Anpil estrikti ak "coach" nan devlòpman pèsonèl ap pouse tankou djondjon an Ayiti dènyè tan sa yo. Tandans sa pa sèlman an Ayiti se nan tout mond nan, gen yon gwo monte an pisans nan fason moun yo konsome kontni sou devlòpman pèsonèl. Ant lane 2021 pou rive 2021, pwodiksyon liv sou sijè sa ogmate jiska 75%, san konte magazin, sit entènèt, blòg, enfliyansè k ap simaye enfòmasyon pasipala pou pouse moun an jeneral pran desten yo an men nan devlope kapasite yo e nan mache kontre pi bon vèsyon posib yo menm nan. Ki sans yon apwòch pozitivis konsa, ki rann bonè a posib e aksesib ak tout moun e ki rann endividi a responsab totalman siksè l ou echèk li, genyen nan kontèks ekonomik, sosyal ak politik Ayisyen kounya a ? Steeven Louis, Doktoran nan Sikoloji Klinik ak Sikopatoloji ap fè viwonn kesyon sa ak nou nan premye epizod sa.  --- Send in a voice message: https://anchor.fm/collinx-mondesir/message