Hannde, altine 18 lewru 12ɓuru, Cellal ko Ngalu no addi toɓɓere faatunde e nawnaare AVC. Nguu ñawu no jaali e nder dunuyaaru nduu fof. E nder Afrik ley Sahara, ko AVC woni ñawu tataɓu ɓurngu warde yimɓe kono kadi e wargol terɗe neɗɗo. Ko kanngu kadi woni ɓurngu wonde sabu  jaɓɓagol yimɓe e nder cuuɗi cafrirɗe taw ko ko yowiiti e nawnaare ɗaɗi. E yeru to CHU Fan Dakar, ko 45 e nder temedere yimɓe, Lome laamorgo Togo ko 32 woni naatude e nder serwiisiiji nawnaare ɗaɗi tawa ko AVC woni sabu mum. Jooni, holko woni AVC? Holko addatan neɗɗo ndee nawnaare? Holko woni maleeji walla sifaaji AvC? E kadi ko holno nguu ñawu renortee walla faddorte? Ko Dr Gida Laandure, nertorɗo ñawndugol ɗaɗi ɓanndu jaabotoo namne men ɗee.