I dat ellas in pau dapertut, las aclas che vegnivan pli baud duvradas dals purs e ch'èn oz per blers in lieu da brama. Chamonas midan maun savens entaifer la famiglia e quellas paucas che vegnan sin il martgà cuntanschan per part pretschs dad in u era da dus milliuns francs. En ils parlaments chantunals e federals discut'ins dapi onns, sch'ins na duess renovar ed amplifitgar betg mo chamonas existentas, mabain era stallas vidas che ristgan dad ir en muschna? Daco renovescha ina fundaziun ad Avras stallas veglias, era sch'ins po duvrar quellas suenter sin il pli sco magasin agricul? E pertge laschassan auters il pli gugent ir en muschna ina part da las passa 400'000 stallas che sa chattan en Svizra ordaifer la zona da construcziun? La «Marella» sa metta als fastizs da la fascinaziun, da las leschas e da la crux cun nossas aclas. Quest'emissiun è ina repetiziun da l'october 2022.