Wien eng Dier zou mécht, mécht dat net aus Stolz a scho guer net well e Feig ass. Et mécht een dat meeschtens well dat, wat mer investéiert hunn näischt mat deem wat mer kritt hunn ze dinn huet. Et huet ee keng Loscht méi well d'Puzzlestécker net passen. An da kënnt de Sproch an dee kenne mer all. Wann eng Dier zou geet, geet eng Aner iergendwou op. A genee hei muss een oppassen. Déi nei Dieren déi nei Universumen vu Méiglechkeeten komme net vu Geeschterhand. Mir mussen aktiv ginn a se sichen. Villäicht musse mer eis se selwer bauen a bestëmmte Mechanismen an eis dran a Bewegung bréngen fir dass mer se op maache kënnen. Iwwerhaapt fält et engem meeschtens net einfach eng Dier zouzemaachen. Well iergendswéi loosse mer net nëmmen Saachen déi eis villäicht glécklech gemaach hunn hannert eis, et muss een och bestëmmte Saachen opginn, déi een ausmaachen zou engem passen an ee glécklech maachen. Et ginn e puer Saachen déi ee maachen kann, wann een e neit Kapitel am Liewen ufänkt. Egal a wéi enger Situatioun. Et soll een dat wat ee grad plangt mat sech selwer beschwätzen. Sech froen wat een dorun hënnert Dier zou ze maachen. Et kann ee sengen Ängscht och e Numm ginn a probéieren se ze rationaliséieren. A wéi gesäit et an Zukunft aus? Gëtt et besser oder awer eben net. Wichteg ass och seng Stärkten ze kennen. Ob déi soll ee sech konzentréieren, an ob d'Ëmfeld dat spillt hei och eng wichteg Roll. Ass dat gemaach, da kann ee sech un e Plang maachen wéi et am Liewe weidergoen soll.Och wann een heiansdo d'Gefill huet d'Welt géif ophalen mat dréinen. Dass et net sou ass brauch ech kengem méi ze soen.