النهاية ..

هذه الحلقة حكيت فيها ، عن انفصال اسرتي و كيف أثر عليا سلباً و ايجاباً و شكلني و نقلتي من لومهم الى مسامحتهم ، فيا أطفال المنفصلين اتحدوا !

دايماً اقول اسمعوا للاصوات اللي بداخلكم وافهموا منها ، الا الصوت اللي يقولك " انت*ر عشان ترتاح " .. **هذه الحلقة لا تبرّر الانتحار ولا تدعوا اليه **

كثير ناس حولنا و يمكن احنا سبق و تعرّضنا لتحرّش لفظي او جسدي وفي اللي تم الاعتداء عليهم ! مو الكل يقدر يشتكي و يتكلم لانه صعب لاسباب كثيرة من ضمنها "اللوم" و الشعور بالذنب اللي يقولنا احنا السبب باللي صارلنا وذا خطأ ! المتحرّش ماله مبرر

لو مهما قلنا معد بنحكم حم مسبق سلبي على اي شيء ، الا مانطيح بذا الفعل ، لأننا بشر (: و نتغير و نظرتنا للامور مو وحدة ، فذي الحلقة تكلمت عن تجربتي وكيف ظلمت نفسي و تداركت الموضوع (:

(: للنجاح طرق كثير و بدايات مختلفة و الجامعة وحدة من الطرق بس مو كلها ! فذي الحلقة حكينا انا و رزان عن قصتنا المشتركة في دوامات ما بعد الثانوية و كيف تعاملنا مع عدم قبولنا بالجامعة واللي وصلنا له حالياً 

اهلاً في ذي الحلقة قلت رأي عن الاقتباس اللي يقول  " الانسان ممكن يفعل المستحيل بدون مقابل بس ما يقدر يستمر فيه بدون تقدير" محد فينا كامل وخلونا نكون واضحين مع أنفسنا قبل كل شيء ، هل انتوا عارفين ايش تبغوا من كل علاقة بحياتكم ؟ 

استعنّا هالمرة بصديقتنا المشتركة سارة وصرنا ثلاثة نجاوب..  استكمالاً لموضوع السوشال ميديا في الحلقة السابقة لكن بشكل عام أكثر يخص المؤثرين و المشاهير وعلاقتنا فيهم 

 في هذه الحلقة انا و عمرو ، عرّفنا السوشال ميديا بالنسبالنا و ناقشنا أسئلة كثيرة هل عادي ننشر أي شيء عليها ؟ ولأي درجة حساباتنا تعبّر عنّا ؟ هل احنا مسؤولين عن اللي يتابعونا ؟  تهاوشنا شوي (:

اهلاً ، قبل اسبوع اعلنت عن بودكاست بصوت عالي ، وذي حلقة شكر عن كمية الحب و الدعم و اللطف اللي غمرتوني بيه(:

" اصبر الين يركد الرمي"  احس احياناً اني معركة و الوقت اللي يشتد فيه الرمي ،انعــزل وفي هذه الحلقة اعلن انهزامي بكل سرور 

تكملة نقاشي مع عمرو حول موضوع ( الرسالة ام حامل الرسالة ؟ الفن او من قدمه ؟ ) ،، ادركنا في نقطة ان ما في جواب واضح نقدر نقدمه، فـ انتوا قولوا لي مين يهمكم اكثر الفن و لا الفنان ؟

أهلاً ، في هذه الحلقة مع عمرو تكلمنا عن سؤال كوني دايماً يخطر على بالي ، هل الفنان جزء من فنه ؟ ومتى يستحق فرصة ثانية ؟ فجأة صارت النسوية و فلسطين ! طال حديثنا فصارت الحلقة اثنين وهذا الجزء الاول .

في هذه الحلقة يا اصدقاء أُشارك من سيسمع فوضى افكاري ومخاوفي بصوت عالي عن المعرفة و الحقائق ، هل احنا اغبياء وسيئين ظن ؟ ولا احنا مو شايفين الحقيقة كاملة ؟

حلقة تعريفية مليانة ضحك وفوضى لا تشرهون ، مع الوقت نتدرب