Fótboltasögur fyrir svefninn eru sagðar á miðvikudagskvöldum. Stefán Pálsson segir þá Ólafi Bjarna Hákonarsyni sögur úr heimi fótboltans, rammpólitískar og sem varpa ljósi á átökin í samfélaginu.
Í einsleitri veröld heimsknattspyrnunnar má finna dæmi um félög sem rekin eru á öðrum forsendum og gildum en gerist og gengur. Hér verður sjónum beint að þremur slíkum félögum þar sem róttæk vinstrigildi eru í öndvegi.
Fasistastjórnir millistríðsáranna létu sig fótbolta varða, mismikið þó. En knattspyrnan var ekki bara kúgunartæki heldur einnig birtingarmynd andófs og sjálfstæðisbaráttu.