編劇嘅你哋，就有機會可以跟殺人犯、潛行、阿嫂、斷網、十二怪盗、富山春居圖或笑詠春嘅編劇學習，他朝成為出色的編劇。 ...

【#幹話神秘學】Ep.257｜邪教Dahn World操控HYPE、閔熙珍鬥爭？｜直播｜半夜微醺 Drunkirk 影片連結：https://youtube.com/live/5Aead8m2eRI #HYPE #閔熙珍 #NewJeans #GFRIEND #MAGO #房時爀 #陰謀論 上星期，喺大家熱衷睇個四眼仔點樣喺記者招待會上面現場直播鋸斷豬扒，吖唔係，係鋸斷木刀之際，同一時間，其實有另一個記者招待會先係真正震撼世界。就係地球最受歡迎的女團之一New Jeans嘅經紀公司ADOR嘅CEO閔熙珍的一人記招，反擊ADOR母公司HYBE嘅種種指控，最嚴重嘅當然係講珍姐要帶埋New Jeans做「脫HYBE者」另起爐灶，而記招一出，風向都變，民眾又走向珍姐懷抱，甚至亦知道珍姐本身被HYBE的魔鬼合約箍實，要離巢都要先得母公司同意，所以即使HYBE有咩三長兩短，但無公司首肯，閔熙珍就會像困於火圈中，拼命碰也衝不出，離不開，留不低，如火中的一個草原。 ...

【#文化研究】Ep.256｜文化大流行：短片·幹片·解說片｜看來我們偉大祖國的文化輸出，不是抗日神劇，不是中國有嘻哈，而是短片幹片，征服世界指日可待｜直播｜半夜微醺 Drunkirk 影片連結：https://youtube.com/live/sLm7QorAKiA #短片 #幹片 #解說片 #文化輸出 羅家聰估錯十年樓巿都不要太驚訝，幾十年前一眾專家都認為互聯網會令資訊流通量大爆炸，促使不同資訊發展、文化作品因競爭而駢進，從而令社會進步。然而三四十年後的今日，網上最強流量就係抖音式短片（包埋Shorts同Reels），內容以惡作劇、貓狗和液壓機最受歡迎。除此之外，中國大陸除了輸出抖音式短片，亦帶領了約幾分鐘一段或一集的短劇，又稱幹片，不外乎都是霸道總裁溝秘書、穿越、窮小子原來好有錢、潦倒大佬遇上富貴小弟報恩等。如果上述你都未睇過，咁大聰說電影、犯叔電影等谷阿莫式解說片，你未睇過都喺巴士見過。幾十年前無見過專家會認為資訊科技會帶來上述文化產品，以及羅家聰同錢志健鬧交，和黃世澤著底褲仔直播。 ...

【#幹話神秘學】Ep.255｜環保陰謀論｜☎️Phone in開放：港人環保政策申訴大會！｜直播｜半夜微醺 Drunkirk 影片連結：https://youtube.com/live/uxwYLUu_DOU #環保 #節約能源 #全球暖化 香港予人的感覺，要不是搵錢至上，就是文化沙漠，最多是遊行之都罷了，但近期比較中產或文青才會涉獵的環保議題，成了全港巿民上下都避無可避進入大家討論範圍。左一個垃圾徵費，右一個走塑餐具，沒有令大家更加環保，反而覺得環保令大家反感和不便。然而社會主流從來都有不同的環保潮流，好像所謂的「環保」並不是真正為大家的地球和環境作可持續的改善的答案。 八十年代的環保，因石油危機而討論節約能源，或尋找可再生的替代能源，九十年代討論停止砍伐樹木，搞再造紙，還有臭氧層，千禧年代講水資源，近年是碳排放、溫室效應、北極熊。在香港，大家還記得屏風樓嗎？近年開採石油科技急劇上升，給這乾涸地球湧出珍貴石油，燃亮所有。起碼大家不用愁有生之年無油用， 就說石油製造二氧化碳導致全球暖化，咦，明明以前先怕地球會越來越凍。 ...

【#幹話神秘學】Ep.255｜環保陰謀論｜☎️Phone in開放：港人環保政策申訴大會！｜直播｜半夜微醺 Drunkirk 影片連結：https://youtube.com/live/uxwYLUu_DOU #環保 #節約能源 #全球暖化 香港予人的感覺，要不是搵錢至上，就是文化沙漠，最多是遊行之都罷了，但近期比較中產或文青才會涉獵的環保議題，成了全港巿民上下都避無可避進入大家討論範圍。左一個垃圾徵費，右一個走塑餐具，沒有令大家更加環保，反而覺得環保令大家反感和不便。然而社會主流從來都有不同的環保潮流，好像所謂的「環保」並不是真正為大家的地球和環境作可持續的改善的答案。 八十年代的環保，因石油危機而討論節約能源，或尋找可再生的替代能源，九十年代討論停止砍伐樹木，搞再造紙，還有臭氧層，千禧年代講水資源，近年是碳排放、溫室效應、北極熊。在香港，大家還記得屏風樓嗎？近年開採石油科技急劇上升，給這乾涸地球湧出珍貴石油，燃亮所有。起碼大家不用愁有生之年無油用， 就說石油製造二氧化碳導致全球暖化，咦，明明以前先怕地球會越來越凍。 ...

【#時事評論】Ep.254｜的士判官3之又双叒叕加價喎｜哋係上一次係幾時加價嘅，答案係2022年7月？的士大佬本來喺加咗價幾個月又申請加價，密過的士司機拒絕你過海嘅次數｜直播｜半夜微醺 Drunkirk 影片連結：https://youtube.com/live/VX_A4dBKdFc #的士判官 #DC9 #的士加價 的士又申請加價喇，先唔好講加幾多先，反正大家唔算太緊張，更有趣嘅係佢哋係上一次係幾時加價嘅，答案係2022年7月。而大家覺得的士係兩年加一次價咩？唔係，各大商會係2022年底就計劃加價喇，而今年年頭先有申請加價幅度嘅共識。即係如果唔使傾咩加價共識，的士大佬本來喺加咗價幾個月又申請加價，密過的士司機拒絕你過海嘅次數。 ...

【#幹話神秘學】Ep.253｜英國王室終結預言｜有研究者指英國王室很可能在查理斯之後由神秘人繼任，然後就沒有然後，英國王室終結，這是否預言成真，幹話神秘學為大家剖析預言！｜直播｜半夜微醺 Drunkirk 影片連結：https://youtube.com/live/_7jQEF-9nDY #英國王室 #王妃凱特 英國王室應該係全地球最受矚目的家族，簡直係宇宙中的太陽，然後係The Simpsons一家同埋謝賢一家（加埋滑雪教練）。英國溫莎王室不論係出席慈善場合，定係就咁出個街，記者或狗仔隊都窮追不捨。何況英國王室醜聞不斷，英女王伊莉沙白二世年輕上任，經歷帶領國民面對戰爭，到曾因戴妃身亡成為地球最乞人憎奶奶，到英格蘭足球隊7次十二碼出局，到近年成為最得民心的婆婆，在萬民景仰下與世長辭，可謂經歷高低非一般人可想像。 ...

【#戀戀Drunkirk】Ep.252｜直男應對求生術｜不論你是A0、有拖拍但想改善溝通，即使你不是交際能手，只有學得基本一招半式，幫唔到一世，都幫一時｜直播｜半夜微醺 Drunkirk 影片連結：https://youtube.com/live/7cyml5PkKbA #直男 #求生術 你知你A0，但你不知你是直男......噢當然我知你是異性戀（反白眼），直男今天不是這樣解釋的了，是一眾不懂閱讀空氣，與女性社交總少條筋的男性。甚麼？你有閱讀空氣？甚麼主要由78.1%的氮氣、21%氧氣、還有0.9%的氬氣和其餘雜質組成的混合物？（反白眼X2）但這樣不能跟女性交談呀。噢原來你都有跟女性約會，那很好呀...甚麼公會？（反白眼X3）不是打機呀！有沒有私下聊天？有？那很好呀，聊甚麼？日常生活、工作和打機，那都很順利呀，那麼有沒有跟對方相近的嗜好？（反白眼X4）對方已讀不回....噢未回未回，明白嘅明白嘅（社交式笑容）......有約出來？那很好呀，一班人？沒關係，都是好開始。 ...

【#幹話神秘學】Ep.251｜Q* 來襲 人類主宰地球大限2027！｜現在滿天傳聞，陰謀論不徑而走，不禁令人不寒而慓，但今日的我們又是否絕對悲觀看待？人類生命或文明是否就此糟蹋？｜直播｜半夜微醺 Drunkirk 影片連結：https://youtube.com/live/-x7aaWQmjXA #OpenAI #人工智能 #陰謀論 2024年3月，有人在X流出一份OpenAI公司文件，指出具有類似人類智慧和自學能力的通用人工智慧 (AGI) 將在2027年開發完成，OpenAI稱計劃為「Q」，而它的智商訓練進程將由去年年底的48，估計2027年就會推出一個智商高達148的人工智能系統，相信不是大家以前想像有明亮眼晴、環迴立體聲的機械人，不會有4.2口徑的親熱的吻和28度左傾的愉快抱擁，因為你都不要太期待Q會左傾，而可能是壓人類在底下階層的右翼。 AI的發展令人又驚又喜，近兩年的Chat GPT和Mid...

【#無限超越班】Ep.250｜無限超越班：香港老劇骨的求野最後一舞｜行家一出手，便知有沒有，咩叫表情咩叫節奏，咩叫戲劇的高峰｜直播｜半夜微醺 Drunkirk 影片連結：https://youtube.com/live/HpjyD7bowlM #選秀 #TVB #綜藝 中國電視巿場龐大，邊樣興就一窩蜂拍邊樣，但邊樣拍得多拍得膩就禁，穿越、宮鬥、抗日、復仇、星二代唔拍得，加上為咗文風純潔，同性戀、煙酒、警察犯法、鬼魂、波罅等又唔拍得，剩下來好似得返選秀類的拍得，由好聲音、有嘻哈，到單口喜劇、打籃球都有得比賽，有現場評判評頭品足一番，又有獨特的比分系統。前年年尾，浙江衛視、優酷、TVB三間跨地跨媒體機構合作，搞鬥演戲，可能遲啲有得鬥作曲，讓莫扎特大戰薩利埃利，然後由周啟生、伍仲衡同楊千嬅三位老師評審，到時不知誰隨意喺紙上面寫的音符，將嘔心瀝血的作品變得一文不值，或者會有參賽者表示希望喺創作音樂時，可以聽到你的聲音。 ...

【#幹話神秘學】Ep.249｜《三體》你點睇？｜三個似相關又不算的法則理論：農場理論、射手理論同黑暗森林法則，是有趣的歸納和博奕探討，就等幹話神秘學同你哋班火雞蟲子一同看《三體》｜直播｜半夜微醺 Drunkirk 影片連結：https://youtube.com/live/GFFqGsStUWQ #三體 #農場理論 #射手理論 #黑暗森林法則 中國作家劉慈欣的《三體》早在2006年於雜誌連載，其後出版成單行本，再譯成多國語言，在2015年，英譯本榮獲科幻小說界殿堂的雨果獎最佳長篇小說獎，乃亞洲作家的首次，哪怕中國足球踢得很科幻，但中國科幻小說卻成了世界頂尖，而且沒有貪污。至今《三體》已譯成十多國語言，比蕭若元翻譯陶傑言論為快，而講快，勝在很快便完成三部曲，否則畀集英社買了版權出漫畫，三體人變埋超級三體人，打埋布歐都仲未結局。 ...

【#時事評論 】Ep.248｜今年香港無膠叉用嘅｜給你膠製的啜管，給你即棄的塑碗，不等於你需要公開搞試用。收你一隻膠羮，給你一隻竹叉，不等於我吃到嫰雞胸｜直播｜半夜微醺 Drunkirk 影片連結：https://youtube.com/live/TXL1MjnnYlg #走塑 #垃圾徵費 #大嘥鬼 廿三條就輕易在立法會全票通過，但環境及生態局推的環保政策，就屢屢受阻，早前垃圾徵費就拖數，一拖再拖，如今4月22日就大搞「走塑」，分階段管制，唔畀派膠，不論係條軸係真心膠棉花棒，定聲稱可生物降解的膠類，你叫佢假膠都好，都唔畀派。理得你堂食、外賣定酒店，派膠者罰款最高十萬，庫房多謝你。 給你膠製的啜管，給你即棄的塑碗，不等於你需要公開搞試用。收你一隻膠羮，給你一隻竹叉，不等於我吃到嫰雞胸。 ...

【#幹話神秘學 】Ep.247｜撥起納斯卡線的石頭｜大家都認為是外星人傑作，但你想下，納斯卡地方咁悶，食啲嘢又咁悶，玩石仔玩到出神入化，又砌蜘蛛又砌貓，又有幾奇｜直播｜半夜微醺 Drunkirk 影片連結：https://youtube.com/live/SzBbuDz65g8 #納斯卡線 #NazcaLines 位於南美洲秘魯的荒蕪城巿納斯卡，人口得23,000人，比美國的納斯卡賽車場看台座位還要少幾倍，人跡罕至，相信原因是，那裡真是一個很悶的地方。公元前100年至公元800年曾在此出現過納斯卡文明，他們沿著河谷定居，以農耕維生，種棉花、豆類、塊莖、蛋黃果和一種短穗的玉米等作物，真係見到都悶，素食青年都嫌寡。而納斯卡是氣候乾燥，無風無雨的地方，真係食西北風都無，而近年仰賴飛機，看到納斯卡線，延綿數十至數百米的線條圖案，是由石頭砌成，大家都認為是外星人傑作，但你想下，納斯卡地方咁悶，食啲嘢又咁悶，玩石仔玩到出神入化，又砌蜘蛛又砌貓，又有幾奇。 ...

【#戀戀drinkirk 】Ep.246｜我們都是這樣活過來的｜直播｜半夜微醺 Drunkirk 影片連結：https://youtube.com/live/pZJbVU9DxhM #投稿 #戀愛 ❤︎ 戀戀Drunkirk❤︎ 匿名投稿箱：https://bit.ly/3Hyk4Ts 💌 //1個月前同一齊5年嘅男朋友分咗手 我哋原本plan咗復活節會買樓，上年7月樓都睇埋，不過睇唔啱就無買 (好彩無買) 總之分手原因係因為賭錢同講大話，佢大賭，要還幾年錢 (總數幾十萬) ，仲要講大話呃我啲錢用咗喺第二到⋯ 喊咗一大輪，掙扎咗2個星期最後決定原諒同陪伴，佢亦都應承會做一啲嘢令我有返安全感，不過最後無做到。而且平日洗錢習慣都無乜改變，繼續plan去日本，請下屬食飯同買game，加上俾我發現同佢傾完後幾日又開始幾千幾千咁賭，加埋再次講大話，所以最後我提出咗分手 (月亮金牛嘅me表示完全接受唔到) 我哋原本感情好好，5年嚟好少嗌交，我哋識咗10年 拍拖5年，10年前我第一眼就鍾意呢個人，唔係一見鍾情，而係覺得...

【#幹話神秘學】Ep.245｜丹佛國際機場的地下秩序｜除了地底，還有地面的壁畫、奠石、雕像，無一不令人聯想，丹佛國際機場並不單純｜直播｜半夜微醺 Drunkirk 影片連結：https://youtube.com/live/ErmDF1JNwiE #丹佛國際機場 #DenverInternationalAirport #陰謀 提起丹佛，香港絕大部分人都應只聯想到金塊，一支由飲住紅色可樂的東歐肥仔帶領奪得NBA總冠軍的球隊，但其實丹佛是從來都蓋著神秘面紗的高原地方。自1995年丹佛國際機場建成以來，就一直被指機場就是一個神秘組織的基地。 明明丹佛沿用的機場使用量仍有空間，卻超資一倍地興建一個全美最大、世界第三大的民用機場，竟然美國最大的機場並非座落在洛杉磯或紐約等最繁盛城巿，相信Bling...

【＼歡迎Phone In☎️／】Ep.244｜IQQQ題Q&A｜今集我們即管又懷緬一下，大家可以利用SKYPE考下聽眾，或打嚟畀我哋考你，估下我哋有無禮物畀你？直播｜半夜微醺 Drunkirk 影片連結：https://youtube.com/live/uN0C6ONe6Oc ☎️ Skype： Drunkirk／http://bit.ly/Drunkirk_Skype #IQ題 #爛gag 歇後語係七八十年代或更古舊嘅智力測驗，到九十年代，就進入心理測驗同IQ題嘅天下。有人(都係A0啦)喺雜誌攞住啲心理測驗同女仔玩，從眼角眉梢捉心理，但女仔唔係咁想同你玩的話，你就像太空搜索中揣摩不到你的心理。而另一種打開話匣子嘅就係IQ題，不論從雜誌定專登走去買本謎語書定腦筋急轉彎，總會搵到你以為吸引到異性嘅智力謎題，希望借助你背誦得好辛苦嘅IQ題打破隔膜重重，繼而利用重重難題，就在夜幕的活動下… 「無聊的~遊戲！」 ...

【#幹話神秘學】Ep.243｜駭入美國太空總署｜他曾在千禧年代初，用13個月時間在倫敦駭進97部美國軍方及美國太空總署電腦，刪除了OS入面的關鍵文件，導緻美國陸軍華盛頓軍區的 2000 部電腦斷網 24 小時｜直播｜半夜微醺 Drunkirk 影片連結：https://youtube.com/live/ue2gkg3JnvI #神秘學 #GaryMcKinnon #外星人 2024年2月，華納兄弟旗下的Wall to Wall Media開始了一套傳記式影片的製作，相信規模頗小，亦鮮有人留意，頂多說導演是曾執導兩集BBC Sherlock。惟故事是引述一個名為蘇格蘭人 Gary McKinnon的事蹟，他曾在千禧年代初，用13個月時間在倫敦駭進97部美國軍方及美國太空總署電腦，刪除了OS入面的關鍵文件，導緻美國陸軍華盛頓軍區的 2000 部電腦斷網 24 小時，郭富城失去…呀不，美軍一天內失去了一切，McKinnon證實了這個消息，他軍方網站上擺低了一句「地方的媽媽」….呀不，是 "Your security is...

【#文化研究】Ep.242｜喂嚟睇下古代gag：歇後語｜大家又有無創作到新的歇後語？歡迎留言比拼，睇下「倒瀉滾水」---「鹿死誰手」呀！｜直播｜半夜微醺 Drunkirk 影片連結：https://youtube.com/live/0qm53ewmgOk #歇後語 #古代gag 歇後語係古代語言藝術，以借代、引典、食字去展示一個說法或形容，同成語唔同，成語寥寥幾個字，去闡述一件事或情況，言簡意賅。不過歇後語唔同，佢唔精煉嘅，往往要用四個字去演繹兩個字都講得完嘅事，例如「火燒旗桿」即係「長嘆」、「海底石斑」係「好瘀（魚）」，嘥氣嘥字嘥位，但勝在口爽，又展示巿井才氣。而去到現代世界，彷彿歇後語被維尼式的爛GAG、剛仔的食字GAG取替，無乜新的歇後語，最多都係「年初四咁樣」或「半個權志龍」--「GD唔GD」，而近代較具質素又類似嘅次文化應該係不同形式的meme圖，例如「梁國雄議員.jpg」。 ...

【#幹話神秘學】Ep.241｜地球空心論｜十七世紀就有人討論地心有甚麼，是熔岩、實心鐵，還是有另一個地內文明，且看幹話神秘學為大家挖入地核！｜直播｜半夜微醺 Drunkirk 影片連結：https://youtube.com/live/BcM9L-rRY6Y #地球空心論 #神秘學 #幹話 如果我們不是那麼表面的人，我們就可能不是住在地球表面。有說地球中間是空心的，裡面住著另一個文明，一片地藏在黑洞裡，地面的我們覺得這彷彿都是超乎意料的好東西。怎麼樣叫你也發現神秘的生命，抑或我們讓地心的生物來到地面，看我看的風景，或許你更喜歡地球表面往外看的星星。 織女星、牽牛星，只怪地球人有無聊的老傳奇，若果帶地心人飛到天上，看看換日線的另一邊，黑夜反襯繁華的燈光，美國東西岸的閃耀、東京的活力璀璨，還有冒著煙的⋯⋯那是每個月都放煙花的維港，還有黑漆漆的⋯那是平壤，那邊很少光亮，但一發光就會可能很刺眼，還有蘑菇雲。 十七世紀就有人討論地心有甚麼，是熔岩、實心鐵，還是有另一個地內文明，且看幹話神秘學為大家挖入地核！ ...

【#時事評論】Ep.240｜銀行Call Loan 小巴斷供｜今天，夜不再繽紛，小巴都可能從此退場，被Call loan的牌主嚇得鼻哥窿無肉，供不起了，息也還了還不了，何況本金，棄車任拖，借貸任你call｜直播｜半夜微醺 Drunkirk 影片連結：https://youtube.com/live/epQV5hntjzY #小巴斷供 #車主 #港聞 老一輩會稱巴士為「大巴」（現在只有足球場上才有人這樣說），然後相對了「小巴」，有人問有沒有「中巴」，沒有了，執咗了，變了新巴再變成新城巴了。而今後連小巴都不知還有沒有，究竟陳果會拍紅Van下集先，定紅Van退出公共交通舞台，完成歷史任務先？ 香港很多你不知道是誰，但名字你一定見過，例如田家炳，你一定經過學校見過聽過；例如黃龍德，你睇頒獎禮會聽過；例如陳偉霆，你喺Google見過，而馬亞木，你搭小巴一定見過佢個大名寫喺車門，黑低白字，仲以為佢喺小巴出IG...

【#幹話神秘學】Ep.239｜Katt Williams大爆光明會植物人計劃｜這麼爆炸內容又反叛，會否為他帶來更大封殺？幹話神秘學為大家一一剖析｜直播｜半夜微醺 Drunkirk 影片連結：https://youtube.com/live/YPlv3WCRuCo #植物人 #KattWilliams #光明會 提起植物人，並不是又想講素食青年，是神級脫口秀演員Katt Williams對荷里活的指控，他在三小時的Podcast訪問中指出有些紅透半天天演員，其實只不過透過人脈才攀升到可以買營養快線的高度，自己才華不足以成為巨星。在已超過5000萬觀看次數的節目中，Katt大爆他們不只是被栽培，而是被種植出來的，他們只是娛樂團隊中被製作出來的工具。你可能認為show biz就是這樣，然而對單口在舞台講笑話的表演者來說，說的不只失去自己，而是完全沒有自己的表演者，是可悲可恥的。Katt認為與其只有殘留的軀殼，哪何不拒絕大台的狗眼，風雨中抱緊自由。 而且黑色給他肌膚的意義，在美國要站著向白人說不，而不是穿著裙子跌倒，放棄了理想。他指控不是誰人都可以，而是Kevin...

【#半夜場】Ep.238｜古惑仔的香港浪漫黑幫文化反噬本質內核｜烏鴉一反枱，表示難做咪唔好做囉，這些都是大家記得的環節，真係未睇過都見過，可見古惑仔真的很紅，長紅咁紅。｜直播｜半夜微醺 Drunkirk 影片連結：https://youtube.com/live/aRn_aFkr92Q #古惑仔 #香港電影 古惑仔電影系列係香港電影流行文化的奇葩，繼成龍、周星馳、賭片、武俠片後，近代香港電影重要的一頁，而且佢仲係單一IP，更是最貼近香港本土的故事背景，都可以北上大陸，南下南洋，喺翻版猖獗的九十年代，仍深入民心，由慈雲山，真正衝出亞洲。一眾喺古惑仔電影演出過的演員，至今不少仲食住條水北上搵真銀，可見古惑仔影響力仍然堅實。 古惑仔的厲害不只創造了一股流行文化，造經濟和影響的力量，更繼金庸、古龍後，為大眾空想了一個江湖，更是與現實扣連相關的世界，脫離了港漫的紫色西裝黃色褲的框框後，放到實景拍攝，對土生土長的香港人來說，這個江湖更加真實，你真心覺得洪興掌管的灣仔一向大晒玩晒，不過陳浩南不是銅鑼灣的嗎？ ...

【#戀戀Drunkirk】Ep.237｜中港台韓我最喜愛50+大叔選舉｜今晚我們從聽眾提名及投票中選出一眾大叔名人，再在直播中由現場觀眾投票淘汰出大叔中的大叔no. 1！｜直播｜半夜微醺 Drunkirk ＼投票連結／：https://shorturl.at/zOU39 影片連結：https://youtube.com/live/1uCu9h2hogY #情人節 #大叔控 #我最喜愛 如果我們只得「演化心理學」，不論男女，擇偶都應該走年輕方向，以求覓得更好的繁殖條件。不過今日的社會，生仔已不是必要條件，甚至是必不要的條件，而且種種外在因素下，大家漸漸發現，出生於60年代的男人更齊備所有好男人的條件，「大叔控」自然成為並不偏差的一道主流，與「小鮮肉」流分庭抗禮。 ...

【#半夜場】Ep.236｜古今中外賀歲片經典｜有咩電影係你心目中必然經典？由新藝城、嘉禾到英皇，成就大家幾多個苦悶的新年？今集直播，我哋一路年宵直播打折，一路睇戲｜直播｜半夜微醺 Drunkirk 影片連結：https://youtube.com/live/GuYbHhmnG_U #賀歲片 #經典 農曆新年假期又嚟喇，半夜場為大家點算一下賀歲片，除了《飯戲攻心2》、《盜月者》、《特工亞皆老》及《臨時劫案》等上映戲院的賀歲電影之外。進入待在家多於夜繽紛的世代，或在親友家拜年，家裡備有經典賀年猛片都是必要，唔通喺屋企中午睇汪阿姐唱少婦的祈禱或重播上年台慶咩？ ...