Gestir þáttarins eru þær stöllur og vinkonur Margrét Leifsdóttir arkítekt og heilsumarkþjálfi og Guðrún Tinna Thorlacius þroskaþjálfi, markþjálfi, homopati og fleira. Þær fara um víðan völl í þessu áhugaverða spjalli og ræða meðal annars um ávinning sjóbaða, kuldaþjálfun, föstur, blóðsykur, homopatíu, sjáfsmildi, tarot og mikilvæg góðrar heilsu.  Sjóðbaðsleikjanámskeiðin þeirra Glaðari þú eru gífurlega vinsæl og næsta námskeið hefst 5.desember 2023. Hugmyndafræði þeirra snýst um að stunda sjóböð í mildi, með leikgleði að leiðarljósi. Guðrún Tinna hefur brennandi áhuga á heilsueflingu, að efla fólk til betra lífs og að finna leiðir til að að sækja fram og upplifa meira á heilnæman og náttúrulegan hátt. Á heimasíðunni Náttúrulega.is má finna vörur, námskeið, eflandi heilsu- og dekurferðir, samtöl og ráðgjöf fyrir einstaklinga eða hópa, hópefli og vinnustaða sjóbaðsfjör. Margrét brennur fyrir heilsu og markmið hennar er að aðstoða aðra við að breyta hugarfari sínu svolítið, vera svolítið betri við sjálfan sig, borða svolítið hollari og bjartari mat og lifa til langtíma mun betra lífi. Á Facebook síðu Margrétar má lesa nánar um hennar frábæru námskeið og vinnustofur.  Fylgið HeilsuErlu á Instagram