An aye wir nae seener sittin oot o the sun wi oor ice-cream cuppies , than wir rinnin oot o the thunner-plumps.  It keeps us swak – bit fit a summer wiv hid.  Wiv hid athin fae scorchin sun tae monsoon tae frost in the morning – aa in ae month. Hope yiv enjoyed a wee break somewye. Bit we’re back in the room again, wi twa guests.  Alistair Heather jines us again – tae tell us aboot plans for a Scots Language Board and musician, composer an Trad Awards Maestro, Simon Thoumire is wi us tae spik...

We are back in the room with Scots Radio Episode 61 and it’s fu o surprises.  We hear fae Morna Young spikkin aboot her play ‘Lost at Sea’ – Alistair Heather entreats us tae a big helpin o Doric Mash – Primary teacher, Olivia Stephen,  tells us fit she an her class got oot o maakin the video for the Doric Film Festival  – a spik aboot meetin oor Waterloo, wi find oorsels richt in the middle o the Battle, on a recent trip tae Brussels!   Weel we didna ging tae Brussels for talks – abidy dis...

We are delighted an priviledged to dedicate oor 60th Scots Radio programme to Professor Gary West’s new book an play ‘Jocks Jocks’. The content is based on stories collected bi traditional singer an collector, Jock Duncan, fae 1st World War Veterans. Gary jines us in the studio tae taak us on this very special journey. Dinna hing aboot – jist come wi us.

Wi hae passed the Spring Equinox – so it must be Spring. An in this April edition o the programme wi jine the gaitherin at the James Hutton Institute in Aiberdeen tae enjoy the ‘Young Biodiversity Awards’. We’re wi the Irish an Scots Poets as part o Neu Reekie at the Poetry Library in Edinburgh, an we experience the spectacular production o ‘Nordics In Exile’ at St Nicholas Kirk in Aiberdeen. Aa this an enjoying the company o oor Studio Guest, folklorist and musician, Steve Byrne –...

Dinna ging castin ony cloots afore May is oot. An afore onybody says – it’s the Mayfloor wir spikkin aboot – itherwise kent as the Hawthorn.  In Episode 58 o Scots Radio, wi hear fae Rosemary Ward fae the Scottish Book Trust aboot plans for this year – includin a spleet new award for publishers o Scots.  Wiv got Kay Gibb fae the Scottish Curlin Trust on the ice spikkin aboot their new exhibition an wiv got a video wi Kay on oor webpage. We jine Richard Ross in his Tea plantation in the...

Welcome to Scots Radio. In this year o ‘Indigenous Languages’ as decreed by UNESCO, we enjoy the rich tapestry o voices an tunes at the 25th Celtic Connections Festival in Glasgow . In this episode we get reaction tae the feedback on the Governments proposed Culture Strategy. Musician Adam Sutherland taks us intae the stores and music that ‘Boots Could Tell’ in Braemar as part o the Braemar Mountain Festival. An we jine the bairns an teachers at the Belmont Cinema in Aiberdeen, tae enjoy...

‘A guid New Year tae ane an a – an mony may ye see.’ The wirds o the auld sang still ring in the lugs o the fowk that mine watchin Andy Stewart on TV at this time o the year. Bit fitiver yir preference this month – dinna hing aboot, jist get stuck in. We hiv a special studio guest – the ootgan Director o the Scots Language Centre, Michael Hance, jines us tae ging oer some of his seventeen years at the helm. We’re enjoyin the magical company in Edinbugh at the ‘Dreamin Breid an Skyrie...

Wiv reached oor 5th Birthday – an wiv a special Christmas edition – wi guests.  Fit an eese. Oor new lads, Alistair Heather an Josh Bircham jine us in the studio tae spik aboot the life an legacy o Aiberdeen writer an poet, Nan Shepherd fa wrote extensively aboot the Cairngorm Mountains. An wi enjoy her words and work wi Professor Ali Lumsden an Dr Helen Lynch fae Aiberdeen University. Josh has made a bonnie film o the mountains wi spoken extracts fae Nan’s book ‘The Living Mountain’. Hae a...

The Armistice Centenary – Lest We Forget. In the immediate years efter WW1, historian an traditional singer, Jock Duncan, recorded conversations wi local men fa hdd returned tae their homeland fae the battle trenches. In this conversation, Jock spiks wi Bert Gow fae New Deer. This is posted with kind permission from Jock Duncan, and It is an honour tae be able to present this recording on Scots Radio – the content contains some disturbing descriptions.

An ess is us again – it disna seem that lang ago faan we wir here daein the last episode. Bit that’s jist fit happens – yir nae seener gaan aye wye – that ye meet yirsel coming back fae the time afore. In Episode 54 o Scots Radio wir rummelin aboot in books – them that’s recently published, jist aboot ready and oot a lang time ago. Rosemary Ward fae the Scottish Book Trust tells us fit’s happenin in Book Wik Scotland – Andrew Barr is delving through the Declaration o Arbroath, Sheena...

Scots Radio Episode 53 jist disna hing aboot. Wir at the Dundee Rep for the first performance o ‘The Yellow on the Broom’ – fae the novel by Betsy Whyte. We hear fit the new Scots Scriever, Dr Michael Dempster his planned for the future. Storyteller Jackie Ross tells us aboot her new project for bairns and we’re up at Banff Academy hearing aboot the new ‘Bairns Charter’. An wiv got bonnie music as weel a throw the programme – bonnie fowk tae present it is harder tae get. Bit we try. ...

It’s jist fan ye think it’s nae afore time – ye find ye canna pit aff time. That jist sums up this last few wiks – wiv been flat oot. An it gies us great pleasure tae tak ye aff tae the Tartan Heart Festival at Belladrum tae spik tae the past Scots Screiver, an the Edinburgh Festival and Fringe wi ‘Aye, Elvis’ an Joyce Falcoer, an a preview o the Findhorn Bay Festival wi Kresanna Aigner. Bit enjoy yirsel fan ye can – ye hiv tae knuckle doon an read the Draft Cultural Strategy Document fae...

SCOTS RADIO is oot an gaan aboot again. In episode 51 wir nae gaan far fae the sea – trying tae get a cool summer breeze comin aff the waves, tae survive this het wither. In this programme we celebrate awards an special ivints bit maist o a we celebrate community in a it’s shapes and sizes. The community up at Aberdour Bay in Morayshire are honourin the memory o local heroine Jane Whyte – the Fishing Heritage Centre in Buckie are celebratin gettin a new Residency Award – an retired...

Aye, wiv reached Episode 50 o Scots Radio – an wir still spikkin an celebratin wi abidy. Wir in Fife celebrating the memory o Cardenden Poet Joe Corrie, and the Launch o Wullie Hershaw’s new book ‘The Sair Road’. Wiv news o a big fiddle Festival an mair wi NAFCO – in Aiberdeen an Aiberdeenshire – an I’m in the fiddle maakers workshop. We feenish in among the Procession in Edinburgh tae celebrate weemin getting the vote a 100 years ago. It’s a bumper edition. Jine us an enjoy.

We jist dinna hing aboot. We weave oor wye doon tae Llanelli in sooth Wales, for the Celtic Media Festival – an get the opportunity tae spik tae the BBC Director o Nations an Regions, Ken MacQuarrie, aboot the new Scottish Channel. An hear foo Ulster Scots is maakin waves in Northern Ireland. Jean Cameron tells us aboot the historic mass procession in Edinburgh, tae celebrate the centenary o wimin getting the vote.It’s a full programme wi great music as weel – we jine the Tannahill Weavers...