Els èn quels che pon decider persuls in gieu, saja quai cun paradas miraculusas u er cun sbagls fatals. In sguard sin la fascinaziun da l'esser goli. Els sajan in zic battaglinas, spinochels u simplamain auters che tschels giugaders. Pleds ch'ins auda savens en connex cun ils golis, tuttina sch'i sa tracta d'in goli da ballape u da hockey sin glatsch. Ma è quai propi uschia? Cler è ch'ils golis èn sportists singuls en in sport d'equipa. Els èn savens per sasezs ed han tut in'autra rolla ch'il rest da l'equipa. Exact quai è dentant era quai che fascinescha vi da l'esser goli. Quest'emissiun è ina repetiziun dal zercladur 2022.