Hello VOA ៖ ពលករកម្ពុជាមិនគួរចំណាកស្រុកទៅប្រទេសថៃអំឡុងពេលថៃមិនទាន់ប្រកាស
Description
កាលពីថ្ងៃទី១ ខែវិច្ឆិកា រដ្ឋាភិបាលកម្ពុជាបានប្រកាសបើកប្រទេសឡើងវិញ បន្ទាប់ពីស្ថានភាពជំងឺកូវីដ១៩បានធូរស្រាលបន្តិច។ នៅមុនការប្រកាសបើកប្រទេសឡើងវិញ ពលករខ្មែរដែលធ្វើការនៅប្រទេសថៃរាប់ពាន់នាក់ បានធ្វើដំណើរមកប្រទេសកម្ពុជាវិញជាបន្តបន្ទាប់ ដោយសារប្រទេសថៃក៏រងវិបត្តិជំងឺកូវីដ១៩ផងដែរ។ ក្រោយរដ្ឋាភិបាលកម្ពុជាប្រកាសបើកប្រទេសឡើងវិញ រដ្ឋាភិបាលថៃក៏ប្រកាសបើកទទួលទេសចរដែលចាក់វ៉ាក់សាំងរួចដែរនោះ គេឃើញពលករខ្មែរជាច្រើនចាប់ផ្តើមធ្វើដំណើរទៅកាន់ប្រទេសថៃដើម្បីរកការងារធ្វើ។ លោក លឹង សុផុន មន្រ្តីសិទ្ធិការងារទទួលបន្ទុកពលករចំណាកស្រុកនៃអង្គការសង់ត្រាល់ប្រចាំប្រទេសថៃ ថ្លែងក្នុងកម្មវិធី Hello VOA ស្តីពីពលករចំណាកស្រុកលើកឡើងថា ពលករកម្ពុជាមិនគួរចំណាកស្រុកទៅប្រទេសថៃអំឡុងពេលថៃមិនទាន់ប្រកាសទទួលយកពលករឲ្យចូលធ្វើការវិញនោះទេ។ (អ្នកនាង កាន់ វិច្ឆិកា, ភ្នំពេញ, ២៥ វិច្ឆិកា ២០២១)