Ñawu ñulo ñiiƴe ina wi'ee e faransiire "caries dentaires chez les enfants" ko ngootu e ñabbuuli ñiiƴe e hunnduko ɓurɗi tampinnde sukaaɓe ɓee. Nguun ñawu ina waawi addude muusallaaji keewɗi e caɗeele cellal goɗɗe e ɓanndu sukaa on, so tawi nguun ñawu safraaka. Safaara ñawu ñolu ñiiƴe sukaaɓe fawii ko e hisnude e laɓɓinde hunnduko cukalel ngel: funndude e hisnude ñaamdu mum ina wonndi e ƴeewtaade ñiiƴe mum e sahaa ngam laɓɓinde ɗe. Ko doktoor Tolo JALLO, hertorɗo ñawndugol ñiiƴe, gollowo to CHU Bordeaux, kadi artata e ndee yewtere.