mir sind wieder baaack!! und mir derfed zum erste mal gäst ih eusem podcast willkomme heisse!! zemme mitem aldo und mauro vom podcast sonderfall redemer über redflags vo fraue und männer. viel spass bim zuelose 3

wenn mer nume eusi träum beihflusse chönd, das wär scho geil oder? wie schafft mer das und wieso chönd das gföhrlich si? das und viel meh ghöret ihr ide hütige folg!

mir sind zrugg nachenere churze pause und müend als erstes die aktuelle themene ahspreche: are you team barbie oder team oppenheimer?

hüt judgemer problem und stories vo andere lüt uf reddit. es sind es paar luschtigi gschichte debi, wo mir euse eigene senf dazuegebet.

die wuche isch einiges los gsi uf tiktok, das hemmer müesse ide hütige folg recape, z.B. de streik vode schauspieler:inne bide barbie filmpremiere. unnötig oder berechtigt?

festival wuchenend und züri fest sind ume, was eh ihdrücklichi wuche es gsi isch. au wenn mer nöd so die festganger sind, hemmers dasmal gwagt!

die hütigi folg dreht sich rund um film und serie. konkreter redet mir über film wo mer nöd hend chöne fertig luegge, aber wieso?

ferie und festivals sind ahgseit. ide hütige folg diskutieremer genau die beidi themene. was bisch du für ein reisetyp? und mir besprechet eu es trauma erlebnis vom schwümmunterricht früehner. 

kennsch du dini roots und dini gschicht woher du chunsch? ide hütige folg diskutieremer verschiedeni themene unter anderem eusi herkunft.

eigentlich hemmer nöd so philosophisch si welle ide hütige folg. aber irgendwie simmer vo diskussione über ustuschsemester zu schicksal und afterlife cho lmao.

"nonie hani über das thema gredet nödemal mini besti fründe kenned die stories" - ide hütige folg redemer über mentali gsundheit und eusi persönliche erfahrige damit. wenn au du schwierigkeite häsch, denn meld dich gern bi eine vode folgende stelle: pro juventute oder die dargebotene hand.

was het zendaya mit redflag z'tue und welli ritual häsch du vor prüefige? apropos ritual, wie gsehts mit aberglaube us? gits sache wo du us aberglaube machsch?

ih de hütige folg hemmer eus gegesitig frage gstellt und neui (unrealistischi) siete vo eus kenneglernt. und wills so schön isch, isch da no es zitat us de hütige folg: "gib nie uf, glaub ah dini träum"!

wie gasch du um, wenn du uf eimal anere party musik laufe lah muesch? spielsch eifach dini lieblingssongs oder spielsch so bangers wie rihanna oder eminem?

snapchats "my ai" hett die wuche ziemli für ufruhr gsorgt. au mir hend eusi bedenke über eh zuekunft mit AI und diskutieret ide hütige folg risike und grenze vode künstliche intelligenz.

us netflix and chill wür euse ideale freie tag bestah, aber netflix and chill als date? hmm lieber nöd.. hüt diskutieremer besti date idee und erfahret wie en ideale tag für eus usgseh wür.

es git eh party und ihr chönd nöd gah.. wie gönd ihr ih dem moment mit fomo um? neb dem topic redemer über eusi guilty pleasures als chinder. welli serie hemmer glueggt, wenn eusi eltere mal nöd diheime gsi sind?

au bi eus gits en coachella check. wie findet ihr coachella? und wie stahts mit festivals ide schwiez? zum schluss redemer no über paranoias. wieso stellemer eus immer the worst case scenario vor?

en guru seit zuekunft vorus? chamer anhand vom sternzeiche überhaupt zuekunft vorhersege? neb dem thema redemer hüt au über kompliment und begrüessigsforme xoxo

hütigi folg isch all over the place. über verhaltensregle im zug bis hi zu flugangst. wie verhaltet mer sich richtig im öv? und wie sött mer umgah wenns flugzüg is meer abstürze wür? mir gebet eu lebenswichtigi verhaltenstipps zu dene topics. zum alles abrunde redemer no chli über formel 1. viel spass mit de neui folg und schöni ostere 3

what? es git kei credit suisse meh? und wie sehr hend sich d'abgordneti vom kongresshus ide usa exposed bide debatte um tiktok? schochli kritisch. am endi gits mal wieder en chline rant über d'uni, um d'wuche abz'runde ;)

dasmal hemmer eus es thema überleit und zwar "fründschaft". mir stelled eus gegesitig frage rundum fründschaft, wie zum bispiel "spielt bi fründschafte s'alter eh rolle?" oder "jemals eh fründschaft aktiv beendet?".

mir redet hüt über de YOLO lifestyle. wie sött mer im jetzt lebe, aber glichzitig ad zuekunft denke? aber zerscht gits en chline beauty talk, wo mir über skin care und hair care redet.

hüt redemer gfühlt über alles. vo JJ us outerbanks bis zu sushi und eusi persönlichi reiseziel.