अष्टावक्र उवाच। सानुरागां स्त्रियं दृष्ट्‌वां मृत्युं वा समुपस्थितम्‌। अविह्वलमना स्वस्थो मुक्त एव महाशयः।। 170।। सुखे दुःखे नरे नार्यां संपत्सु च विपत्सु च। विशेषो नैव धीरस्य सर्वत्र समदर्शिनः।। 171।। न हिंसा नैव कारुण्यं नौद्धत्यं न च दीनता। नाश्चर्यं नैव च क्षोभः क्षीणसंसरणे नरे।। 172।। न मुक्तो विषयद्वेष्टा न वा विषयलोलुपः। असंसक्तमना नित्यं प्राप्ताप्राप्तमुपाश्नुते।। 173।। समाधानासमाधानहिताहितविकल्पनाः। शून्यचित्तो न जानाति कैवल्यमिव संस्थितः।। 174।। निर्ममो निरहंकारो न किंचिदिति निश्चितः। अंतर्गलित सर्वाशः कुर्वन्नपि करोति न।। 175।। मनः प्रकाशसंमोहस्वप्नजाड्‌यविवर्जितः। दशां कामपि संप्राप्तो भवेद्गलितमानसः।। 176।। पहला सूत्र: सानुरागां स्त्रियं दृष्ट्‌वां मृत्युं वा समुपस्थितम्‌। अविह्वलमनाः स्वस्थो मुक्त एव महाशयः।। ‘प्रीतियुक्त स्त्री और समीप में उपस्थित मृत्यु को देख कर जो महाशय अविचलमना और स्वस्थ रहता है, वह निश्चय ही मुक्त है।’