Episodes
『六四祈禱會』 (33週年)
2022年6月3日 (五)
香港時間晚上八時正舉行
=====
六台聯合直播:
#堅離地城:沈旭暉國際生活台 Simon's Glos World
#辛福台
#祝福香港復興教會
#榮光敬拜事工
#淡水香港教會
#535全球Live +
https://youtu.be/1UsuCXoVEqY
Published 06/04/22
事隔廿五年,事頭婆繼續做事頭婆
但一班港仔決定吃回頭草
走到倫敦大橋前齊唱
London Bridge Is Falling Down
舊伙記唱童謠,到底乜心情?
。
有人話你二等公民
有人話好過做強國蟻民
但與其意氣之爭
不如有碗話碗,有碟話碟,
等十五十六要不要來的朋友
不必七上八下
。
霧都情仇中的英倫琵琶
既熟悉又陌生
大英帝國雖然不復當年勇
但其餘暉是否仍然無限好,溫暖人心?
。
一向招積的香港仔
來到這裡還能「也文也武」嗎?
大笨鐘真的又大又笨,
還是大智若笨、暮鼓晨鐘?
天佑女皇,
上主又打算怎樣佑庇一群香港仔?
Published 03/18/22
在「病態清零」下,
香港確診人數千千;
防疫升級成為勞疫,
受騷擾的何止萬萬?
.
在抗疫的大旗下,
政府為所卻為,無所不用其極。
順良守法的教會,
最終連實體聚會也無法進行。
.
除了順服掌權者,
教會還有甚麼使命可以在這半封城狀態下,
使被擄的得釋放,
瞎眼的得看見,
叫那受壓制的得自由,
在苦年瞥見禧年?
.
但係這世界很騎呢,
凡是好事都會有爭議,
這段時間教會界又有乜爭拗呢?
Published 02/16/22
花姐非May姐,
Mirror無大台,
本來無人哮,
何解咁乸紅?
講鏡粉文化,點解唔搵師奶搵牧師?
但,你又點知牧師唔師奶?
密密實實的馬保羅牧師,原來好鍾意Mirror!
成日講「OT in NT」的迦sir,近排寫了「花姐 in 教會」系列,玩嘢噃!
第一次出場的潘正行牧師,寫咗篇女團的MV分析,你唔係無睇過嘛!(小編我就無睇過啦,我淨係睇《單身即地獄》。)
總之,幾個男牧師,師師奶奶咁講香港的男團、女團文化;當然姣婆守唔到寡,點都會論論盡盡香港教會文化。
另外年初三赤口,一群毒舌的閒雜人等主持人穿插其間,
九唔搭八同大家拜下年、嗒下嘴,熱熱鬧鬧、賤賤格格,
適合各位真的被隔離、精神被隔離、宏觀被隔離,滿心毒舌的朋友觀看及留言發洩。
不要嬲,只要鬧!我真係恭喜你發財呀!
Published 02/03/22
講員:到時你嘛知囉!
主持:唔係仲要講啩!
以前都叫記者做無冕皇帝,
咁即係想謀朝篡位啦!
閹得就閹,拉得就拉,殺得就殺,
新聞自由,你還剩下甚麼?
你還可以做乞丐王子、落難貴族嗎?
被閹的新聞還是新聞嗎?
(閹者,淨身也;從此新聞都好乾淨呀!)
面對咁乾淨的新聞,
市民的大腦能否一塵不染到好像根本不存在?
透過潔淨空闊的新聞世界,
市民將如何理解這個紅塵世界?
是否都會作出「不偏不倚」的判斷呢?
公民社會還能走下去嗎?
還是我們將迎向一個公公社會?
Published 01/05/22
七一公禱會
為香港哀悼迫切禱告
日期:2021年7月1日(四)
時間:0800
Published 07/01/21
辛福台
《蘋果之後,真相之前⋯⋯》
2021年6月29日(二)Facebook Live 9:30pm
特約記者兼主持兼嘉賓:
立場昇哥、蘋果珏明、狗仔隊春麗
~~~~~~
奸夫蘋果死了,
姣婆又再守寡。
但奸夫死唔眼閉,
姣婆不甘就咁守寡。
在每個艱難的時刻,
辛福台都會復活與你圍爐取暖。
.
銷量一百萬的蘋果,
就咁就瓜柴了,
一場事先張揚、明目張膽、當街當巷的謀殺案。
但報道者瓜柴,
誰來直擊報道?
沒有人報道,
但個個都睇到,
全民進化為記者,
已不需要報道,
你咪再低能到又想用假新聞來呃我,
全地球都睇到,
地球就是粒大蘋果。
.
一粒蘋果不落在地裏死了,仍舊是一粒,
若是死了,就結出許多蘋果來。
妖,咪住!
乜四圍都係水泥地,點結呀!
嗯⋯⋯
一粒蘋果死了,
已無須再靠傳統種植的方法來重生,
因為蘋果已變成一種追求真相、正義的精神。
蘋果之後,
真相之前,
往後我們如挖掘真相,
傳播真相,
成為一粒粒能明辨是非真假、
會走會講的蘋果人?
Published 06/29/21
香港教牧網絡
反送中運動兩週年守望香港祈禱會
主題:堅守真理 活得自由
日期:2021年6月9日(三)
時間:2030-2130
網上直播
………
主持:馬保羅牧師
經文:哥林多前書11章23-26節
題目:記憶中尋真理,盼望裏享自由
講員:袁天佑牧師
經文:以賽亞書6章1-8節
題目:在嘴唇不潔社會下的生活
講員:龔立人博士
| 拒絕謊言 | 守護真理 | 傳揚福音 | 亂世中與人同行 |
#香港教牧網絡 #hkpastorsnetwork
Instagram: @hkpastorsnetwork
Published 06/10/21
辛福台_躺平復活
《躺平可恥,但幾神學》
2021年6月8日(二) 9:30pm
Facebook...
Published 06/09/21
日期:2021年5月3日
時間:2000-2100
網上直播
講員:黃天逸牧師
經文:詩篇120章
講題:失語者的歎息
講員:陳恩明牧師
經文:以賽亞書50章4-10節
講題:失語者的呼求
Published 05/06/21
香港教牧網絡
守望香港祈禱會
日期:2021年4月12日
時間:2000-2130(Fb Live)
主持:馬保羅牧師
經文:馬太福音14章22-33節
題目:企穩
講員:江彩鳳傳道
經文:詩篇1章1-6節
題目:企定
講員:黃國維博士
Published 05/06/21
辛福台 最後一集
《完結,唔係完蛋,仲有彩蛋!》
2021年3月30日(二)Facebook Live...
Published 03/30/21
在海外開香港人教會,
到底係有需要定攞黎搞?
當地無華人教會咩?
融入當地教會唔得咩?
在教會範圍搞「小香港」「唐人街」
會否變得民粹主義,與當地教會產生張力?
又用《香港福音宣言2020》,
又叫「榮光」教會,
是否把政治扯進教會,
使福音不純、靈魂不安?
你班友,到底想搞教會定搞乜嘢?
其實乜嘢叫香港人教會,
講廣東話、食蛋撻就叫延續香港精神?
香港教會又有乜精神?
到底想延續香港教會啲乜嘢?
Published 03/23/21
嘉賓主持:
江彩鳳姑娘、梁國全傳道、
陳盈恩小姐、陳皓揚傳道
代溝問題,講咗幾十年,
溝完一代又一代,
點解仲好似水溝油咁,
溝來溝去,消耗了能量,
但繼續各有各講?
近年換個詞彙講共融,
但真係可以黃加藍變咗綠,
還是繼續儀式性自我感覺良好?
「嗱,你睇我地傾得幾投契,
幾互重尊重,幾融洽!」
「做咗嘢」就真係「做到嘢」?
到底融咗啲乜嘢?邊個想溶咗邊個?
你們表演完,世界繼續亂。
老老實實,溝唔埋、融唔到,
世界繼續轉,社會繼續亂。
同埋,真係世代差距咁簡單?
我見你果代都笠笠亂、嘈嘈閉,
到底幾時先至討論價值觀的差距?
今日教會,仲講青少年問題out唔out啲?
不如倒過來講下老化、僵化的問題,
總係覺得問題在別人、年輕人身上,
到底香港社會教會今日搞成咁,
真係因我地少不更事做成?
咁你地老成持重、見多識講白混的?
唔好話挑機,唔挑邊度有節目做?
唔挑唔通又等你地覺得自己紆尊降貴來同我地溝下通?
Published 03/17/21
嘉賓主持:
趙偉初牧師(曼徹斯特宣道會)、杜念甘牧師(基督教諾誠啟道堂)、曹子光牧師(生命之弦列斯華人福音堂)、楊建強牧師
半年前辛福台做過一集《等著你移民(英倫篇)》,
請來英國華人教會教牧
分享他們為即將出現的移民潮所作的籌措。
隨著BNO 5+1簽證的起動,
潮漲了!
經過半年,
這些香港移民的事工有何進展?
有哪些當初沒有想到的問題出現了?
半年前提及過的住屋、教育、工作等問題,
仍然是問題嗎?還是成了移民者一到埗就得面對的危機?
傳統英國華人教會真的承載得了這一浪移民潮嗎?
移民的除了未信者、已信者,還有教牧,
他們能否成為港人事工的生力軍,
英國華人教會是否有足夠資源吸納他們?
他們將如何改變英國華人教會的生態?
Published 03/09/21
何解一場君子協定、沒有法律效力的民間初選
會視為能顛覆國家?
香港二二八,47位參與民主派初選的人士,
以「串謀顛覆國家政權罪」被起訴,
最高刑罰是終身監禁。
然而這個「何解」,還須解釋嗎?
只是往後,香港的民主與自由,
還剩下多少空間?
窗櫥式民主?
隙縫的自由?
你還是有言論自由,
不過後果自付。
你還是有行動自由,
只須處處安心出行。
教會還是有傳教自由,
只須只談幸福不談公義。
每一集都可能是最後一集,
辛福台與你憂戚與共,
想像那不敢想像的未來,
想像那還可以想像的未來。
Published 03/02/21
守望香港祈禱會
日期:2021年3月1日
時間:2000-2130
網上直播
主席:洪國謙牧師
講員:麥衛華會吏
經文:馬太福音 5章3-12節
講題:禍福生死的選擇
講員:孫寶玲牧師
經文:路加福音24章48節
題目:你們就是這些事的見證人
Published 03/01/21
大齋期又叫預苦期,
整個節期從大齋首日(聖灰星期三/塗灰日)開始至復活節止,
一共四十天(不計六個主日)。
叫得預苦期,即係叫你要效法基督,
預備受苦,預咗受苦。
聖灰日仲會將去年棕枝主日的棕枝燒成灰,
在教友的額頭上塗個十字,作為悔改的象徵;
又提醒我們不過是塵土。
咁灰咁苦的節期,
真係襯唔起我們個安定繁榮又幸福的社會。
到底又幸福又成功的信徒,
在大齋期除了行禮如儀打打卡,
係唔係真係有乜又灰又苦的反省?
呢集辛福台向非禮儀教會的信徒介紹下大齋期,
又挑戰下禮儀教會的信徒對大齋期的實踐。
而當大齋期遇上大劑香港,
到底只能無能為力,
還是能在又灰又苦中產生信仰能量?點樣產生法?
同樣的禮儀,同樣的舉手投足,
到底在不同的時、空、人、事間,
迴盪出甚麼的信仰關懷?
Published 02/23/21
正所謂「長江後浪推前浪,前浪死在沙灘上」,有一日有人跟春麗說:「喂,最近好多人去Clubhouse,那邊好熱鬧,你有冇去玩玩。」春麗這位基督教傳媒大亨竟然說:「吓?我無夜蒲好耐囉噃。」唔好話玩,連聽都未聽過。每次有新媒體興起,就有人向教會揚言:「仲唔跟上時代,教會就玩X完!」正是教會立在堅固磐石上,驚都未驚過,繼續不動如山。當然,總有一批人努力發展媒體事工,咁多年落來,略有成就。但係,佢地解決咗教會的問題多啲,定係製造咗問題多啲,又或者根本唔關媒體事,都係因人而異?十年前,你用Facebook叫潮,而家Facebook叫長者媒體,人地落Club呀,春麗你返屋企慰妻啦!當新媒體遇上新新媒體,新媒體就變咗舊媒體,當初寸人的人,今日可能畀人寸返轉頭。原有的新媒體事工,在軟件與硬件的既有設定下,係唔係話轉身就轉身?同埋,教會唔識落Club,係唔係又要玩完?到底要玩完幾多次先至真係玩完?會唔會原有的新媒體事工先玩完?
Published 02/09/21
BB不是BabyBB是基督少年軍The Boys' Brigade的簡稱雖然話係boys,但有男有女,而且仲有句非正式但好厲害的口號:「一日BB,一生BB。」可想而知,歷史有幾咁攸久,傳統有幾咁深厚。但BB們最近鬧交,因為佢地有個當然贊助人叫林鄭,嘩,咁你就知乜事。有啲BB話要開特別會員大會,停止邀請林鄭做贊助人;但有啲大隻啲嘅BB話,咁會引致「不良後果」,而且是「政治表態」。嘈咗好耐啦,仲會繼續嘈落去。到底BB想DQ林鄭,是信仰表態,定政治表態?而唔DQ林鄭,又係唔係另一種政治表態?至於「不良效果」,到底有幾不良?BB保你大,呢次搵咗批唔係一生,都半生係BB嘅人,上來講下BB嘅初心,當初決定屆屆邀請特首做贊助人,又有乜嘢動機?係唔係又變咗一日贊助人,一世贊助人?到底佢贊助咗啲乜?點解呢批人咁想DQ林鄭?你DQ林鄭,林鄭又會唔會倒過來DQ你呢?你地想DQ林鄭,有冇諗清楚後果先?BB係教會青少年福音宣教事工?BB係學校課外活動?BB係政府國民教育的伙伴(工具)?嘉賓主持陳建榮傳道、謝志堅牧師、楊樹榮先生、Teddy先生
Published 02/02/21
守望香港祈禱會日期:2021年2月1日時間:2000-2130網上直播主持:馬保羅牧師講題:還有盼望?!經文:耶利米哀歌三章19-24節講員:梁國全傳道講題:突襲式經文:希伯來書13章講員:洪國謙牧師
Published 02/01/21
家裡有黃有藍,能否溝埋成sweet sweet的「綠之家」?韓國驚慄劇集Sweet Home,說到一處叫綠之家的住宅,當中有些人隨著自己的慾望變成相應的怪物,其他人要聯合起來才能對付。大概成了個都市隱喻故事家裡有黃有藍,各持己見,各不相讓,最終就有人(甚至雙方)變成怪物,撕殺另一方,或互相撕殺。悲劇已經在發生。唔想咁樣,可以點樣?活在妖獸都市,人人都可能走上成魔之路,若要迷途知返,有何地圖與指南針,走一條「回家」之路,讓家成為家?作最好的打算,作最壞的部署,萬一家中已有怪物,我們又能如何自處?嘉賓主持陳虹秀小姐、歐醒華牧師、黎嘉晉先生
Published 01/26/21
望著海一片 滿懷倦 無淚也無言望著天一片 只感到情懷亂我的心又似小木船遠景不見 但仍向著前誰在命裡主宰我每天掙扎 人海裡面心中感嘆 似水流年不可以留住昨天留下只有思念 一串串永遠纏浩瀚煙波裡 我懷念 懷念往年外貌早改變 處境都變 情懷未變嘉賓主持:梁永善牧師、潘sir潘智剛、春麗先生、盈恩小姐
Published 01/19/21
88,發實發,真係好意頭!凡獲《稅務條例》第 88 條認可的慈善機構及信託團體,可發免稅收據予捐款者。88鼓勵人行善、信教,原意甚佳。很多捐款者,好介意有冇得免稅,無得免稅就唔肯捐。所以很多組織都急於在成立時即申請88,沒有88,奉獻有限;有了88,奉獻大增。但殖民時代的良法,來到一國一制的威權時代,會否成為箝制NGO的腳鐐?透過修訂免稅團體的要求,使你順服、順服再順服?88,得到甚麼,失去甚麼?88,會否為免稅團體充權的同時,使其去勢?沒有88,奉獻是否就會大跌?為甚麼有些新興團體不肯申請88,難道嫌錢腥?沒有88,你是否就不肯奉獻?有了88才肯奉獻的奉獻到底是一種怎樣的奉獻?嘉賓主持張偉昌牧師、梁國全傳道、李兆波先生
Published 01/12/21