小紅帽遇到過唔少鬼，不過都係啲人畜無害嘅，周圍行過路過，你唔理佢哋，佢哋都懶得理你。最多就係打招呼，望吓我，或者同我講幾句，斷斷唔會諗住傷害人。佢哋生前都只係普通人，自然原因死亡，所以冇咩怨念，仲留喺呢個世界上，都係愛與和平，齊唱We are the...

有人喺窿度探頭出嚟，不過唔係朱向深，而係個細路仔，估計大約10歲左右。佢一見到我，就「呀」一聲，好似見鬼咁，係咁嗌︰「公安嚟啦，公安嚟啦」。佢係咁走，係咁繞住附近跑，跑圈咁跑，但始終冇離開。跑咗大約半分鐘，佢突然間成個人撞咗落棵樹度，之後就消失咗。我望望少英，佢一啲都唔驚奇，好鎮定繼續傾計。咦…莫非佢見唔到個細路？ＯＫ，我又要習慣大家嘅視覺頻道唔同。少英終於忍唔住，要入去搵佢男朋友，叫我無講論點樣，都要等埋佢出嚟，然後就「猝一聲」爬咗入去。其實以佢地兩個身高，起碼170...