An deem Projet Repicturing Homeless sinn Obdachloser fotograféiert ginn, awer net an dem gewinnte Kader. Op de Fotoe gesäit een se als Geschäftsmann, Moudedesigner oder Barkeeperin. Si kënnen net gleewen, datt si dat selwer op de Fotoe sinn. D'Fotoen gi verkaaft an den Erléiss ass fir d'Sans-Abrisen.Bis lo waren si gewinnt, datt d'Leit ofwäertend op si reagéiert hunn. Ee vun de Biller hänkt un der Johinneskirche zu Düsseldorf an dat an der Gréisst vun zéng op zéng Meter. Den Obdachlosen deet et och gutt, datt och emol op si rop gekuckt gëtt. D'Ziel ass, datt d'Gesellschaft akzeptéiert, datt och si, dozou gehéieren.Ze vill séier loosse sech vill vun sou Statussymboler verblenden, respektiv hale mir ze vill op Äusserlechkeeten. Et ass dach de Mënsch deen zielt, de Charakter, säi Behuelen. Et huet net jiddereen d'Chance finanziell ofgeséchert ze sinn.Dës Initiativ soll eis all d'Aen opmaachen: Statussymboler hunn awer eng wichteg Bedeitung an eisem Liewen. Trotzdeem kann ee méi séier wéi e mengt an d'Aarmut rutschen, an dann ouni Wunneng an ouni Suen do sëtzen. An awer ass een nach ëmmer déi selwecht Persoun wéi virdrun, wéi zum Beispill d'Nathalie, d'Sylvie, de Jean-Claude oder de Jeannot. Eng Persoun wéi Dir oder ech.Ech fannen, datt et héich Zäit gëtt, datt Obdachloser net wéi en Tabuthema behandelt ginn. An tëschenzäit gëtt nach an anere Länner dru geduecht fir déi Initiativ „Repicturing Homeless“ nozemaachen, wéi a Frankräich, China an den USA. Wat dee Projet méi verbreet gëtt, wat besser.De Sproch „Kleider machen Leute“, gefält mir bësser ënnert dëser Form „Menschen machen Leute“.