Episodes
ការដកហូតឋានៈអនុគ្រោះពន្ធរបស់សហភាពអឺរ៉ុបចំនួន២០ភាគរយ ផលប៉ះពាល់ពីជំងឺរាតត្បាតកូវីដ១៩ និងការធ្លាក់ចុះសិទ្ធិនយោបាយនិងសិទ្ធិមនុស្ស បានគ្រប់ដណ្តប់លើការខិតខំរបស់រដ្ឋាភិបាលកម្ពុជាក្នុងរយៈពេលពីរឆ្នាំ ដែលបានគ្រប់គ្រងប្រទេសដោយឯកបក្សតាំងពីឆ្នាំ២០១៨មក។ នេះបើតាមការកត់សម្គាល់របស់អ្នកជំនាញ។
លោកឱក...
Published 09/28/20
ការរីករាលដាលនៃជំងឺកូវីដ១៩ និងវិធានការទប់ស្កាត់ការរីករាលដាលនៃជំងឺនេះ ដូចជាការរឹតបន្តឹងការធ្វើដំណើរតាមយន្តហោះឆ្លងកាត់ពីប្រទេសមួយទៅប្រទេសមួយ និងការបិទសកម្មភាពក្នុងប្រទេសជាដើម បានធ្វើឲ្យមានការប៉ះពាល់ខ្លាំងទៅលើវិស័យទេសចរណ៍ ជាពិសេសអ្នកដែលធ្វើការនៅក្នុងវិស័យនេះ។ កញ្ញា ផន បុប្ផា និងអ្នកនាង ខាន់ សុគុំមនោ រាយការណ៍អំពីផលប៉ះពាល់នៃជំងឺរាតត្បាតកូវីដ១៩មកលើអ្នកធ្វើការក្នុងវិស័យទេសចរណ៍ នៅខេត្តសៀមរាប ប្រទេសកម្ពុជា។
Published 09/25/20
អ្នកការពារសិទ្ធិស្នើឲ្យពលករខ្មែរដែលកំពុងធ្វើការនៅប្រទេសថៃរួមសាមគ្គីគ្នា និងជួយគ្នាទៅវិញទៅមកក្នុងពេលរងការរំលោភបំពានពីថៅកែ ឬពេលពួកគេជួបគ្រោះថ្នាក់ ឬមានទុក្ខធុរៈក្នុងពេលដែលកំពុងបំពេញការងារនៅឆ្ងាយពីមាតុភូមិ។ លោក សុន សីហា ប្រធានមូលនិធិពលករខ្មែរប្រចាំប្រទេសថៃបានបញ្ជាក់ក្នុងកម្មវិធីហេឡូវីអូអេថា កន្លងមកពលករខ្មែរបានរងការរំលោភបំពានលើសិទ្ធិការងារនិងសិទ្ធិរស់នៅជាច្រើន ប៉ុន្តែពួកគេកម្រទាមទារតវ៉ាណាស់។...
Published 09/24/20
កំណត់និពន្ធ៖ សៀវភៅថ្មីដែលមានចំណងជើងថា«នៅក្រោមស្រមោលនាគ» (In the Dragon's Shadow)របស់អ្នកសារព័ត៌មានជើងចាស់Sebastian Strangio បានពិនិត្យមើលលើការងើបឡើងវិញនៃមហាអំណាចចិននិងការខិតខំពង្រីកឥទ្ធិពលនៅតំបន់អាស៊ីអាគ្នេយ៍ដែលជាតំបន់មួយមានការប្រឆាំងតិចតួច។ បណ្តាប្រទេសនៅក្នុងតំបន់ខិតខំឆក់យកឱកាសទទួលផលប្រយោជន៍សេដ្ឋកិច្ចពីការវិនិយោគដ៏មហាសាលរបស់ចិន ហើយទន្ទឹមគ្នានេះដែរក៏ខិតខំប្រឹងប្រែងរក្សាអធិបតេយ្យភាពរបស់ខ្លួន។...
Published 09/23/20
ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាលោក W. Patrick Murphy បានផ្តល់បទសម្ភាសន៍ដល់កញ្ញា ផន បុប្ផា នៃ VOA កាលពីខែមុននៅឯគេហដ្ឋានរបស់លោកក្នុងទីក្រុងភ្នំពេញ។ បទសម្ភាសន៍រយៈពេល ៣០ នាទីនេះ ផ្តោតលើពាណិជ្ជកម្ម ការវិនិយោគរបស់សហរដ្ឋអាមេរិកនៅកម្ពុជា ការលាងលុយកខ្វក់ សិទ្ធិមនុស្ស ការចាប់ខ្លួនក្រុមសង្គមស៊ីវិល និងអ្នកតស៊ូសិទ្ធិការងារដូចជាលោក រ៉ុង ឈុន សន្តិសុខអ៊ិនធឺណិត ឥទ្ធិពលចិន ការអប់រំ និងប្រធានបទផ្សេងៗទៀត។
Published 09/21/20
អ្នកស្រី ស៊ូលី សារ៉ូ បេក្ខជនចៅសង្កាត់លេខ៦នៃទីក្រុងឡុងប៊ិច បានស្នើឲ្យពលរដ្ឋចូលរួមបោះឆ្នោតនៅថ្ងៃទី៣ខែវិច្ឆិកា ឲ្យបានច្រើន បើទោះបីជាទៅដោយផ្ទាល់ ឬ តាមប្រៃសណីយ៍។ អ្នកស្រីបញ្ជាក់ថា ដោយសារតែជំងឺកូវីដ១៩ យុទ្ធនាការនានា អាចធ្វើបានតែតាមរយៈអ៊ីនធឺណិត និងតាមទូរស័ព្ទដែលមានការលំបាកទាក់ទងអ្នកបោះឆ្នោត។ សម្រាប់សង្កាត់លេខ៦នេះ គឺអ្នកស្រីត្រូវប្រកួតផ្តាច់ព្រ័តនឹងលោក ឌី អែនឌ្រូ ចៅសង្កាត់នាពេលបច្ចុប្បន្ន...
Published 09/18/20
ពលរដ្ឋកម្ពុជាសាទរចំពោះការស្លាប់របស់លោក កាំង ហ្កេកអ៊ាវ ហៅ ឌុច កាលពីដើមខែកញ្ញា ឆ្នាំ២០២០នេះ ថាជាព្រឹត្តិការណ៍ដ៏សំខាន់មួយ នៅពេលដែលប្រទេសកម្ពុជាបន្តធ្វើដំណើរទៅមុខពីអតីតកាលដ៏សោកនាដកម្មរបស់ខ្លួន។ ដោយធ្លាប់ធ្វើប្រធានមន្ទីរសន្ដិសុខស ២១ ឬគុកទួលស្លែងនោះ ឌុច ជាអ្នកទទួលខុសត្រូវក្នុងការសម្លាប់មនុស្ស ១៦.០០០ ពាន់នាក់ នៅក្នុងរបបខ្មែរក្រហម ក្នុងទសវត្សឆ្នាំ ១៩៧០។ លោក Luke Hunt រាយការណ៍ រាយការណ៍លម្អិតពីវាលពិឃាតជើងឯក ជាយក្រុងភ្នំពេញ ហើយលោកជ្រា វណ្ណារិទ្ធ នៃ VOA ប្រែសម្រួល៕
Published 09/17/20
តើប្រិយមិត្តអាចរៀបរាប់បានទេថា ដើម្បីបានអំបុកត្រូវធ្វើយ៉ាងណាខ្លះ? ត្រូវមានអ្វីខ្លះ? ពលរដ្ឋខ្មែរអាមេរិកាំង ជាពិសេសក្មេងៗដែលបានដឹងអំពីរបៀបធ្វើអំបុកជាលើកដំបូងកាលពីថ្ងៃទី៦ ខែកញ្ញានៅវត្តភ្នំសេរី ក្រុងAyer រដ្ឋម៉ាស្សាជូសេតស.រ.អា មិនដឹងអំពីដំណាក់កាលធ្វើអំបុកទេ ខណៈពួកគេចាប់អារម្មណ៍និងទទួលស្គាល់ថា ធ្វើអំបុកពិតជាពិបាកនោះ។ លោក ពិន ស៊ីសុវណ្ណ នៃវីអូអេរាយការណ៍ពីទីក្រុង Ayer រដ្ឋម៉ាស្សាជូសេត៕
Published 09/14/20
យ៉ាងហោចណាស់មានយុវជន និងយុវតីពីរនាក់នៃក្រុមយុវជនខ្មែរថាវរៈគឺលោកថា ឡាវី និងកញ្ញា អេង ម៉ាឡៃ ហៅ សូ មេត្តា ត្រូវបានចាប់ខ្លួន នៅមុន និងក្រោយការព្យាយាមជួបជុំជាមួយក្រុមអ្នកតវ៉ាជាង៤០នាក់ផ្សេងទៀតដើម្បីធ្វើបាតុកម្មអហិង្សានៅទីលានប្រជាធិបតេយ្យថ្មីក្នុងខណ្ឌឫស្សីកែវ រាជធានីភ្នំពេញ។ ក្រុមកងសន្តិសុខចម្រុះរបស់ខណ្ឌឫស្សីកែវបានរារាំងមិនឲ្យមានការប្រមូលផ្តុំនៅទីលានប្រជាធិបតេយ្យ ដោយបានចោទក្រុមអ្នកតវ៉ាថា គ្មានការអនុញ្ញាតពីសាលារាជធានីភ្នំពេញ។...
Published 09/07/20
ខណៈអតីតមេដឹកនាំរបបវាលពិឃាតចាស់ជរានិងខ្លះបានស្លាប់ ការស្លាប់ជាបន្តបន្ទាប់របស់អតីតមេខ្មែរក្រហមទាំងក្នុងអំឡុងពេលកំពុងកាត់ទោសដែលមានដូចជា នួន ជា និងអៀង សារី និងអ្នកដែលកំពុងទទួលទោស ដោយសារតែវ័យចាស់ជរានិងជំងឺ ដូចជាករណី កាំង ហ្កេចអ៊ាវ ហៅ ឌុច ដែលបានស្លាប់កាលពីថ្ងៃទី ២ ខែកញ្ញា បាននាំឲ្យតុលាការត្រូវថ្លឹងថ្លែងរវាងវ័យចំណាស់របស់អ្នកទាំងនោះនិងការស្វែងរកយុត្តិធម៌មួយសម្រាប់ជនរងគ្រោះ។ លោក ម៉ែន គឹមសេង នៃវីអូអេ បានសម្ភាសលោក នេត្រ ភក្ត្រា...
Published 09/04/20
កោះខ្ញែរជាភូមិមួយស្ថិតក្នុងឃុំអូរគ្រាង ស្រុកសំបូរខេត្តក្រចេះ។ ទោះបីមានការអង្កេតរកឃើញថា មានការប្រមូលត្រីផុតពូជបានពីកោះនេះ តែអ្នកនេសាទជាលក្ខណៈគ្រួសារមួយចំនួននៅក្នុងកោះដែលស្ថិតនៅឆ្ងាយពីទីរួមខេត្តក្រចេះ ប្រមាណ១០០គីឡូម៉ែត្រនិយាយថា ពួកគេកម្រនឹងចាប់បានត្រីប្រភេទដែលរងការគំរាមកំហែង ឬក៏កំពុងប្រឈមគ្រោះថ្នាក់។ ពួកគេបានស្តីបន្ទោសដល់ការនេសាទខុសច្បាប់ និងការប្រើប្រាស់ឧបករណ៍ហាមឃាត់ថា ជាដើមចមធ្វើឲ្យត្រីដែលជិតផុតពូជនោះ កាត់តែខ្សត់ទៅ។ លោក ហ៊ុល រស្មី...
Published 09/04/20
សពរបស់លោក កាំង ហេ្កកអ៊ាវ ហៅឌុច អតីតប្រធានគុកទួលស្លែង ឬមន្ទីរស ២១ ក្នុងសម័យខ្មែរក្រហម ត្រូវបានបូជានៅក្នុងវត្តចាក់អង្រែក្រោម ក្នុងរាជធានីភ្នំពេញ ដោយមិនបានធ្វើបុណ្យតាមប្រពៃណីខ្មែរ។ ការបូជាសពនេះក៏ត្រូវបានយាមកាមដោយកម្លាំងនគរបាលប្រមាណ ១០ នាក់ ហើយមិនឲ្យអ្នកសារព័ត៌មានចូលទៅជិតកន្លែងបូជាសព និងកន្លែងរើសធាតុនោះទេ។ ចំណែកក្រុមគ្រួសារសាច់ញាតិដែលត្រូវជាបងប្អូន និងសាច់ថ្លៃយ៉ាងតិច ៤ នាក់ ក៏បានបដិសេធមិនអត្ថាធិប្បាយ និងលាក់អត្តសញ្ញាណរបស់ពួកគេទាក់ទងនឹង ឌុច នៅពេលអ្នកយកព័ត៌មាន VOA ព្យាយាមសាកសួរ។ លោកស៊ុន ណារិន...
Published 09/02/20
វិបត្តិសុខភាពដែលបង្កឡើងដោយជំងឺកូវីដ១៩ គួរតែជាមេរៀនមួយដែលតម្រូវឲ្យប្រទេសកម្ពុជានិងថៃពិភាក្សាអំពីការការពារនិងផ្តល់តម្លៃដល់ពលករចំណាកស្រុកខ្មែរនៅប្រទេសថៃ ក្នុងនាមជាដៃគូការងារស្មើភាពគ្នា។ នេះបើតាមការបញ្ជាក់របស់គណបក្សប្រឆាំង។ អ្នកស្រី មូរ សុខហួរ អនុប្រធានគណបក្សសង្គ្រោះជាតិ បានបញ្ជាក់ក្នុងកម្មវិធីហេឡូវីអូអេកាលពីថ្ងៃព្រហស្បតិ៍ថា ក្នុងពេលមានវិបត្តិសុខភាពនេះ ភាគីថៃ បានបិទច្រកព្រំដែនដោយគ្មានទុកពេលឲ្យពលករខ្មែរបានរៀបចំខ្លួនទាន់ពេលទេ...
Published 08/27/20
កាលពីថ្ងៃពុធ សាលាឧទ្ធរណ៍បានបដិសេធបណ្ដឹងសុំនៅក្រៅឃុំរបស់លោក រ៉ុង ឈុន មេដឹកនាំសហជីពចាស់វស្សាដែលកំពុងជាប់ចោទពីបទញុះញង់ជុំវិញការបញ្ចេញមតិរបស់លោកលើបញ្ហាព្រំដែន។ ក្រុមគ្រួសារនិងអ្នកគាំទ្ររូបលោក រ៉ុង ឈុន ប្រមាណ៣០នាក់ បានជួបជុំគ្នាសម្ដែងមតិលើកបដា ទាមទារឱ្យមានការដោះលែងអតីតសមាជិកគណៈកម្មាធិការជាតិរៀបចំការបោះឆ្នោតរូបនេះ។ លោក អូន ឆេងប៉រ នៃ VOA រាយការណ៍ពីរាជធានីភ្នំពេញ៕
Published 08/26/20
ការបាត់បង់ឋានៈអនុគ្រោះពន្ធ«គ្រប់មុខទំនិញលើកលែងសព្វាវុធ»(EBA)របស់សហភាពអឺរ៉ុបចំនួន២០ភាគរយចាប់តាំងពីថ្ងៃទី១២ ខែសីហាមក តម្រូវឲ្យរដ្ឋាភិបាលកម្ពុជាត្រូវតែកែប្រែគោលនយោបាយដើម្បីរក្សាភាពប្រកួតប្រជែងសម្រាប់ការនាំចេញ។ នេះបើតាមការបញ្ជាក់របស់អ្នកវិភាគ។
លោក ឱក សេរីសោភក្តិ៍ អ្នកឯកទេសខាងផ្នែកអភិបាលកិច្ចល្អបានបញ្ជាក់ក្នុងកម្មវិធីHello VOA ថា កម្ពុជាត្រូវផ្តោតលើការកែប្រែការចំណាយណា ដែលមិនចាំបាច់ក៏ដូចជា សើរើគោលនយោបាយមួយចំនួនលើប្រព័ន្ធគយ អគ្គិសនី...
Published 08/24/20
រយៈពេលជាង៥ខែមកហើយដែលសិស្សនិស្សិតចំនួនជាង ៣ លាននាក់នៅកម្ពុជាបានប្តូរពីការសិក្សាក្នុងថ្នាក់មកសិក្សាតាមអនឡាញ ឬទូរទស្សន៍ ដោយសារការរីករាលត្បាតនៃជំងឺកូវីដ១៩។ គ្រូបង្រៀនតាមទីជនបទនៅភូមិបឹងរុន ក្នុងឃុំសំឡូត ស្រុកសំឡូត ខេត្តបាត់ដំបង ដូចជាអ្នកគ្រូ សឿន ស្រីនីត ប្រើប្រាស់រយៈពេលជាង៣ខែ ដើម្បីរិះរកវិធីបង្រៀនសិស្សឲ្យខាងតែបាន។ ថ្នាក់រៀនរបស់អ្នកគ្រូនៅក្រោមផ្ទះឈើមួយ ដែលមានទីធ្លាល្មមសម្រាប់រៀបចំឲ្យមានកៅអី១០ តុវែងមួយនិងក្តារខៀនមួយ។...
Published 08/24/20
សព្វថ្ងៃនេះមានមនុស្សតិចតួច ភាគច្រើនជាស្ត្រីចាស់ៗ ប៉ុណ្ណោះមានចំណេះដឹងអំពីការចងគាធពិដានដែលមានក្បាច់គោមច្រើន។ ដោយបារម្ភខ្លាចចំណេះដឹងត្រូវបាត់បង់ជារៀងរហូត ស្ត្រីវ័យចំណាស់មួយចំនួនប្រចាំវិទ្យាស្ថានវាយនភណ្ឌប្រពៃណីខ្មែរ (Institute of Khmer Traditional Textiles) ខិតខំព្យាយាមអភិរក្សជំនាញពីបុរាណនេះ។ អ្នកស្រី គឹម ស្រេង ដែលមានស្រុកកំណើតមកពីខេត្តតាកែវ ហើយបច្ចុប្បន្នរស់នៅខេត្តសៀមរាប គឺជាអ្នកចងគាធ និងអ្នកត្បាញម្នាក់ក្នុងចំណោមអ្នកទាំងនោះ។ អ្នកនាង...
Published 08/17/20
ការព្យួរពន្ធអនុគ្រោះ «គ្រប់មុខទំនិញលើកលែងសព្វាវុធ» ឬ "Everything But Arms" (EBA) របស់សហភាពអឺរុប បានចូលជាធរមាន កាលពីថ្ងៃទី១២ ខែសីហា ក្រោយពីរដ្ឋាភិបាលកម្ពុជាមិនបានកែលម្អស្ថានភាពសិទ្ធិមនុស្សនិងលទ្ធិប្រជាធិបតេយ្យដែលបានធ្លាក់ចុះក្នុងរយៈពេលជិត៣ឆ្នាំនេះ។ គណបក្សសង្គ្រោះជាតិចាត់ទុកថានេះគឺជា «ទិវាដ៏ខ្មៅក្នុងប្រវត្តិសាស្ត្រកម្ពុជា» ដោយសារតែរដ្ឋាភិបាលកម្ពុជាគិតពីអំណាចជាជាងជីវភាពពលរដ្ឋ។ ថ្នាក់ដឹកនាំគណបក្សប្រឆាំងដែលរស់នៅក្រៅប្រទេសក៏បញ្ជាក់ពីជំហរត្រៀមចូលរួមការចរចា ដើម្បីរកវិធីដើម្បីដោះស្រាយជីវភាពពលរដ្ឋ។...
Published 08/14/20
ការប៉ះទង្គិចគ្នាមួយឈុតទៀតបានកើតឡើងនៅតាមច្រកដើរនៃផ្សារទំនើបមួយ ជាប់នឹងពហុកីឡាដ្ឋានជាតិអូឡាំពិករវាងក្រុមអ្នកគាំទ្រលោក រ៉ុង ឈុន ប្រធានសហភាពសហជីពកម្ពុជា និងកងកម្លាំងសន្តិសុខខណ្ឌ៧មករា។ អ្នកគាំទ្រលោក រ៉ុង ឈុន មួយចំនួនបានដួលផ្ទប់ទៅនឹងដី ពេលរងការរុញច្រានហិង្សាពីកងសន្តិសុខខណ្ឌ៧មករាជាច្រើននាក់។ យុវតីម្នាក់នៃក្រុមយុវជនខ្មែរថាវរៈបានរងរបួសនៅត្រង់ជើងដើរមិនរួច ហើយត្រូវបញ្ជូនទៅព្យាបាល។ លោកហ៊ុល រស្មីរាយការណ៍ឲ្យវីអូអេពីរាជធានីភ្នំពេញ។
Published 08/13/20
ក្រុមយុវជនខ្មែរថាវរៈ និងអ្នកតវ៉ាផ្សេងទៀតដែលគាំទ្រលោក រ៉ុង ឈុន មេដឹកនាំសហជីព បានរងការបង្ក្រាបដោយកងសន្តិសុខរបស់ខណ្ឌបឹងកេងកង នៅពេលពួកគេព្យាយាមដើរហែក្បួន បង្ហាញសាធារណជនអំពីការស្រឡាញ់ជាតិ និងចង់ឲ្យពលរដ្ឋ ងាកមកចំណាយពេលគោរពទង់ជាតិប្រទេសកម្ពុជា ក្នុងបំណងឲ្យពលរដ្ឋខ្មែរចេះយោគយល់អាស្រ័យគ្នាទៅវិញទៅមក។ ក្នុងការតវ៉ាលើកនេះមានយុវតីរកកលសន្លប់ ដោយសារការរុញច្រាន និងការប៉ះទង្គិចរវាងក្រុមអ្នកតវ៉ានិងកងសន្តិសុខ។ លោក ហ៊ុល រស្មី...
Published 08/12/20
ទឹកទន្លេមេគង្គហូរធ្លាក់ចូលទន្លេសាបយឺតសម្រាប់ឆ្នាំនេះ។ កាលពីដើមឡើយ ក្នុងខែមិថុនា ទឹកទន្លេសាបចាប់ផ្តើមឡើង ហើយមកដល់ខែសីហានេះ ជាធម្មតា ទឹកហក់ឡើងខ្ពស់ទៅហើយ។ ប៉ុន្តែឆ្នាំនេះ ទឹកទន្លេសាបប្រែប្រួលខ្លាំង។ ការផ្លាស់ប្តូររបបទឹកទន្លេសាបនាំឲ្យពលរដ្ឋកាន់តែព្រួយបារម្ភអំពីផលនេសាទធ្លាក់ចុះ។ លោក ស៊ុន ណារិន នៃវីអូអេ រាយការណ៍ពីឃុំកំពង់ហ្លួង ខេត្តពោធិ៍សាត់៕
Published 08/11/20
កង្វល់អំពីវីរុសកូរ៉ូណាមិនអាចបំភ័យសប្បុរសជនខ្មែរអាមេរិកាំង មិនឲ្យមកជួបជុំគ្នាចូលបច្ច័យជាវវត្ត សម្អាតវត្តថ្មីនោះទេ ក្រោយពីព្រះសង្ឃ ប៊ុត ប៊ុនតិញ គ្មានវត្តគង់ព្រោះវត្តមួយចំនួននៅស.រ.អា. មិនអនុញ្ញាតឲ្យព្រះអង្គគង់ដោយសារតែព្រះអង្គធ្វើសកម្មភាពនយោបាយ។ លោក ពិន ស៊ីសុវណ្ណ រាយការណ៍ពីទីក្រុង Ayer រដ្ឋម៉ាស្សាឈូសេត៕
Published 08/11/20
ការដុតគោយន្តរបស់ប្រជាពលរដ្ឋដឹកឈើ ដែលពលរដ្ឋថា ជាឈើសម្រាប់ធ្វើអុស នោះនាំឲ្យមានការរិះគន់យ៉ាងខ្លាំងលើអង្គការសម្ព័ន្ធមិត្តសត្វព្រៃ (Wildlife Alliance) ដែលជាដៃគូសហការរបស់ក្រសួងបរិស្ថានក្នុងការការពារព្រៃឈើក្នុងតំបន់ជួរភ្នំក្រវាញ។ ប្រជាពលរដ្ឋដែលរងគ្រោះក្នុងភូមិដាច់ស្រយាលមួយក្នុងខេត្តពោធិ៍សាត់ អះអាងថា សកម្មភាពដុតគោយន្តនេះ«ហួសហេតុ»នាំឲ្យជីវភាពរបស់ពួកគេកាន់តែលំបាក។...
Published 08/10/20
មន្ត្រីសហភាពអឺរ៉ុបបានថ្លែងថា ទណ្ឌកម្មសេដ្ឋកិច្ចដោយយកពន្ធចំនួន ២០ភាគរយ លើទំនិញកម្ពុជា នឹងចូលជាធរមាននៅថ្ងៃពុធ ទី១២ ខែសីហានេះ បន្ទាប់ពីគ្មានសមាជិកសហភាពអឺរ៉ុបណាម្នាក់ជំទាស់នឹងការសម្រេចរបស់គណៈកម្មការអឺរ៉ុប។ ការដាក់ទណ្ឌកម្មនេះ ដោយសារគណៈកម្មការអឺរ៉ុបបានរកឃើញថា ប្រទេសកម្ពុជាបានរំលោភយ៉ាងធ្ងន់ធ្ងរនិងជាប្រព័ន្ធលើសិទ្ធិពលរដ្ឋ សិទ្ធិការងារ សិទ្ធិនយោបាយ និងសិទ្ធិលំនៅដ្ឋាន ជាដើម។ លោក សម រង្ស៊ី ប្រធានស្តីទីគណបក្សសង្គ្រោះជាតិបញ្ជាក់ប្រាប់វីអូអេថា...
Published 08/07/20
ផ្លែចេកកំពុងមានតម្រូវការនាំចេញទៅប្រទេសចិនខ្លាំង នាពេលចុងក្រោយនេះ។ អ្នកវិនិយោគធំៗចាប់ផ្តើមដាំចេកអំបូងលឿង ដែលអាចនាំទៅប្រទេសចិនបាន។ ខណៈកម្ពុជា និងចិន នឹងចុះហត្ថលេខាលើកិច្ចព្រមព្រៀងពាណិជ្ជកម្មសេរីក្នុងពេលឆាប់ៗនេះ ទីផ្សារផ្លែចេកនឹងបន្តកើនឡើង។ នៅក្នុងខេត្តត្បូងឃ្មុំ និងខេត្តកំពង់ចាម អ្នកជំនួញបានចាប់ផ្តើមកាប់ដើមកៅស៊ូដែលពួកគេដាំច្រើនឆ្នាំមកហើយ មកដាំដើមចេកវិញដើម្បីនាំផ្លែចេកទៅលក់នៅប្រទេសចិន។ លោកស៊ុន ណារិន លោកអូន ឆេងប៉រ និងកញ្ញាហ៊ាន សុជាតា រាយការណ៍ឲ្យវីអូអេពីខេត្តត្បូងឃ្មុំនិងខេត្តកំពង់ចាម៕
Published 08/07/20