فهاد الحلقة من البودكاست هضرت مع الدكتور اسماعيل سعدون لي متخصص فبطاريات الليثيوم. الدكتور سعدون عندو تجربة واعرة بزاف و خبرة واسعة فهاد المجال. عاود لنا فهاد البودكاست على كيفاش حتى قرا فالجامعة فالمغرب مع الصعوبات اللوجيتسكية و المادية لي كان كيعاني منها. قدر أنه يكون من بين أوائل الدفعة ديالهم و مشا كمل الدكوراه ديالو ففرنسا. من تما رجع للمغرب و قدر يأسس مختبر Laboratory of Materials and Environmental Chemistry فجامعة القاضي عياض. خدم مع عدد ديال الباحثين و قدر يجيب بزاف ديال التمويلات...

فهاد الحلقة من البودكاست هضرت مع عمر الشرقاوي. عمر عندو مسار غريب. بدا المسيرة الدراسية الجامعية ديالو فكلية الطب فالرباط. خلال هاد الفترة لي دوزها فالرباط أسس جمعية طلبة الطب فالمغرب. قدر يضم هاد الجمعية لشبكة IFMSA فالعالم. من تما، انضم للشبكة العالمية ديال IFMSA، أكبر و أول جمعية عالمية ديال طلبة الطب. هاد المسار ديالو غير الاعتيادي عطاه فرصة يتلاقى بزاف ديال الناس و ينظم تظاهرات كبيرة. من تم اكتشف الحب ديالو لهادشي و فهم انه ماغاديش يكون طبيب فعيادة كيداوي المرضى. خدم على مشاريع مع AMBOSS...

فهاد الحلقة من البودكاست هضرت مع منير بنشملد لي أسس شركة فمجال العملات الرقمية و المالية اللامركزية (Decentralized Finance). منير بدا الحياة المهنية ديالو مبرمج ديال المواقع و التطبيقات ملي كان باقي كيقرا فجامعة العلوم و التقنيات فطنجة. داز من بزاف ديال المراحل و مشا خدم ففرنسا مع شركات متعددة صغيرة و كبيرة. بدا الاهتمام ديالو بمجال العملات الرقمية فـ 2013 و ابتداء من 2019 ملي بانت المالية اللامركزية (DeFi) بدا كيخدم على الشركة ديالو ParaSwap. هاد الشركة ليوما قدرات تجمع أكثر من 2,7 مليون...

فهاد الحلقة هضرت مع ذ. محمد عبد الوهاب رفيقي. أستاذ رفيقي غني عن التعريف، القصة ديالو معروفة ديال الدخول للسجن من من بعد أحداث 2003. من بعد خروج الأستاذ رفيقي قدم للمغرب ما لم يقدمه بزاف ديال الناس لي ما قضاوش 9 سنوات فالسجن. فتح مركز الميزان للوساطة والدراسات والإعلام. أسس مركز وعي للوساطة و التفكير. اشتغل فالمسرح لمدة أربع سنوات مع فنانين مغاربة. شارك فالعمل السياسي مع حزب الاستقلال. هادشي إضافة للعمل ديالو فمنابر الإعلام و الحوارات لي كيديرها دايما و أعمال أخرى ما ذكرتهاش هنا. الأستاذ...

فهاد الحلقة هضرت مع عزيز طالب. عزيز كبر فالمغرب و بالضبط فأكادير. كان كيتفرج الأفلام بزاف ملي كان صغير. كان كيحلم يخدم فعالم السينما. لقا بزاف ديال الصعوبات، و لكن فالأخير قدر أنه يمشي لألمانيا باش يقرا السينما. خدم فألمانيا عدة سنوات. قدم مشروع فني كبير دار بيه العالم فكارافان. هاد الكرافان سمحات لهم أنهم يوصلو متحف متنقل كيعرضو فيه فيديوهات ديال مخرجين من العالم كامل. هادشي إضافة للأعمال السينمائية ديالو لي خدا عليها عدة جوائز فمهرجانات متعددة. عزيز من بعد رجع للمغرب و أسس Arab Media Lab لي...

فهاد الحلقة من البودكاست هضرت مع أسامة كطبي. أسامة يمكن تلاحظ أنه مقاول بالفطرة. بدا الخدمة على المشاريع ديالو ملي كان باقي طالب فالمدرسة الوطنية للتجارة و التسيير، و من تما بدات الرحلة ديالو مع المقاولات فالانترنيت. العالم ليوما ولا كيسمح لشي واحد كالس فدارو فالمغرب يسير مقاولات ديال البيع عبر الانترنيت فالعالم كامل. أغلب الناس الي كيبداو بالتجارة الالكترونية كيتوجهو لأسواق ديجا كاينة و معروفة فحال الميريكان، أستراليا ولا أوروبا. أسامة كان خلاق و مشى كيستكشف أسواق أخرى ماعندهاش بزاف ديال...

فهاد الحلقة ديال البودكاست هضرت مع غيتة منير. غيتة قرات فالمغرب و مشات للميركان مور الباك. بالضبط فجامعة كاليفورنيا سانتا باربارا UCSB. قرات تما الاقتصاد و لكن كانت دايما مهتمة بالمقاولات. غيتة انسانة خلاقة. هادشي لي خلاها تفتح جمعيات و مؤسسات ديال الطلبة حتى ملي كانت فالثانوي ولا الجامعة. واحد النهار غيتة لقات فرصة باش أنها تساهم فتأسيس شركة مع طلبة ميريكانيين كانو معاها فالجامعة. و من ديك النهار بدات الرحلة ديالها مع Allthenticate. غيتى عاودات لنا هادشي كامل فهاد البودكاست. بدات معانا من...

فهاد الحلقة هضرت مع كمال هشكار، المخرج المعروف بأفلامو الوثائقية "تنغير-القدس"، "تاسانو تايرينو" و "فعينك كانشوف بلادي". كمال ربما من أفضل مخرجي الأفلام الوثائقية فالمغرب، و كان من أول الفنانين المغاربة لي حفرو فالتاريخ المغربي اليهودي. كمال كان أستاذ تاريخ فباريس، حتى بدا الاهتمام ديالو بالثقافة اليهودية المغربية من بعد رحلة داتو للقدس. كمال عاود لنا فهاد البودكاست على المسار ديالو و كيفاش حتى لقا راسو كيصور أول فيلم وثائقي ديالو. هضرنا على الجدل لي خلقو الفيلم فديك الوقت و على الرؤية ديالو...

فهاد الحلقة هضرت مع فاروق المراكشي لي معروف بأنه أول مغربي كتب كتوبا ديال الابتدائي، الإعدادي و الثانوي بالدارجة. فاروق بدا خدام مهندس ففرنسا، حتى اكتشف أنه المفاهيم العلمية لي كاتكون عادية عند الأطفال ديال العالم، ما كاتكونش واضحة عند الطفل المغربي باللغة الأم ديالو. قرر أنه يبدا يترجم الكتب العلمية ديال الماط و الفيزيك بالدارجة. و ملي كانقول بالدارجة، كانقصد حتى الكلمات العلمية كيترجمها. فاروق ترجم عدد ديال الكتوبا ديال الأطفال للدارجة بما فيهم قصص و كتوبا دراسية. فهاد الحلقة هضرت معاه على...

فهاد الحلقة هضرت مع فوزي بكاوي مدير المعهد العالي للبحث الزراعي INRA فالمغرب. فوزي عندو تاريخ طويل فالبحث العلمي. بدا القراية ديالو فالمغرب و كملها ففرنسا ثم مشى لكندا. و تما خدم فبزاف ديال المراكز. خدم فالبحث العلمي و الصناعة. ثم انتقل لإدارة البحث العلمي مع الحكومة الكندية. أخر منصب كان عندو فكندا هو مدير ديال برنامج الدولة الكندية لتحسين مردودية القمح. من بعد هاد المسار كامل، قرر أنه يرجع للمغرب من بعد ما تعرض عليه منصب فجامعة محمد السادس. اليوم كيشغل كمدير لمركز البحث الزراعي منذ سنتين....

هاد الحلقة هضرت مع الأستاذ الدكتور رشيد هكو. رشيد قرا فجامعة أكادير ثم كمل الدراسة ديالو و الدكتوراه ديالو فالمدرسة الوطنية الفرنسية للجولوجيا. من تما رجع المغرب و خدم مع جامعة القاضي عياض فمراكش. سي هكو خدم على مواضيع عندها علاقة بالتخلص من النفايات ديال المناجم و بالأخص مناجم النحاس و الفوسفاط فالمغرب. كيتعتبر اليوم من أكثر الناس معرفة و تخصصا فالعالم بمجال النفايات المنجمية. خدم على مناجم متعددة و الأبحاث ديالو داتو يعطي محاضرات فالعالم كامل، ففرنسا، فكيبيك، فووهان. توج العمل ديالو مؤخرا...

هشام تيفلاتي من أكثر الناس الي تلاقيتهم معرفة بالمجال ديال التطرف الديني. زيادة على الرغبة ديالو فالبحث الي كاتبان فالهضرة ديالو، هشام عندو مسار ماشي اعتديادي. بدات الرحلة ديالو بالتعليم الابتدائي فالمغرب و ثم كون راسو و مشا كمل القراية ديالو فالميريكان ثم كمل الدكتوراه فجامعة كبيك فكندا. من تما خدم على أبحاث متعددة متعلقة بالتطرف الديني فالمريكان و كندا و حتى ألمانيا. كتب 2 كتوبا و عشرات الورقات العلمية على هاد مواضيع التطرف و ادماج المهاجرين متعددي الهويات. ليوما كيخدم أستاذ و باحث جامعي...

فهاد البودكاست هضرت مع عايدة قنديل الي عندها ليوما منصة ماي تيندي. شي وحدين منكم غادي يكونو عرفوها حيتاش شاركت فبرنامج شكون "يستثمر في مشروعي" و قدرات تقنع 4 ديال المستثمرين فالبرنامج أنهم يعطيوها الفلوس. عايدة كبرات ما بين المغرب و فرنسا و مشات تقرا فكندا فـ McGill، وحدة من أفضل الجامعات فالعالم. طورات عدة مشاريع ناجحة فالبيع فأنتيرنيت. استافدات من القراية ديالها و الخبرة باش ترجع المغرب و تفتح منصة ديال الصناع التقليديين. هاد المنصة ليوما فيها ألاف الصناع الي كيبيعو السلعة ديالهم. المنصة...

فهاد الحلقة هضرت مع الدكتور كريم بوزوباع. الدكتور كريم قرا فالمغرب و كمل دكتوراه ديالو فكندا. هادشي فنهاية التسعينات. من ديك الوقت و هو كيخدم على مواضيع الذكاء الاصطناعي و علاقتها باللغة. الدكتور بوزباع رجع موراها للمغرب و ليوما خدام أستاذ جامعي فمدرسة المحمدية للمهندسين. كيخدم على مواضيع الذكاء الاصطناعي باستخدام التعلم العميق، و كيطبق هاد تكنولوجيات على اللغات العربية و الدراجة. هو كذلك مؤسس المجتمع المغربي لهندسة اللغة العربية. ألف زوج كتوبا و شارك فالعشرات ديال الأوراق العلمية. هضرنا فهاد...

فهاد الحلقة من البودكاست هضرت مع نيطع القايم و أميت هاي كوهن. بجوج بهم يهود مغاربة عايشين فالقدس. نيطع و أميت ربما كيعرفوهم أغلبية المغاربة بأنهم عاودو إحياء أعاني مغربية قديمة فحال أغنية زهرة الفاسية "هاك أ ماما". فهاد الحلقة من البودكاست هضرنا على بزاف ديال الحاجات من بينهم العلاقة الثقافية و التاريخية ديال اليهود الي فإسرائيل مع المغرب، و على الدور ديال الفنانين الجدادين فإحياء هاد العودة للأصل. الخدمة الي كيديرو نطع و أميت خدمة واعرة بزاف، و مؤخرا خرجوا 3 أغاني كيعاودو فيهم توزيع "هاك أ...

فهاد الحلقة هضرت مع عائشة الي عندها مسار دراسي أكاديمي طويل. قرات فالمغرب و باريس و ثم بروكسيل. عندها بحوث فمجالات الإعلام و السوسيولوجيا.  هي ليوما باحثة فجامعة بروكسيل منذ 6 سنوات،  و كاتخدم على مواضيع التطرف و الإرهاب فمجتمعات الهجرة فبلجيكا, بالإضافة للعمل الجمعوي ديالها و ترأسها لافتتاح متحف ديال تاريخ المهاجرين المغاربة فبروكسيل. فهاد الحوار هضرنا على المسار ديالها و ثم ناقشنا بزاف ديال المواضيع عندهم علاقة بالهجرة و التطرف و حتى السياسة. عائشة عندها نظرة مختلفة للأمور و كاتشوف الأحداث...

علاء عندو فكرة كبيرة واخا هو باقي صغير فالسن. الحلم ديالو يربط طنجة بالمغرب فأقل من 5 دقايق بفضل تقنية الهايبرلوب. هضرنا فهاد البودكاست على القراية د علاء فالميريكان، و الخدمة ديالو على الشركة ديالو الي باغا تتطور تقنية الهايبرلوب فإفريقيا. الخدمة ديال علاء مهمة بزاف و غاتسمح لنا ربما فالمستقبل القريب نشوفو هاد التقنية فالمغرب و أوروبا. الهضرة على هاد الموضوع باقا طويلة و ربما خصنا نخصصوا بودكاست لعلاء من هنا واحد عام ولا عامين باش نشوفوه فين وصل.Alae Moudni - CEO & Co-founder, STMLoop...

فهاد الحلقة من البودكاست هضرت مع رضوان الي كيدير البحث العلمي فمجال الذكاء الاصطناعي المطبق على التغير المناخي. فهاد البودكاست ناقشت مع رضوان موضوع التغير المناخي و الاحتباس الحراري و كيفاش الذكاء الاصطناعي ممكن يحل هاد المشاكل. رضوان كيشارك كذلك فبزاف ديال التظاهرات الي كاتحاول تنشر التكنولوجيا و المعلوميات فالمغرب و إفريقيا. هضرنا على الدور الي ممكن تلعبو التكنولوجيا فهاد لبلايص و على تعلم المعلوميات بالدارجة. رضوان عندو طموحات كبيرة فمجال البحث العلمي و عندو رؤية إيجابية للحياة ممكن...

فهاد الحلقة من البودكاست استقبلت أشرف الي كيدير خدمة واعرة بزاف فمجال التسويق و التواصل الرقمي. الوكالة ديال أشرف شاركت فالعديد من المشاريع المعروفة من بينها مثلا ملق ترشيح المغرب 2026 و خدمات مع شركات كبيرة على مشاريعهم ديال التسويق. أشرف ما اكتفاش بهادشي، فتح مؤخرا أكبر موقع ديال بيع السيارات المستعملة فالمغرب. الشركات ديال أشرف ليوما كاتخدم كثر من 30 مغربي علما أنه انطلق من زيرو ف 2012. عطاني بزاف ديال المعلومات على البزنس فالمغرب و استفدت بزاف من المعرفة ديالو فمجال المقاولات.Achraf...

فهاد الحلقة هضرت مع عدنان عديوي. عدنان اسم تقريبا كلشي كيعرفو فمجال المقاولات الاجتماعية و عطانا عدد من المشاريع الهادفة الي عاونات بزاف ديال المغاربة و المغربيات. عدنان هو مؤسس المركز المغربي للتحديث و المقاولات الاجتماعية. هو فاعل فالمجال الجمعوي منذ سنوات رغم أنه باقي شاب. كيشغل حاليا كذلك منصب كعضو فاللجنة الملكية المكلفة بالنموذج التنموي و ربما هو من أصغر أعضاء اللجنة. هضرنا فهاد الحوار على كيفاش نقدرو نخلقو دينامية جديدة بفضل الأساليب و التكنولوجيا الجديدة. هضرنا على المسار ديالو و...

فهاد الحلقة هضرت مع هند لبداوي الي قرات فالمدرسة الوطنية ديال التجارة و التسيير فأكادير و من بعد كملاتها ب ماستر فالاقتصاد و المالية فجامعة شانغهاي للاقتصاد، الي كاتعتبر من أفضل جامعات الاقتصاد فالصين. و خلافا لما هو معروف، هند قدرات تلقى منصب ديال أستاذة باحثة فجامعة شانغهاي مباشرة من بعد الدكتوراه ديالها. ليوما هند رجعات للمغرب و كاتخدم أستاذة باحثة فجامعة الأخوين فإفران. هند عندها مجموعة من الجوائز و مختصة فالمواضيع المتعلقة بالاقتصاد الإسلامي. فهاد الحوار هضرنا على المسار ديالها و كيفاش...

الأستاذ ابو بكر الجامعي كيعرفوه بزاف ديال الناس من خلال القصة ديالو مع "الجريدة الأسبوعية" و كيفاش حتى اضطر أنه يخرج من المغرب فـ 2010 من بعد ما تم حجز الممتلكات ديالو. الأستاذ أبوبكر عندو MBA من أوكسفورد و MPA من هارفارد، كما أنه فالأصل مقاول و غيور على الوطن ديالو. هاد القصة الي عاود لنا فهاد البودكاست بدات من قبل الانغماس ديالو فالسياسة. رجعنا معاه ملي كان باقي صغير و كيحلم يرجع مقاول غني. بما أن الأستاذ ابوبكر عندو ثقافة موسوعية و كيخدم حاليا على بحوث فالاقتصاد و المشاكل جيوسياسية ديال...

فهاد الحلقة من البودكاست هضرت مع حمزة بوربوح الي هو واحد من المغاربة القلالين فالتاريخ الي خدمو مع وكالة ناسا. بوربوح عاود لنا كيفاش حتى سمحت له الفرصة يخدم معاهم و شناهوما الظروف ديال الخدمة فناسا. هضرنا بزاف على موضوع البحث ديالو و تعمقنا فالتفاصيل التقنية و لكن من بعد خرجنا و هضرنا على الصناعة الفضائية بشكل عام و مستقبل الرحلات الي كتسوقها SpaceX و BlueOrigin. و من بعد هضرنا على التوجيه و المشروع الي خلقو ديال التعليم عن بعد الي سميتو أكادمية الفهرية. حلقة اسمتعت بها بزاف و استفدت بزاف...

فهاد الحلقة من البودكاست هضرت مع زكريا غسولي الرئيس التنفيذي ديال موقع أفيتو. هضرنا على المسار ديالو من جامعة القاضي عياض لكيفاش حتى فتح أول شركة ديالو و هو باقي طالب ثم التحاقه بموقع أفيتو حتى ولا رئيس تنفيذي فيه. زكريا عطاني كذلك بزاف ديال المعلومات و الوسائل الي استعملها و باقي كيستعملها موقع أفيتو باش يطور البزنس ديالو. هضرنا على النموذج الاقتصادي ديال الموقع و أسرار النجاح ديالو. المهم بودكاست واعر فيه بزاف ديال المعلومات ننصحكم تسمعو له. Zakaria Ghassouli - CEO, Avito.ma