༄༅། །སྤྱི་ལོ༡༩༩༦ལོའི་བོད་ཟླ་བཞི་པར། མཁས་མང་འདུས་པ་རྒྱ་མཚོའི་གཙུག་རྒྱན་ཨ་ལགས་དུང་དཀར་བློ་བཟང་འཕྲིན་ལས་མཆོག་ལ། རྒྱལ་ཡོངས་སྲིད་གྲོས་ཀྱི་འཐུས་མི། སྤྱི་ཚོགས་ཚན་རིག་ཁང་གི་གླིང་གཙོ་གཞོན་པ། ཏ་ལའི་ལོ་མའི་དཔེ་ཆ་ཞིབ་འཇུག་ཁང་གི་དབུ་འཛིན། དབྱིན་ཇིའི་ཉིའུ་ཅིན་སློབ་གྲྭ་ཆེན་མོའི་གདན་ཞུས་སློབ་དཔོན། བོད་ལྗོངས་སློབ་གྲྭ་ཆེན་མོའི་གདན་ཞུས་སློབ་དཔོན། རྒྱལ་ཁབ་སྤྱི་ཚོགས་ཚན་རིག་ཐེབས་རྩའི་རྣམ་གྲངས་ཀྱི་གདན་ཞུས་ཆེད་ལས་མཁས་པ་གྲགས་ཅན་འབྲོང་བུ་ཚེ་རིང་རྡོ་རྗེ་ལགས་ནས། ཉིན་བཅུ་བདུན་གྱི་རིང་ལ་ཆེས་དཀྱུས་མའི་ཞལ་བརྡའི་ཚུལ་གྱིས། སངས་རྒྱས་ཆོས་ལུགས་གཙོ་བོར་གྱུར་པའི་བོད་ཀྱི་སྲོལ་རྒྱུན་རིག་གནས་དང་གཏིང་ཟབ་པའི་བོད་ཀྱི་རིག་གཞུང་སྐོར་ནས་བཀའ་འདྲི་སྣ་ཚོགས་ཞུས་པའི་དྲི་བ་དྲིས་ལན་གྱི་སྒྲ་ཕབ་སྤུས་གཙང་ངེད་སྐྱིད་རྟག་གིས་དག་ཞུས་ལེགས་སྒྲིག་སོང་པ་འདིར་མཐར་ཆགས་སུ་བཞུགས་པ་ལགས།