Орусияда “чет элдик агенттердин” cоциалдык тармактардагы каналдарына жарнама жайгаштырууга тыюу салынды. Ошентип, Юрий Дудь, Илья Варламов сыяктуу "чет элдик агенттердин" кирешеси бутага алынды. Чет жактан каржыланган бейөкмөт уюмдарга багытталган бул мыйзам карапайым жарандарга чейин кантип жетти?

Фейсбук февралда 20 жашка толду. Ага айына жок эле дегенде бир жолудан үч миллиард киши баш багат. Бул планетадагы ар бир үчүнчү адам дегенди билдирет. Алгач студенттердин баарлашуусу үчүн ачылган сайт дүйнөдөгү окуяларга таасирин тийгизген порталга кантип айланды?

Жакында эле орус армиясынын катарында согушкан кыргыз жигиттин “Ооба, кыргызмын, бирок орусиялыкмын деп сезем" деген сөздөрү талкууга алынды. Жалаң орусча сүйлөп жүргөндөр ошондой болуп калбайбы келечекте? Балам орусча сүйлөйт деп мактангандар ойлонушу керекпи?